السادة الأعضاء المحترمين
إن شاء الله هحجز جين ٢ ٢٠١٤ مانيوال وكنت طمعان في رأي حضراتكم أو تقييم حضراتكم لموديل ٢٠١٤ وإيه هي العيوب والمميزات.
شاكر إهتمامكم
عرض للطباعة
السادة الأعضاء المحترمين
إن شاء الله هحجز جين ٢ ٢٠١٤ مانيوال وكنت طمعان في رأي حضراتكم أو تقييم حضراتكم لموديل ٢٠١٤ وإيه هي العيوب والمميزات.
شاكر إهتمامكم
مفكرتش فى اوبترا الشكل القديم
http://www.nilemotors.net/Nile/320139-3.html
التقفيل في موديلات 2013 و 2014 إتحسن بشكل كبير عن 2010 اللي هو احسن من موديلات 2006،2007
بكل امانة فرامل البيجو 301 اقوي من البروتون لكن ده ميمنعش إن فرامل البروتون قوية عن تجربة
الخامات و التقفيل اقل من البيجو بس البروتون بتنزل من 2004 برة مصر
كان في موضوع للعيوب و المميزات لبروتون جين 2 بس مش لاقيها
بالنسبة للاوبترا اوبشن اقل و عوامل امان اقل و توكيل ازبل من عز العرب عن تجربة بردو
انا سوقتها وكانت 2009
صوت موتور عالي
تحس انها ناشفه
العفشه ناشفه
التقفيل معقول
ضيقها وقعدتها مش مريحه
سحبها كويس وثباتها كمان
شكراً شكراً لإهتمام حضراتكم
الأوبترا إنسى والبيجو شكل جذاب وتقفيل ممتاز وقعدة مريحة جداً ووسع وكل حاجة بس (وخد باللك من بس) عايزة حد فاضي يناهد مع التوكيل لأنه هو الوحيد اللي بيفهم فيها وأحياناً بيبعت لفرنسا. ويستحمل حساسيتها الشديدة وميهنهاش وإنت ونصيبك فيها من الآخر.
البرسونا والجين تو واحد تماماً ماعدا العفشة في البيرسونا أنعم والشنطة أعمق ١٠ سم والكنبة أعمق ٢٠ سم غير كداً الاتنين واحد بالظبط.
ومتابع برضوا مع حضراتكم لو في أي جديد وشكراً مرة تانية
انا اسمع إن عفشة البيرسونا انعم لكن اللي اعرفه إن الاتنين نفس الثبات
بس هي فعلا اوسع و شنتطها اوسع
شكراً لمتابعتك
بصراحة أنا كنت مقتنع بيها أوي لحد ماشفتها مع واحد صاحبي بس أوتوماتيك وأنا عمري ما سقت الأوتو خالص المهم مإني معجبنيش الخامات والتقفيل (مع إني كنت راكب لانوس ٢٠٠٠) ولاقيت حاجة مهمة جداً إن الداير الكاوتش إللي على قايم الباب من فوق فصل من العربية (مبقلهاش ٣ شهور) غير إني لاقيت في مسافة أو فراغ بين الفانوسين الأماميين من تحت وصاج العربية ممكن من خلاله تشوف الأرض وساعتها إتقفلت بصراحة وإبتديت أفكر في البيجو ٣٠١ وقعدت يومين أدرسها ورحت شفتها في التوكيل وإنبهرت لدرجة إني كنت هحجز بس لحقت نفسي وقعدت أدرسها أكتر وأكتر لحد ما رجعت تاني أفكر وبشدة في الجين تو.
انا شوفت البيجو 301 لاني كنت محتار بين بروتون جين 2 و 301 بعد ما ابيع الاوبل
بصراحة البيجو معجبنيش الخامات بتاعتها مع إنها احسن من البروتون للحق
انا حاسس إنها عادية جدا و شفت السيتروين c-elysee بردو نفس الكلام يعني الفئة اللي مش هايلاين بتنزل مرايات عادية مش كهرباء
بصراحة انا مقتنعتش بيها خالص.
