نويت اشترى كورولا بس معرفش اى حاجة عن الفتيس بتعها وزاى استعملة ارجو الافادة
عرض للطباعة
نويت اشترى كورولا بس معرفش اى حاجة عن الفتيس بتعها وزاى استعملة ارجو الافادة
يا ريت با استاذ اشرف توضح الموضوع ابسط من كدة
بص يا باشا الفتيس بتاع العربيه دى انا شايفه سهل و بسيط بس عايز واحد يفهمه اولا لازم تتعامل مع العربيه على انها منيوال مش اوتوماتيك لو عملت كده هتلاقى العربيه زى الفل و مفيش مشاكل لو عاملتها على انها اوتوماتيك مش هتعجبك يعنى مثلا لو حضرتك راكب عربيه مانيوال و جيت تنقل بتشيل رجلك من على البنزين صح هو ده المطلوب فى الكورولا انك تخف رجلك من على البنزين و هى بتنقل عشان متنتش منك بس شىء طبيعى انك تحس بيها و هى بتنقل ( مش نتشه) لو عايز تريح دماغك سوق العربيه على المانيوال مود و انت فى وسط البلد يعنى انت الى هتنقلها بكده مش هتحس باى حاجه خاااااااالص و انا عن نفسى شايف ان الفتيس ده و الفتيس الايزى ترونيك فى الاوبل روعه و تكنولوجيا جديده احنا الى مش قادرين نفهمها و بنجيب العيب فى الى صنعوها و نقول ده بيبوظ .
انا اسف على الاطاله و يا رب اكون قدرت اوصلك الى انت عايزه و اى حاجه انا تحت امرك.
على فكره العربيه دى فيها من جوا ديسك و اسطوانه زى العربيات المانيوال بالظبط.
عايز راى لازم تجرب العربيه علشان تقدر تعرف الفتيس بتاعها حلو ولا لأ
لان فى ناس بتقول فيه عيوب وناس تانيه بتقول انه ليه طريقه استخدام معينه
فالاحسن تجرب العربيه بنفسك لو تقدر طبعا
لو اتيحت لك الفرصه انك تجرب عربيه جربها على جميع السرعات وشد بيها مره واحده وامشى بيها عادى واقف وامشى تانى وجرب الاتوماتيك مود والمانوال مود
الكلام ده على الجنوب افريقى
اليابانى الفتيس بتاعها عادى مفهوش مشكله ان شاء الله
ممكن تروح التوكيل فى العباسية وهما عندهم عربية Test Drive وتجرب وتقرر بنفسك اذا كان الفتيس يناسبك ولا لأ
فعلا احسن حاجه انك تجرب انا مستريحتش الا مروحت منصور اوبل و جربت الايزى ترونيك و ناوى اجرب التويوتا
استاذwhaels انا ما عرفش اى حاجة عن الفتيس ستبترونك ولا عن الشفتات اللى فية ولا التحويل بين المانيوال او الاتوماتيك اللى اعرفة الاتوماتيك العادى ارجو الافادة واسف على تعب حضرتك
بص الفتيس فعلا وحش والميزه اللى فيه إنه بيوفر بنزين عن الأوتوماتيك العادى
والعيب فعلا فى اللى عاملينه لسبب بسيط إن الفولكس فاجن الجيتا فيها فتيس زيه بشفتات فى الدركسيون 6 سرعات ولا فيها نتشه ولا هشه ولا أى مشكله
اسف جدا على التاخير موضوع التحويل ده هو ان لو انت عاملها اوتوماتيك عادى زى اى عربيه اوتوماتيك هى الى بتنقل لوحدها بدون اى تدخل منك انما لما تعملها مانيوال (بتعمل الفتيس على الوضع ده لما تشوف الفتيس هتعرف ) المهم انها على المانيوال مود ده العربيه مش بتنقل لازم انت الى تنقلها عن طريق زرارين ورا الدركسيون او من الفتيس زقه لفوق يزود غيار و زقه لتحت يسقط غيار مفيش دبرياج ولا حاجه .
الملخص ان الناس مش عاجبها الفتيس لانهم بيحسو بالعربيه وهى بتنقل (على عكس اى فتيس اوتوماتيك تانى زى الكورولا الشكل القديم مثلا) بس الناس بتحس بيها لانها من جوا (ميكانيكيا) مانيوال مش اوتوماتيك.
اى حاجه انا تحت امرك اسأل لحد متزهق انا مش هزهق.
بس برده جرب قبل متشترى