محتارة ومحتاجة مساعدة

**S O P H O S** · 19-10-2014 02:25 AM

راي الفيرنا او الكورولا عيون بس المبلغ يزيد 5 او 7 كمان
والاختيار هيبقي شرط الحالة السليمة
مجرد رأي ..

**eng_amg** · 20-10-2014 01:55 PM

المشاركة الأصلية كتبت بواسطة فاريهان

جزاكم الله جميعاً خير الجزاء على النصيحة ولكن ممكن اطمع زيادة في معرفة أسعار السيارات المطروحة من قبل حضراتكم هل هتتناسب مع الميزانية التي ذكرتها انا فوق لاني ماليش بصراحة اووي في أسعار سوق السيارات وعن التويوتا اكو هل يفضل أن ابتعد عنها لاني لاحظت أن ماحدش رشحها لي خالص في تعليقات حضراتكم

نصيحة بالمبلغ دا أفضل إختيار بالنسبالي حيكون أوبل أسترا موديل 2000:2005
الموديل دا إمكانياته رائعة ورفاهية عالية دا غير وسائل الأمان بها
فرامل - وسائد هوائية - صاج وهيكل قوي - إتزان
وأيضا موفر في الوقود

لكن طبعا محتاجة حضرتك تتعبي شوية ومتجبيش غير عربية حالتها جيدة جدااااااااااا
مينفعش تجيبي عربية حالتها نص نص وتسمعي حد يقول معلش الحاجة إلي فيها تتلم.

العربية لو حالتها جيدة وتابعتي صيانة دورية كل 10,000 كم عمرها ما حتعطل منك أو تزعلك أبدا إن شاء الله

وبالتوفيق

**فاريهان** · 21-10-2014 10:11 PM

طيب ورأيكم ايه في دايو ليجانزا لأن في ناس زميل بيقترحوها عليا ياترى ظروفها ايه

**shiko85** · 21-10-2014 10:43 PM

المشاركة الأصلية كتبت بواسطة فاريهان

طيب ورأيكم ايه في دايو ليجانزا لأن في ناس زميل بيقترحوها عليا ياترى ظروفها ايه

بلاش، عربيه 2000 سى سى موديل قديم و تقيل فالبيع و قطع الغيار مش منتشره (بس هى عربيه محترمه)

**fares_311** · 21-10-2014 11:13 PM

السلام عليكم
ممكن تشوفي لانوس أو نوبيرا اعتقد حتكون مناسبة وفيها الكماليات الرئيسية بالاضافة لسهولة التصليح وتوفر قطع الغيار ورخصها وسهولة اعادة البيع وحتلاقي معروض منها كتير للبيع بس دوري على حالة كويسة يعني متروحيش لوحدك خلي زوجك أو أخوكي يجي معاكي أو حد بيفهم في السيارات علشان يكشف عليها