حكاية الفانوس اول مرة اسمعها او اشوفها
العربية مش مصفحة من تحت للاسف
الكاوتش اللي بتقول لو هو اللي موجود من جوة من عند فرش السقف،ده اصلا بيتغير و بيتفك و يتركب عادي
عفشه ناشفه
في عربيات زي الالماني (من اول الاسترا) الموتور تحتيه تصفيح للحماية مش بيبقي مكشوف من تحت
بس مفيش اي عربية في الفئة السعرية دي فيها التصفيح اسفل الموتور غير اللوجان علي حسب معلوماتي
شكراً على التوضيح
على العموم أنا مستني اشوف موديل ٢٠١٥ لأننا خلاص السنة خلصت مش معقول أجيب موديل ٢٠١٤ آخر السنة ولا إيه؟
مش عارف حاسس انك مش هتشترى الجين2
يارب اكون غلطان
لان لو احساسى صح
يبقى انت اكيد اللى غلطان
الجين2
فخامة
متانة
سعر
امان
شبابية
ممتعة
ثبات وطلقة وممتازة فى المناورات
ملفتة ولها حضور وشخصية قوية من 2006
عكس البيجو 301 تحس انها عواجيزى شوية
-فرامل سيئة جدا ، عفشة ناشفة ، سفاحة بنزين
-شكل خارجى جميل ، ثبات المانى ، مشاكلها قليلة ، مش اى حد راكبها وديه ميزة ،كل اللى معاه العربية بيشكر فيها
الشكاوى منها متكررة فى حاجات معينة فقط : صوت الكنبة ، الفرامل السيئة ، المالتى فانكشن
شكراً لإهتمامكم جميعاً
رقم ١ أنا إن شاء الله هحجزها لأني مقتنع بيها بنسبة ٩٩٪ ده للأمانة
رقم ٢ الفرامل مش وحشة إللي أنا عرفته إن مشارها طويل شوية مع الوقت بتاخد عليه (كنت راكب لانوس بفراملها إللى أي كلام)
رقم ٣ موضوع البنزين ده صح علشان إللي راكب جين ٢ فاهم إنو بيسابق شوماخر بالتاللي بيقرص وبيحرق وبيجري والماتور ١٦٠٠ متجاوب معاه وعلشان هي كده بتستهلك بنزين زيها زي أي عربية في نفس المواصفات ولكن إن طريقة السواقة إختلفت أكيد الإستهالك هيفرق
وشكراً مرة تانية لإهتمامكم
أتفق معاك تماماً
بس إدعولي أن ربنا يوفقني في حجزها أنا محتار مابين معرض الليثي والعزب العرب
-فرامل سيئة جدا ... اشاعة تقترب من كدبة ابريل
، عفشة ناشفة ... ضريبة ثباتها اللى بتنفرد بيه حتى فى الملفات وبسرعات
وعلاج النشفان دا كاوتش يابانى الصنع - دانلوب/تويو/بريدجستون/فالكون - واستمتع بسواقتها
، سفاحة بنزين ... عيب عدم صيانة البوابة واخواتها روح مركز الصفا http://www.nilemotors.net/Nile/249389-a.html
لا مش اشاعة و مش كذبة ....دى حقيقة وواقع ملموس
هو حضرتك جربتها قبل كده !!!
ياريت توضح أكتر
بص يا باشا
العربية معايا من سنتين
اولا قبل اي شئ هى جميلة جدا والشكوى منها زي ما قلت فى حاجات قليلة ومعينة بس
نيجى للفرامل الحاجة الوحيدة اللى مضايقانى من العربية منها هى ، وديه شكوى معظم اللى راكبينها
وانا مش واخد الكلام ده بالسمع ...انا من كتر خنقتى منها بسأل كل اللى بشوفه راكبها للتأكيد، و الرد الطبيعى لمركز الصيانة والتوكيل لما تشتكيله منها...
