الموضوع ده بقاله فترة بس مش بيبقى علطول يعني انت وحظك بس اللي أعرفه انه بيتحرى عن أي قضايا جنائية مش عسكرية زي التخلف عن التجنيد وكده والله أعلم برده
تحرى عن اى حاجه مش بيسال عن التجنيد خالص تحت اى بند حياتك كلها تقدر تعيشها عادى معادا الوظائف فقط
أيوة كتير
جددت رخصة القيادة مرة ومرة طلعت بدل فاقد وجددت رخصة العربية كتير وطلعت بدل فاقد بطاقة كل ده الحمد لله محدش سألني خالص على حوار الجيش هما بيكشفوا زي ما قلتلك على القضايا الجنائية بس ملهمش دعوة بالموقف من التجنيد اللي أعرفه الحالة الوحيدة اللي هتطالب بيها بشهادة الجيش هي لما تطلع جواز سفر
ايوه يا فنتدم عملت بدل فاقد للبطاقه و اعرف واحد هاااااااااارب من الجيش :) هربان دخل و مشى و مرجعش و عمل البطاقه مرتين لحد دلوقتى مره تجديد و مره بدل فاقد و طلع رخصه اصلا و هو هربان ولا اى حاجه ولا تحطها فى دماغك اساسا
السلام عليكم يا جماعة.
أنا عندى 23 سنة و اتخرجت السنة اللى فاتت و متخلف عن الجيش دلوقتى و كنت عايز اعمل بدل فاقد لبطاقة الرقم القومى و قالولى انه ينفع اعملها اونلاين , بس كنت عايز اتأكد اذا كان موقفى من التجنيد مطلوب علشان اعمل بدل فاقد ولا لأ؟ و كمان انا بطاقتى القديمة كان فاضلها سنة واحدة و صلاحيتها تنتهى, هل بكده "بدل الفاقد" هيطلع بصلاحية سنة واحدة بس زى البطاقة القديمة ولا بـ7 سنوات عادى؟ شكراً و آسف على الاطالة, جزاكم الله خيرًا.