مفاجأة! نتيجة تحليل بنزين 95 و 92

**Mecha** · 21-10-2014 11:20 AM

يا اخوانا اصحوا 92 ايه ولا 95 اللي هيخرب مكنه
دي الاعيب توكيل , افتكروا كدا كام وكيل عمل ريكال لعيب صناعه
في مصر تقريبا مفيش , رغم ان الشركه بره بتبعت نشرات وتقل الوكيل يصلح علي حسابها , لكن الوكيل المصري حدق والعوبان يمضي المستهلك ويحاسبه علي عيب صناعه وكمان يحاسب الشركه بره
وموقف افتكره ف اخر التسعينات في سوزوكي سويفت , المستهلك عنده صوت غريب ف الموتور وكانوا عارفين تيله بنز البستم مع البيل نطرت من مكانها , لكن سقوا المستهلك المر ياعيني علي انه عيب استخدام
انا لو هفول تنك المرسيدس جاز بوابير مش هتخرب المكنه ,اخرها طرمبه
ورشاشات
ليه بنزين 95 دلوقتي فيه نابالم؟؟؟؟

**mody112** · 21-10-2014 11:44 AM

طب ما الجيتا لو اتفولت غير 95 بتعطل ( كان كلام شايع عنها فى اول ما نزلت )

**Mecha** · 21-10-2014 11:58 AM

فيه حاجه مهمه لازم تتعمل
المكنه اللي خربت دي لازم نعرف كويس اوي خربت ليه
تتحل واحده و نعمل failure analysis
شغل طيارات ماهي مرسيدس بقي
ونعرف اللبه فين . ممكن التربو فيه مشكلة over charging
خصوصا انهم مركبين الجديد VGT وفيه مشاكل كتير
ممكن بيسيح بساتم ,يعوج بيلات ,يقطم كرنك ,يكسر بلوك يشرخ هد
مرسيدس مش معصومه من الخطا,خصوصا التربو غالبا شركه تانيه بتعمله , ممكن ECU بتخطرف و الوكيل مفغطرشين عليها

**midnightman_74** · 21-10-2014 12:13 PM

الناس اللى حاجزة مرسيدس جديدة المفروض تلغى الحجز لحد لما المشكلة تتحل

**ابو ياسمين** · 21-10-2014 05:00 PM

الخطاب المنشور كما هو واضح من صورته صادر عن مركز أبحاث مصر للبترول بغمرة

ومن الواضح ان التحليل تم بطلب من شركة مرسيدس

وانا مقتنع ومصدق لنتيجته لأسباب كثيرة ولكنى مقتنع ومصدق اكثر لما يقوله زميلنا Mecha

واحب ان اسأل العباقرة فى توكيل مرسيدس ما الحال فى السيارات من نفس الفئة فى انتاج العام السابق

وان كانت سياراتكم الجديدة لا تتحمل بنزين مصر مهما كانت حالتة
لدرجة تدمير المحرك بهذه السرعة الرهيبة وهذا اعتراف منكم بذلك
فكيف تبيعونها للناس
اليس هذا يدخل تحت بند بيع سلعة غير قابلة للأستخدام ( غش تجارى )

ما هذه المهزلة ان مصر بها توكيل سيارة بورش فهل يستوردون لها بنزين من المانيا !!

وهل محرك مرسيدس C اعلى من بورش !!