اكيد طبعا هى بتفرمل مش ضايعة ،والفرملة المفاجئة بتاعتها ممتازة ،بس من الطبيعى انى ادوس واهدى فتحس ان هى بتربط بس ده مبيحصلش لازم تدوس دوسة طويلة
انا فى نظرى ان ده عيب كبير وخصوصا ان العربية زيرو،،فكده متفرقش حاجة عن المستعمل خالص وبتفكرنى بال بولونيز موديل 91 بتاعت والدى
وللامانة فى ناس بتقول لما بتغير التيل الفرامل بتتحسن للافضل
بس ف المجمل هى عربية حلوة ونصيحتى تحاول تجربها وتسوقها الاول من اى حد
شكراً لتوضيحك المهم
مده إللي أنا فهمته إن مشوار الفرامل طويل شوية. أنا بفكر في المانيوال وربنا يكرم ولو في أي معلومة عند حضرتك أو نصيحة تحب تقولها هاكون شاكر لتعبك
معلش يا باشا انا مازلت معترض على ممتازة،
وعلى فكرة انا سايق فكترا قبل كدة وفعلا فراملها ممتازة بس لا تقارن بالجين
عايز اقولك حاجة انا كل ما اركب عربية تانية وادوس فرامل بنفس الدرجة اللى بدوسها فى عربيتى ،الاقى نفسى هاخبط فى الزجاج
فمتهيألى فى فرق فى الفرامل اللى بتهدى من الشعرة (ميزة ) ،واللى بتهدى من الدوسة الطويلة (عيب ).... مع الاخذ فى الاعتبار ان الاثنين بيفرملوا
مش عارف مش بحب الأوتوماتيك مع إنه هيريح ركبتي الشمال لأنها خلاص الدبرياج قضى عليها بس زي ما أنت قولت أنا مشاويري مش كتير خالص يوم أو يومين في الأسبوع وبيكونوا يومين الأجازة وعلى العموم شكراً لحضرتك
تحت أمرك...وبالتوفيق
العفو يا فندم ربنا يخليك
smsmsaad
هي بتختلف من واحد للتاني
انا و اخويا كنا قافلين من العربية في 2010 وقت ما كنا بنشتريها لسبب واحد هو إننا افتكرنا إن دواسة الفرامل زي العربيات الكوري
إنا اول مرة سقت البروتون سقتها علي طريق 6 اكتوبر و الطريق ده طبعا مليان مطبات و إشارات انا محصلش معايا اي مشكلة بالعكس انا اتعودت علي فراملها بكل سهولة....و دلوقتي انا بسوق الاوبل كتير و البروتون كتير علشان كدة انا قلت إن فراملها قوية.
sameyes متشتريش مانيوال لو الطرق اللي بتمشي عليها فيها زحمة كتير،هتكره العربية
السلام عليكم
بالنسبة لموضوع الفرامل أنا كنت بشتكي منها لغاية ما التيل خلص وغيرته بصراحة أداء فوق الممتاز العربية بتهدي بمنتهى السهولة
لدرجة إني فكرت إن abs عطل لأني معتش بحس بيه إنه بيشتغل بس علامته مش منورة في التابلوه فقررت إني هوديها للعفشجي وفي الطريق إليه حاولت أفرمل جامد كذا مرة بس مفيش فايدة العربية بتهدي وخلاص بدون الإحساس برجة abs لغاية ما جمدت قلبي وضغطت جامد جدا على الفرامل وكنت قبل العفشجي بحوالي 100 متر بس ...... الحمد لله abs شغال
مجرد تعليق مش من باب التعنت والدفاع عن العربية ..... وربنا يوفقنا جميعا للخير أينما كان
علي فكره abs مالوش علاقه بقوه الفرامل نهائيا
بل في بعض الاحيان العربيات بدون abs بتقف في مسافه اقل
abs اهميته انه بيسمحلك انك تاخد مناوره بالعربيه وانت بتفرمل
تعليقي علي فرامل الجين 2 الشخصي
هيه مش ضعيفه في حد ذاتها
لاكنها بتضعف عند الاستخدام المتكرر في وقت قصير بصوره ملحوظه
ادائها بيقل جامد
كلامك غريب ولا اساس له من الصحة للاسف
هو احنا مش معانا العربية دى ولا ايه
تيل الفرامل البووش الالمانى لا تعليق عليه امتياااز امتياااز امتياااز
ازاى بفى بيضعف مع الاستعمال
دا
كلام
تطفيش
عامل زى اللى بيسئل على
ملكة الجمال بين اخواتها وذات السمعة العطرة الطيبة ف رد واحد مبيتسئلش اصلا عايز الجوازة تبوووظ .....
مفهوم مسافة التوقف بتاع ABS ده خاطيء ولو تحب حضرتك شوف الفيديو ده
[youtube]http://www.youtube.com/watch?v=ZP40PoAPDOM[/youtube]
لو الكلام ده مظبوط كان في الزحمة الفرامل بتضعف لغاية نهاية الطريق يبقى مفيش فرامل وكل إللى معاه العربية دي هيعمل حادثة
ربنا يسلمنا وإياكم
انالامعيالاالعربية يقللها سنة واسبوع
العربية ممتازة بشكل عام
.
.
