فلشيتى غضبانة عليا على الآخر

طبعاً انتوا كنتوا متابعين معايا الموضوع ده :
http://www.nilemotors.net/Nile/443352-a.html
وبعد ما اتحل بالتسخين على السوستة عملت تنظيف للكربراتير كويس جدا لان فرصة انى فكيته وبعد ما ركبته لاحظت ان كوعة المياه تحتها اثار صدأ دليل على انها بتنقط لما تسخن ، فكيتها ولقيت فيها الشرخ الى فى الصورة غيرتها بواحدة تانية استيراد :
[sor2]http://im43.gulfup.com/PG173n.jpg[/sor2]
وانا بغير الكوعة لقيت صباع الحرارة عليه صدأ صنفرته وخليته رجع نحاس تانى
وبالمرة لقيت الخرطوم بتاع فلتر البنزين مشقق غيرته وغيرت الكوليهات
والمفاجأه فى اليوم الثانى ظهور تقطيع ثم يزول فى اليوم مع ارتفاع غير مبرر فى الحرارة فى اليوم الثالث خنقة مفاجأه وكأن مفيش بنزين او مفيش شرارة تولعة .... وبعد شكى فى المشط والموبينة وشراء الموبينة دى :
[sor2]http://im55.gulfup.com/d2Jv6s.jpg[/sor2]
ومركبتهاش ....
وشكى فى طلمبة البنزين خصوصاً بعد ما لقيت الفلتر مش مليان اوى وغيرتها بواحدة سليمة عندى و لا جدوى

وبعد ظبط توقيت الشرارة و ظبط البنزين مع الهواء وتغيير فلتر البنزين وتغيير البوجيهات التى خرجت سوداء عليها كربون نتيجة الحرق الغير سليم والبوجيه التانى عليه بنزين او زيت وشكله مش بيشتغل .
تحسن الاداء جدا ولا يوجد تقطيع وقمت بتغيير مياه الريدراتير والقربة واصبحت نظيفة ولكن استمرت الحرارة المرتفعة جدأ على السرعات البطيئة فقط تتعدى 100 ....وبعد شكى فى طلمبة الماء وفى سدد الريدراتير وبالملاحظة تبين لى ان المروحة لا تعمل الا بعد ما الحرارة توصل 100 وتستمر فى العمل حتى التبريد وتقف عادى وذلك مع السلانسية والسرعات المنخفضة لكن فى المشى العادى تشتغل عند 90 ..... كنت هتجنن وغيرت الثرموثتات بواحد اسبانى بعد ما دوخت عليه لان كل اللى فى السوق مضروب وده الثرموثتات الجديد :
[sor2]http://im90.gulfup.com/rRFAaS.jpg[/sor2]
ودى صورة القديم :
[sor2]http://im90.gulfup.com/DDsSMu.jpg[/sor2]
والمفاجأه نفس الكلام المروحة بتشتغل عن 100 بس المرة دة المشكلة موجودة على السرعات البطيئة والسريعة ........:120146b
قربت اتجنن ...... حد فكر معايا وعرف المشكلة منييييين ؟؟؟
المفاجأه انى بعد ما صنفرت صباع الحرارة واصبح نحاس لامع ( يا فرحتى بيه ) ادى انه بقى حساس اكتر وبيدى قراءة اعلى يعنى 90 بقت 100 وهكذا ..... واللى اكد لى ان المروحة بقت بتفصل عند 89 اللى هيا 68 .....
اعمل ايه دلوقتى اوسخه تانى اذاى ؟ انا فكرت ارشه دوكو علشان يفقد الاحساس شوية ...
معلش طولت عليكم .... تحياتى

لا حولا ولا قوة الا بالله انتا ايه خلاك تصنفر حساس الحرارة دا حتى من اسنه حساس ياريت تغيرة لأن ممكن يكون حضرتك من الصنفرة تاكل جزء من جدار الحساس فاصبح غير دقيق فى القراءة***

طيب لما الدرجة بتوصل ل 100 انزل وشوف المياة في القربة بتغلي ولا بتعتبر عادية اذا كانت بتغلي جامد اذا الدرجة فعلية اما لو درجة المياه تقدر تستحملها اذا درجة الحرارة غير مضبوطة وممكن تغير الثيرموثتات وتجيب 90/80 مثلا ويارب تضبط معاك ان شاء الله

عندى رأى رخم شوية بعد ما تغير حساس الحرارة لو طلع المشكلة لسة موجودة فوك وش التاكيهات وشوف مسامير الوش مهوية ولا لآ؟؟؟

بعد تغيير صباع الحرارة بواحد استيراد توهمت ان المشكلة اتحلت لكن سرعان ما رجعت تانى وتبين لى ان ثرموثتات الحرارة بتاع الريدراتير الاسبانى اللى انا جبته بيشتغل من ال 100 وبيفصل بدرى وجبت واحد تركى ب 25 جنيه كان اسوء وبيشتغل عند 110 وبيفصل اسرع ... ولقيت عندى واحد قديم كان فى عربيتى 127 الوحيد اللى اشتغل 82-68 والمشكلة اتحلت حرام كل الانواع اللى فى السوق مضروبة ....

