الموضوع: التمبرا جابتلى إحباط

المشاركة الأصلية كتبت بواسطة hotbird2271980

أرجو الإفادة فى المشكلة الآتية :
1- السيارة فيات تمبرا موديل 1994 هاف إنجيكشن فيها نتشة مع المشى و تأخير فى الدوارة و برجلة فى الأر بى إم و ارتفاع حرارة المحرك عن الطبيعى .
2- تم تغيير القطع التالية : فلتر البنزين - طلمبة البنزين - طقم الإنجيكشن - حساس الكرنك - الاسبراتير الاليكترونى - البوجيهات - ضبط التقسيمة .
3- تم الكشف على السيارة بجهاز كشف الأعطال و وجد عطل فى بوابة الأيدل و تم تغيير الإجيكشن كله 3 مرات و لم تحل المشكلة .
3- أنا يائس و محبط جدا و راكن العربية لأنى مش عارف امشى بيها من كتر التنتيش اللى بيحصل فيها و زيادة حرارة المحرك عن الطبيعى ( أحيانا مياة التبريد بتفور ) .
4- هل فى حل عندكم للمشكلة دى لأنى دوخت و صرفت بما فيه الكفاية ( ربنا اللى يعلم ) .
5- أرجو الرد للأهمية القصوى .
6- لكم جزيل الشكر .

تم بحمد الله إصلاح العطل بعد زيارة مركز الصفا للكربراتير و الإنجكشن يوم الجمعة 24-10-2014 .. الحمد لله الاستقبال كان تمام .. و تم ترك السيارة بناءا على توصيات المهندس المختص ( المهندس عربى ) .. تم استلام السيارة يوم الاثنين 27-10-2014 .. و النتيجة بسم الله ما شاء الله العربية رجعت تمام ( أحسن من الأول ) .. العطل تم إصلاحه كالآتى :
1- تم إصلاح ضفيرة الإنجكشن ( ضفيرة حساس ال تى بى إس ) لأن المشكلة الرئيسية كانت فيها و هى اللى عاملة اللخبطة دى كلها
2- تم ضبط كهرباء طلمبة البنزين لزيادة ضغط ضخ البنزين
3- أنا طلبت تغيير حساس المياه لأن الكمبيوتر كان مسجل فيه عطل قبل كده و الحمد لله تم تغييره .
4- و انا راجع فضلت ادعى للمركز بالخير على الجهد المبذول فى العربية لأن العطل ده ماحدش كان عارف يشخصه صح .
ربنا يبارك لهم .. الناس دى محترمة جدا و جادة جدا فى شغلها.
ملحوظة واحدة هى اللى مش عارف معناها إيه فى العربية .. لمبة الإنجكشن بتنور و انا ماشى ( بعد ما اتحرك بفترة ) و ساعات تطفى تانى و ساعات ما تطفيش رغم عدم تأثر أداء السيارة بهذا الأمر .. هل ده ليه تفسير أو حل .. حبيت انقل لكم التجربة للإفادة .. لكم جزيل الشكر

المشاركة الأصلية كتبت بواسطة mecha

يعني اس المشكله ضفيره ال tps يعني سلكتين تلاته يا سبحان الله
الحمد لله ان فيه عربيات ياباني لا يمكن ضفيره تهيس الا بفعل فاعل
و مجاميع كهربا وحساسات الاطول عمرا بلا منافسه في العالم اجمع
وشكرا للاخ علي الفيد باك وبالتوفيق

أكيد معاك حق .. اليابانى يابانى .. بس انا أعتقد اللى حصل معايا ده بفعل فاعل ( مش لوحدها ) .. لأنى استلمتها كدة بعد العمرة و بدأ مشوار العذاب .. بس الحمد لله هى دلوقتى تمام .. مشكور على الرد يا باشا .