وماذا عن باقى الفئات بما فيها الفئة S

**Mohamed.Ramah** · 21-10-2014 06:36 PM

طالما الموضوع اختص بموديلات معينة وخاصة الحديث منها السنة الجارية مثل (ClA - A Class - C Class - B Class ) واغلب الشكوى منها اكيد البنزين لية عامل بس مش منطقى انى اخد عينة من بعض العربيات وممكن جداً يكون مغشوش واعممها على الباقى كلهم واقول مشكلة بنزين دة مش حل واستخفاف بالعميل لان فى بنزينات محترمة فى مصر زى (إمارات - وطنية – طاقة – موبيل - توتال ) وبنزينها يشاد ليها بالجودة واكيد واحد راكب مرسيدس مش بيروح اى مكان ولا بيفول من اى بنزينة وملاك مرسيدس فى مصر اكثر من المانيا ومعاهم جميع الموديلات كان ظهرتلهم هما كمان شكوى الا لو حنعمم بقى المشكلة اى عربية يحصل فيها مشكلة فى الموتور نقول يبقى بنزين اول شىء ويلية عيب الصناعة وبكدة الشركات حترميها على وزارة البترول واحنا ندخل فى الحيط ونقعد جمب عربياتنا -- بصراحة انا بقيت بقرأ وبشوف حجات فى توكيلات مصر ليها العجب ربنا يسلم

**mz_moataz** · 22-10-2014 08:35 AM

المشاركة الأصلية كتبت بواسطة amr_8800

شكلنا كلنا هنركن العربيات ونركب عجل عشان يرتاحو
مهو لما عربيه ٢٠١٤ تجيب موتور ده اسمه جنان رسمي
بنزين مغشوش وزيت مغشوش و قطع غيار مضروبه وشوارع زباله وعربيات بضعف تمنها بره نعمل ايه طيب

إنها الهجرة :)))

**mz_moataz** · 22-10-2014 08:36 AM

المشاركة الأصلية كتبت بواسطة mecha

بس الوكيل كجهة اختبار ومعايره لا يعتد بيها لازم طرف تالت متخصص محايد
وكيل مرسيدس او اي وكيل معندهمش اجهزه ولا معامل ولا متخصصين للشغل دا
تقولي موبيل . معهد القومي للمعايره , مركز بحوث البترول , المركز القومي للبحوث , يبا ماشي دول متخصصين
لكن الوكيل جايب اي ورقه ولاعب فيها بخط اليد دا تهريج وحقوق ناس هتضيع .

مفترض مرسيدس أجرت التحليل الأولي في معمل تحليل عالمي موجود بألمانيا .. وأعتقد ده اللي خلي الحكومة تعمل التحليل المبين هنا ...
وبشكل عام انا لا استبعد ابداً غش البنزين ..
شركة بثقل مرسيدي مش حتخاطر بسمعتها في موضوع مماثل .. واديكم شايفين تويوتا مثلاً بتسحب عربياتها لو فيها اي عيب بسيط رغم التكلفة والخسارة

**Mecha** · 22-10-2014 09:49 AM

المشاركة الأصلية كتبت بواسطة mz_moataz

مفترض مرسيدس أجرت التحليل الأولي في معمل تحليل عالمي موجود بألمانيا .. وأعتقد ده اللي خلي الحكومة تعمل التحليل المبين هنا ...
وبشكل عام انا لا استبعد ابداً غش البنزين ..
شركة بثقل مرسيدي مش حتخاطر بسمعتها في موضوع مماثل .. واديكم شايفين تويوتا مثلاً بتسحب عربياتها لو فيها اي عيب بسيط رغم التكلفة والخسارة

التقرير ملعوب فيه بخط اليد في خانة min Ron
ومرسيدس دفعت ٨٩١ جم مش الحكومه لمعمل مصر للبترول بغمره فكدا التقرير مشكوك فيه وفقد مصداقيته
والوكيل بيكافح انه يودي تفكير الناس لمشكلة بنزين
فين تحليل انهيار المحرك من جهه محايده
انا مستبعدش ان فيه مشكلة تربو او ECU في الموتور دا
حاله مشابهه اللوادر كاتربلر F series اول ما نزلت مصر كانت بتكسر بساتم , وفي الاخر اعترفوا بعيب صناعه في البستم
ووكيل مرسيدس هنا تحت الشبهات لانه من فتره مضي العملاء علي ملي 95 , فواضح النيه السيئه باستباق الاحداث وتحميل التكلفه المهوله لعيب صناعه للعميل.