اقتباس:

---

المشاركة الأصلية كتبت بواسطة maged_samy

بعد تغيير صباع الحرارة بواحد استيراد توهمت ان المشكلة اتحلت لكن سرعان ما رجعت تانى وتبين لى ان ثرموثتات الحرارة بتاع الريدراتير الاسبانى اللى انا جبته بيشتغل من ال 100 وبيفصل بدرى وجبت واحد تركى ب 25 جنيه كان اسوء وبيشتغل عند 110 وبيفصل اسرع ... ولقيت عندى واحد قديم كان فى عربيتى 127 الوحيد اللى اشتغل 82-68 والمشكلة اتحلت حرام كل الانواع اللى فى السوق مضروبة ....

---

الف مبروك حل المشكلة على فكرة انسب تيرموستات للفليشيا 82/68 ودا اللى دائما ما ننصح به ولابد من قرائة قيم التيرموستات المحفورة على جوانبة قبل التركيب**

كلهم مكتوب عليهم 82-68 وانا اكيد بتأكد من حاجة ذى كدة بس المشكلة انه فيه عيب صناعة ... مضروب يعنى

الحمد لله ان المشكله اتحلت ومعلش قطع الغيار اللي في السوق اغلبها كده انا عندي 3 ثرموستات حراره انواع مختلفه برضه زي حضرتك تشتغل شويه وبعد كده تهيس بس انا عندي فكره لما تكون شاكك في الثرموستات اعمل المروحة مباشر بزرار وعندي فكره حلوة بس عايزه كهربائي شاطر اوانت ممكن تعملها زيي خد خرج الكهربا اللي رايح علي سخان الزجاج الخلفي من غير ما تقطع السلك طبعا بس افصل الكلبس اللي في الزجاج الخلفي ووصل السلك او الطرف ده علي ريلاي او بيسموها كتاوت مروحه حاتشتريه لان الطرف ده 12 فولت وخد طرفين الريلاي او الكتاوت اللي بيقفلو لم يشتغل توازي مع طرفين الثرموستات يعني بتعمل عليه كوبري والزرار حيكون عندك في التابلوه اللي هو بتاع السخان وفيه لمبه ليه في التابلوه حاتبينك اذا كنت مشغله والا لا وبرضه حايفصل مع الكونتاكت يعني مش حاتخاف انك تنساه والله لو الثرموستات شغال كويس انت ما تشغلوش ولو احتجته شغله لانك ما خسرتش حاجه ولا قطعت في الضفيره وعايز تشغل السخان تاني فك الطرف ال 12 من الريلاى واعزله وحط كلبس السخان تاني ويشتغل السخان ... اسف علي الاطاله بس حبيت اديك فكره او حل انا عملته عندي بعد غلب الثرموستات اللي كل شويه اغيرها وباستعمل الموضوع ده بالذات في ايام الحر وماشيه وشكرا

الأفضل ترموستات ال90/80 لو بتحط مية حمراء بيخلى المروحه ماتشتغلش فى الطوالى وبتريح البطارية وبتثبت حرارة الموتور حولين ال90 ودى بتوفر بنزين وبتزود سحب العربية وخصوصا لو بتفول 90 ولو بتحط مية حنفية مانصحكش بالترموستات العالى بتعمل ضغط بخار فى دورة التبريد وده عيب من مية الحنفية مش من الترموستات وبراحتك !!!

اقتباس:

---

المشاركة الأصلية كتبت بواسطة aw2100

الأفضل ترموستات ال90/80 لو بتحط مية حمراء بيخلى المروحه ماتشتغلش فى الطوالى وبتريح البطارية وبتثبت حرارة الموتور حولين ال90 ودى بتوفر بنزين وبتزود سحب العربية وخصوصا لو بتفول 90 ولو بتحط مية حنفية مانصحكش بالترموستات العالى بتعمل ضغط بخار فى دورة التبريد وده عيب من مية الحنفية مش من الترموستات وبراحتك !!!

---

السلام عليكم...........الله ينور عليك انت جبت من الاخر