مشاكلها (كل المشاكل حجمها صغير):
الفرامل مشوارها طويل زي الاوروبي وده بيديك ميزة انك تهدي بالدرجة اللي انت عاوزها
التيل بيتاكل بسرعة (عمل معليا 15 اوتوماتيك) وفي اخر عمره بيكون ضايع
الكنبة بتعلق ، والعفشة بتفك كل خمسة لازم تربطها كويس
الصفيحة 180 يدوبك كيلو للي بيسوق بغباء زيي مع التكييف
توكيل وموزعين نصابين
طقم التبريد مش موجود وغالي موت
الاستيراد منها دركسيون يمين ففيه حاجات مبتركبش
.
.
اسوا حاجة دهان سئ سئ سئ سئ ةبعد ست شهور هتلاقيها بقت شوارع من رمل الدائري
.
.
.
بس كعربية ،،،،،، محترمة
انا فعلاً لاحظت المشكلة دي يااستاذ ابو يحيي
بس الكلام ده هينطبق لو بتستعمل فرامل وبتهدي جامد كل شوية يعني كأنك بتجرب الفرامل وجربتها كذا مرة هتحس فعلاً ان العربية مش هتقف بسرعة زي الاول
لكن لو في الزحمة وكل شوية بنزين وفرامل ده مبيحصلش
المختصر ان اللي حضرتك بتقول عليه ده بيحصل لو ماشي بسرعة عالية نسبياً ودوست فرامل على الاخر ومشيت تاني شوية ودوست فرامل تاني وهكذا .. مع كل مرة الفرامل بتبقى اضعف من الاول بس محدش بيعمل الكلام ده غير اللي لسة مغير تيل وبيجرب الفرامل :)
وعلى فكرة بيحصل في اي عربية انا كانت معايا صني القديمة قعدت معايا فترة كدة لقيتها مفيش اختلاف بينها وبين بروتون غير في الدواسة نفسها وسرعة الاستجابة .. بس بصراحة البيجو 301 فراملها عشرة على عشرة
الجين والبيرسونا ليهم تصفيح من تحت ياباشا ... قنطرة طولية حديد واخدة من تحت الرادياتير لغاية نص العربية ومغطية الموتور والفتيس وأي خبطة من تحت بتيجي فيها هي ... وعلى فكرة هي نفس القنطرة بتاعة الميتسوبيشي بالمللي
موضوع البنزين ده حقيقي أنا لما بسوقها بالراحة وبالعقل بتعمل معايا حوالي 220 ك/20 لتر ... جوة البلد كمان ...
وفي السفر بتعمل معايا على سرعة 120 ثابتة بمثبت السرعة 300 ك/20 لتر
لكن لما بحرق على الغيارات وبسوق بعبط أو بقف كثير في زحمة زيادة قوي .. المعدل ده بيقل لغاية 170 - 180 ك/20 لتر ساعات
وكلامك مضبوط بالنسبة لدواسة الفرامل مشوارها طويل وده أسلوب الفرامل في معظم السيارات الأوروبي
والياباني والعربيات السبور وده بيدي تحكم أكثر في قوة الفرملة اللى السائق عايزها ... غير الكوري اللى بلمسة تلاقي نفسك لازق في الزجاج ...
وبعدين مشوارها طويل معناه إنها بتمسك على الآخر عند نص مشوار الدواسة كدة ... مش بتوصل للأرضية أبدا ولا حتى ثلاث أرباع المشوار .. ولو مسكت تماما بعد نص مشوار الدواسة يبقى فيها حاجة غلط
الموضوع ده بيكون بسبب سرعة استجابة السيرفو بتاع الفرامل ... وطبيعي لأن هو عبارة عن كومبريسور هواء ومدى الشحن بتاعه صغير جدا لازم ياخد عدة ثواني لغاية ما يقدر يدي نفس أداء الضغط على الفرامل بين كل دوسة ودوسة ... ولو فضلنا ندوس على الفرامل ورا بعض لازم هايكون في تقصير منه في كل دوسة تالية عن اللى قبليها
وهو ده أساس ابتكار نظام مؤازر الفرامل ... Ba ... Break assist ... وده عشان يقدر يستجيب لضغطة قدم السائق برد فعلا أسرع من المعتاد وكل ما كانت قدم السائق أقوى كل ما يقدر يوفي قوة ضغط أكبر من جانيه لمؤازرة نظام الفرامل ... وده مفيد جدا مع الـ abs بالذات