فتيس الكورولا

**hafez** · 27-10-2008 09:54 PM

نويت اشترى كورولا بس معرفش اى حاجة عن الفتيس بتعها وزاى استعملة ارجو الافادة

**ashrafE51** · 27-10-2008 10:24 PM

http://www.nilemotors.net/Nile/showthread.php?t=44258

**hafez** · 27-10-2008 11:24 PM

يا ريت با استاذ اشرف توضح الموضوع ابسط من كدة

**KHALED AYMAN** · 28-10-2008 12:22 AM

بص يا باشا الفتيس بتاع العربيه دى انا شايفه سهل و بسيط بس عايز واحد يفهمه اولا لازم تتعامل مع العربيه على انها منيوال مش اوتوماتيك لو عملت كده هتلاقى العربيه زى الفل و مفيش مشاكل لو عاملتها على انها اوتوماتيك مش هتعجبك يعنى مثلا لو حضرتك راكب عربيه مانيوال و جيت تنقل بتشيل رجلك من على البنزين صح هو ده المطلوب فى الكورولا انك تخف رجلك من على البنزين و هى بتنقل عشان متنتش منك بس شىء طبيعى انك تحس بيها و هى بتنقل ( مش نتشه) لو عايز تريح دماغك سوق العربيه على المانيوال مود و انت فى وسط البلد يعنى انت الى هتنقلها بكده مش هتحس باى حاجه خاااااااالص و انا عن نفسى شايف ان الفتيس ده و الفتيس الايزى ترونيك فى الاوبل روعه و تكنولوجيا جديده احنا الى مش قادرين نفهمها و بنجيب العيب فى الى صنعوها و نقول ده بيبوظ .
انا اسف على الاطاله و يا رب اكون قدرت اوصلك الى انت عايزه و اى حاجه انا تحت امرك.

**KHALED AYMAN** · 28-10-2008 12:24 AM

على فكره العربيه دى فيها من جوا ديسك و اسطوانه زى العربيات المانيوال بالظبط.

**limo** · 28-10-2008 12:29 AM

عايز راى لازم تجرب العربيه علشان تقدر تعرف الفتيس بتاعها حلو ولا لأ
لان فى ناس بتقول فيه عيوب وناس تانيه بتقول انه ليه طريقه استخدام معينه
فالاحسن تجرب العربيه بنفسك لو تقدر طبعا
لو اتيحت لك الفرصه انك تجرب عربيه جربها على جميع السرعات وشد بيها مره واحده وامشى بيها عادى واقف وامشى تانى وجرب الاتوماتيك مود والمانوال مود
الكلام ده على الجنوب افريقى
اليابانى الفتيس بتاعها عادى مفهوش مشكله ان شاء الله

**hn_kamal** · 28-10-2008 09:23 AM

ممكن تروح التوكيل فى العباسية وهما عندهم عربية Test Drive وتجرب وتقرر بنفسك اذا كان الفتيس يناسبك ولا لأ

**KHALED AYMAN** · 28-10-2008 06:03 PM

فعلا احسن حاجه انك تجرب انا مستريحتش الا مروحت منصور اوبل و جربت الايزى ترونيك و ناوى اجرب التويوتا

**hafez** · 29-10-2008 08:07 PM

استاذwhaels انا ما عرفش اى حاجة عن الفتيس ستبترونك ولا عن الشفتات اللى فية ولا التحويل بين المانيوال او الاتوماتيك اللى اعرفة الاتوماتيك العادى ارجو الافادة واسف على تعب حضرتك

**محمد ابراهيم 1** · 29-10-2008 08:18 PM

بص الفتيس فعلا وحش والميزه اللى فيه إنه بيوفر بنزين عن الأوتوماتيك العادى
والعيب فعلا فى اللى عاملينه لسبب بسيط إن الفولكس فاجن الجيتا فيها فتيس زيه بشفتات فى الدركسيون 6 سرعات ولا فيها نتشه ولا هشه ولا أى مشكله

الموضوع: فتيس الكورولا

LinkBack

أدوات الموضوع

عرض

فتيس الكورولا - انشر الموضوع فى :

-

-

-

-

-

-

المواضيع المتشابهه

فتيس الكورولا الجنوب افريقى Mmt بيعلق !!!!!

فتيس الكورولا هل في مشاكل

مشكلة فتيس التويوتا الكورولا 2009

مش عاجبك فتيس الكورولا mmt

فتيس الكورولا الجنوب افريقى يطلب الصبر

الكلمات الدلالية لهذا الموضوع

المفضلات

المفضلات

ضوابط المشاركة