https://fbcdn-profile-a.akamaihd.net...cbf6620bc871c0
ينفع آجي أترافع أنا عنك يا بو آسر
بس أنا ميكانيكا
ممكن أجيب معايا رافعه ونترافع سوا
وإنت ونصيبك :)
ـ
ممكن حد عنده صبر كده يفهمنى أعمل الإجراءات دى ازاى؟ أنا من القاهرة أروح فين , و أجيب النموذج منين و ايه الأوراق المطلوبه ؟؟؟؟
تخلف عن التجنيد مش هروب
و عندى 36 سنه
جزاكم الله خيرا
بكل هدوء حضرتك لو بطاقتك القاهره هتروح الهايكستب هناك هتقول للى على الباب عايز اسوى موقفى بعد ال 30 هيدلك على شباك تروح عنده هتشترى ملف تخلف تجنيد و هتملاه و ترجع لنفس الشباك هيقولك روح مكتب التحريات و متقلقش خالص محدش هيكلمك بتاع التحريات هيملى حاجتين تانين و يقولك روح سلم الملف عند الشباك الى اشتريته منه هتعمل كده و هيديك ايصال و يقولك تعالى يوم كذا تعرف معاد المحاكمه هتعمل كده و هتيجى فى اليوم الى قالك عليه هتديله الايصال هيديك ورقه فيها معاد المحاكمه اعلان محاكمه هتروح فى اليوم ده المحكمه العسكريه س28 الى فى مدينه نصر و هتبقى اجرائات روتينيه جدا و هتخش للقاضى يسالك مجتش ليه ؟ متزوج بتشتغل ايه و عندك كام طفل و بعدين تستنى برا مع كل الى زيك لحد متسمع الحكم حاليا الحكم غرامه من 3200-3600 جنيه هتنزل تدفع فى الخزنه تحت و تاخد ايصال تانى يوم هتروح اداره التجنيد الى فى حلميه الزيتون تسلم الايصال و تستنى الشهاده تاخدها و تروح
المده الزمنيه حوالى 15 يوم من اول متروح الهايكستب و ممكن اقل شويه
و ياريت تاخد معاك فى اول يوم ورقه يكون فيها الرقم العسكرى الرقم العسكرى ده موجود فى استماره 6-7 جند الى بتاخدها مع ملف الكليه الى كنت فيها لو مش موجود هتروح القسم التابع ليه و تعمل بدل فاقد 7 جند لانهم محتاجين تكتب الرقم الثلاثى ده فى الملف الى بتشتريه
عملت ايه هههههههههههههه
جزاك الله خيرا يا أخ كريم
طب يارجالة وياكريم بك..اللي المفروض وحيد زيي وعنده اخت واحدة والوالد معدي 60 سنة ايه نظامي زي ابوآسر؟...انا خلصت جامعه ومكنتش اعرف اني لازم اعمل ورقة الاعفاء افتكرتها بتطلع اوتوماتيك (
لو حضرتك عديت سن التلاتين يبقى زى الاخ ابو اسر لو لسه يبقى حظك حلو لان الحاله الوحيده الى بيستمر فيها الاعفاء حتى لو تخلف عن معاده هى وحيد والده هتروح و تعمل اجرائاتك عادى
طب يا جماعة بالنسبة للمتخلف و مكملش الثلاثين و عايز يجدد رخصة عربيته و بطاقته فى قلق من الموضوع ده ؟؟؟