تجديد ترخيص ال 127

**tata2011** · 25-10-2014 12:06 AM

نسيت اقول انى دفعت تلت ضريبة لانى كنت متاخر فى الترخيص دفعت 135 عبارة عن 20 ج ضريبة والباقى تنمية موارد الدولة يبقى الاجمالى 745 و135

**الحمادوى** · 25-10-2014 02:42 AM

المشاركة الأصلية كتبت بواسطة tata2011

هههههه انا كنت مستنى حد يسأل عشان اشرح له بص ياسيدى انا لما شوفت المبلغ اتفوجئت ( على رأى الفيلم)
لما بصيت فى الورقة اللى ادهالى الموظف لقيت البنود كالتالى . 45 ج ضريبة ده بند
البند اللى بعده 385 تنمية موارد الدولة وبعدين شوية بنود كده فكة اشى 5جنيه وحاجة ب 18 جنيه وبعدين عملت 242 ج بوليصة تامين عن 3 سنوات
المشكلة ان ترخيص ال 27 بقى قريب قوى من الماتريكس

طب ايه رايكم انا كنت مع واحد قريبى ومجدد رخصة فيا ت اونو 3 سنين
والعربيه موديل 2001 بنفس سعر ال127 اللى هى موديل التمنينات والسبعينات
او فرق حاجة بسيطة جدا عن كدة مش متذكر اوى المهم موصلش 800 جنيه
بس من الواضح
ان الاسعار بتكون على السعة اللترية وليس الموديل

**shtiger** · 27-10-2014 10:38 AM

بارك الله فيك على الافاده

انا حاسس اني هتعب اوي لما اجدد الترخيص لان العربيه فيها عقد مسجل وهي مرور المعادي ولسه هنقلها على مرور العبور

هلف شكلي لفه محترمه

لو حد يعرف ايه الاجراءات اللي هبتديها يساعدني

وشكرا جزيلا

**tata2011** · 27-10-2014 09:59 PM

المشاركة الأصلية كتبت بواسطة shtiger

بارك الله فيك على الافاده

انا حاسس اني هتعب اوي لما اجدد الترخيص لان العربيه فيها عقد مسجل وهي مرور المعادي ولسه هنقلها على مرور العبور

هلف شكلي لفه محترمه

لو حد يعرف ايه الاجراءات اللي هبتديها يساعدني

وشكرا جزيلا

بص حضرتك انا لسه ناقل العربية بس من محافظة لمحافظة غالبا هتبق نفس الاجراءات وهى كالتالى هتاخد العربية وتروح على مرور العبور وتفحصها هناك وتاخد البصمة وبعدين تروح للمهندس تقول انا عاوز انقل من مرور المعادى ل عندكم هيكتبلك على ظهر اورنيك الفحص طلب مطابقة البصمة واوعى تنسى تختم بختم النسر
بعد كده تروح مرور المعادى على الشباك اللى تبعه العربية وتطلب مطابقة البصمة هيودوا الملف للمهندس وهيديلك انها مطابقة وبرضه تختم ختم النسر
متنساش تجيب موافق امنية لانهم بيطلبوها ضرورى
بعد كده هتروح العبور وتكمل اجراءات النقل