إلحقوني أنا في ورطه ..........محتاج مساعدتكم

**destaroser** · 20-10-2014 12:58 AM

المشاركة الأصلية كتبت بواسطة attaa11

الحمد لله انك بخير .. الف مليون سلامه يا باشا

.. اعمل بحث في جوجل علي افضل صنايعي سمكرة ودوكو في اسكندرية .. واعمل بحث كمان عن افضل ميكانيكي وكهربائي سيارات كوري .. واكيد هتلاقي ارقام تليفون .. وانتا زي الباشا كده تتصل بيهم واللي يعجبك كلامه وخبرته في الشغل .. اديله العربيه ... انا بفهم الميكانيكي من طريقة كلامه . وبعرف ان كان فاهم ولا هيلبخ في العربية ... وربنا يصلح لك الحال يا ريس

الف شكر يا باشا حدور بس لو في حد الناس في المنتدي مجرباه يبقي يا ريت

**attaa11** · 20-10-2014 01:35 AM

انتا ودي العربيه عند السمكري .. واكتب كشف بالحاجات اللي هيقولك هاتها .. وانزل بورسعيد .. بنك الاسكان .. اسأل عن محلات قطع غيار الكوري .. هتلاقيهم كتير اوي هناك .. وفاصل معاهم .. وشوف البضاعه بعينك وامشي علي كل المحلات لغايه اما تجيب طلباتك .. وحتي لو جبتهم من كذا محل .. المهم توصل معاهم لسعر يرضيك .. وان شاء الله تخلص علي خير .. واوعا تبيع العربيه .. . لانك كده هتكون خسرت كل شئ .. واللي هيشتري .. هينزل سعرها جامد .. ده شغل تجار يا ريس .. ربنا يوفقك يارب

**destaroser** · 20-10-2014 01:54 AM

المشاركة الأصلية كتبت بواسطة attaa11

انتا ودي العربيه عند السمكري .. واكتب كشف بالحاجات اللي هيقولك هاتها .. وانزل بورسعيد .. بنك الاسكان .. اسأل عن محلات قطع غيار الكوري .. هتلاقيهم كتير اوي هناك .. وفاصل معاهم .. وشوف البضاعه بعينك وامشي علي كل المحلات لغايه اما تجيب طلباتك .. وحتي لو جبتهم من كذا محل .. المهم توصل معاهم لسعر يرضيك .. وان شاء الله تخلص علي خير .. واوعا تبيع العربيه .. . لانك كده هتكون خسرت كل شئ .. واللي هيشتري .. هينزل سعرها جامد .. ده شغل تجار يا ريس .. ربنا يوفقك يارب

الف شكر ليك ....انشاء الله حعمل بنصيحتك وحنزل علي بورسعيد وربنا يسترها معايا انشاء الله

**sherifatar** · 20-10-2014 01:58 AM

اخي ياريت تكلمني ضروري رقمي 01091801808

**attaa11** · 20-10-2014 11:37 AM

ياريت تعرفنا عملت ايه .. ولقيت الحاجات عند مين وبكم ؟

**destaroser** · 20-10-2014 05:22 PM

المشاركة الأصلية كتبت بواسطة attaa11

ياريت تعرفنا عملت ايه .. ولقيت الحاجات عند مين وبكم ؟

انشاء الله حقولكم عملت ايه بالتفاصيل

**destaroser** · 21-10-2014 01:40 PM

معروض عليا نص اداماني دلوقتي ب ١٦٠٠٠ ايه رأيكم ؟

**sherifatar** · 21-10-2014 07:37 PM

المشاركة الأصلية كتبت بواسطة destaroser

معروض عليا نص اداماني دلوقتي ب ١٦٠٠٠ ايه رأيكم ؟

نص اية يا باشا عربيتك مش محتاجة كل دة اوعي تعمل كدة انت كدة بتدمر عربيتك
العيوب اللي ان شرحتها سهلة وبسيطة ومتكلفكش 10000 جنية بالمصنعيات
ياباشا اوعي تعمل كدة النص دة لما بيكون القوائم مدمرة
ان اللي في عربيتك حاجات بسيطة

**miam0502788391** · 21-10-2014 08:49 PM

اولا الف حمد الله على السلامة
ثانيا لا تبيع العربية حوادث ولا حاجة هتخسر كتير والعربية من كلام حضرتك واضح ان الوش بس هو اللى اتبهدل بدون وصول الضرر الى الشاسية او مقدمة حوض المكنة
يعنى الموضوع ان شاء الله سمكرة خفيفة + فك المكسور وتركيب السليم
رأى لحضرتك تشوف سمكرى ابن حلال عندك فى اسكندرية
الراديتير ممكن تفكه وتوديه لواحد بتاع راديتر ممكن يلحم القاحدة المكسور
كمان الفانوس السليم ممكن تتلحم القاعدة المكسورة ويتصلح
باقى الكابوت والرفرف والاكسدام دول ممكن تشتريهم استيراد من عندك او من بنك الاسكان فى بور سعيد او حرفين القاهرة او تشتريهم جديد من اى حد عندك بتاع قطع غيار كورى
فيه رأى آخر هيوفر عليك شوية ممكن تشترى قطمة امامية استيراد ( ربع كامل ) بمشتملاتة وده هيعمل تقريبا 2500-3000 جنيه وتاخد منه اللى انت محتاجه
اعتقد كده الموضوع يتلم فى حدود 9000- 10000 جنيه سمكرة وبويه وقطع غيار
تقبل مرورى