البحث عن بنك محترم في البلد دة

**pioneerahmed** · 20-10-2014 07:51 PM

لان انا موظف في بنك
و لان لو حضرتك محتاج خدمة معينة هدل حضرتك على افضل بنك يقدملك الخدمة دي في مصر
عامة طالما حضرتك في انجلترا يبقي ممكن تفتح حساب في hsbc بس بمبلغ محترم لانهم عندهم خدمة انك ممكن تتعامل على حسابك من الفرع الام في انجلترا
بس لازم تكون عميل premier عندهم و دة بيبدا من اول 100000 دولار او ما يعادلها باي عملة
و طالما المبلغ دة انت هتعملة تحويل بنكي من لويدز يبقي متقلقش من موضوع غسل الاموال

و تحت امرك في اي استفسار

اة قبل ما انسي كنت بس احب اقول للاخوة الافاضل الى مش عاجبهم بنوك مصر ان لولا قوة الجهاز المصرفي المصري ما كانش حضراتكو لقيتو فلوسكو بعد ازمة 2008 و ازمة البلد اثناء و بعد الثورة

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

**Anaslbda** · 20-10-2014 08:13 PM

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

انا كده لامؤخذة هشتم وهقل أدبي

**طارق _عبد السلام** · 20-10-2014 08:14 PM

احنا مش عاجبنا بنوك مصر يا استاذنا الفاضل مش علشان هى مصريه لا
علشان اللى شغالين فيها اسلوبهم وطريقه تعاملهم اغلبهم تكشيره واسلوب غبى فى الرد

لكن البنوك الاجنبيه ويعمل بها مصريين وتقريبا اغلبهم خارجين من بنوك وطنيه فرق رهيب فى المعامله..وكله بحسابه
وتقريبا البنك الوحيد اللى لقيته بيجمع بين الاتنين يعنى بنك يعتبر وطنى وبمعامله البنك الاجنبى..هو العربى الافريقى

**طارق _عبد السلام** · 20-10-2014 08:21 PM

اة قبل ما انسي كنت بس احب اقول للاخوة الافاضل الى مش عاجبهم بنوك مصر ان لولا قوة الجهاز المصرفي المصري ما كانش حضراتكو لقيتو فلوسكو بعد ازمة 2008 و ازمة البلد اثناء و بعد الثورة

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

ونسيت اشكر حضرتك بما انك موظف فى بنك وطنى واشكر كل البنوك المصريه انها .. منت.. علينا وحافظت على فلوسنا.. اللى هو المفروض دورها.. وياريت فعلا الشعب المصرى كله يشتغل ربع شغل موظفى البنوك ويكون مرتباتهم زى موظفى البنوك بردوا .. فعلا كنا هنبقى دوله عظمى

**KemozTanta** · 20-10-2014 08:54 PM

المشاركة الأصلية كتبت بواسطة pioneerahmed

و الله يا ريت ربع الشعب المصري بيشتغل ربع الشغل الي بيشتغلوة موظفين البنوك
كان زمانا دولة عظمي

لا معلش ، موظفين البنوك الحكومية واخدين حقهم وزيادة قصاد مجهودهم.. ورغم ذلك بشوف تعامل بعضهم السىء مع الناس البسيطة او الغلابة بمعني اصح..
عايز اقولك انا مرة واقف في ال cib مع صديق عميل لديهم ، جالي 3 موظفين خدمة عملاء .. شرفتنا ونقدر نساعدك في ايه ياافندم .. مش شغل موظفين البنك الاهلي وغيرة من الحكومي ، يسيبك و الرغي الكتير و استني بالرقم ولو مجريتش ع الشباك في رقمي ينادي ع الي بعدة.. عموما البنوك الحكومية اتحسنت كتييييير الكام سنة الاخيرة بس لسه في سلبيات.. ومصر هتبقي دولة عظمي لما مبدئياً كدا فوائد البنوك تتلغي والناس تسحب فلوسها وتنزل السوق وتبدع و تشغلها..

**pioneerahmed** · 20-10-2014 08:58 PM

اة ابتدا الهجوم
طيب مبدئيا انا مش شغال في بنك حكومة
انا شغال في بنك قطاع خال
ثانيا لو هنتكلم عن البنك الاهلى و انو اكبر بنك في مصر و دة صحيح بس مش عشان كفائتة و لا شطارة موظفين لا خالص دة ببساطة لانة يملك لوحدة 28% من اصول جمهورية مصر العربية
و دة من زمن الزمن و قصاد كل دة بيطلع ارباح تقريبا مش محصلة 4 مليار جنية في السنة مع ان في بنك تاني اسمة cib بيطلع ارباح 3.5 مليار جنية بامكانيات متحصلش عشر الى عند البنك الاهلى تفتكرو دة لية؟!!!
ثالثا انا مش بتكلم على بنك بعينو لان طبعا في الكويس و المتوسط دة بالنسبة للقطاع الخاص و دة الى بيفرق لان غير مسموح بالسيء تماما لان الموظف السيء ببساطة هيترفد و يعد في بيتو فمفيش اى اختيار عندو غير انو يشتغل صح بالنسبة للقطاع العام في السيء و الاسوا زي اى مصلحة حكومة
انا بتكلم على نظام مصرفي حاطة البنك المركزي كسياسات عامة لكل البنوك و هى دي الى محافظة على اقتصاد البلد دي لحد دلواتي و لو حضراتكو مش ملاحظين دة يبقي اكيد في حاجة غلط

اما بالنسبة لمرتبات البنوك احب اقول لحضرتك انها مش زي محضرتك متخيل و لو حابب تعرف مرتب اي درجة وظيفية في اى بنك كام بلظبط ممكن اقول لحضرتك ببساطة لانو مش رقم كبير بالعكس رقم قليل كمان

**pioneerahmed** · 20-10-2014 11:07 PM

بالنسبة للبنك العربي الافريقي هو بنك كويس بس كان افضل من كدة بكتير الاول يعني مثلا سنة 2007 كان افضل بنك في مصر انما بعد كدة نزل جامد
بس بالنسبة لظروف حضرتك اعتقد انك مش هتلاقي افضل من hsbc و دة لان. هو متفرد بموضوع التعامل على حسابك من اي فرع في العالم

**pioneerahmed** · 20-10-2014 11:11 PM

المشاركة الأصلية كتبت بواسطة طارق _عبد السلام

احنا مش عاجبنا بنوك مصر يا استاذنا الفاضل مش علشان هى مصريه لا
علشان اللى شغالين فيها اسلوبهم وطريقه تعاملهم اغلبهم تكشيره واسلوب غبى فى الرد

لكن البنوك الاجنبيه ويعمل بها مصريين وتقريبا اغلبهم خارجين من بنوك وطنيه فرق رهيب فى المعامله..وكله بحسابه
وتقريبا البنك الوحيد اللى لقيته بيجمع بين الاتنين يعنى بنك يعتبر وطنى وبمعامله البنك الاجنبى..هو العربى الافريقى

البنك العربي الافريقي مش مصري بالكامل
في 49% كويتي
البنك القطاع الخاص الوحيد في مصر الى مصري بالكامل هو cib

الموضوع: البحث عن بنك محترم في البلد دة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مساعدةفى البحث عن مركز محترم للكشف على السيارات المستعملة

عايز عنوان ميكانيكى محترم فى وسط البلد او حلوان او المعادى

حد يعرف كار كير محترم فى الجيزه او وسط البلد

مصر واهانة المواطن على جميع المستويات انا عايز اطفش من البلد دى البلد دى مش بتاعتنا

الكلمات الدلالية لهذا الموضوع

المفضلات

المفضلات

ضوابط المشاركة