سوستة الكربراتير اتكسرت فجأه

**Maged_Samy** · 05-10-2014 11:04 AM

امبارح بالليل وانا ماشى بالعربية عادى جدا فجأه لقيت صوت الموتور على جدا وكأنك دايس بنزين على الاخر ... والدواسة دخلت متلعطش ركنت بسرعة على جنب وكان الطريق زحمة جداً وفتحت الكبوت وبالكشف على كابل الاكسلاتير لقيته سليم ولقيت المشكله فى السوستة اللى فى الكرباتير المسئوله عن انك لما تدوس بنزين وتشيل ترجع الدواسة تانى وطبعاً فكيت العمة وفكيت الكربراتير ورجعت ركبته تانى وقعدت افكر ... قلت ممكن اجيب استك اشد بيه الجزء ده وبعد عناء والبلد كلها قافله ومفيش حد فاتح قعدت ادور على بتاع كاوتش اخذ منه حته كمر اعملها استك لقيت حته كاوتش عند واحد بتاع جراج وقصيتها وعملتها استك ومشيت لغاية البيت بالعافية حولى 40 كم ودلوقتى هستنى لبعد العيد علشان ادور على السوستة دى انا مش عارف ممكن الاقى منها جديد ولا لا ...وشكراً يا فلشيتى العزيزة على مقلب العيد ...

**sonaeg** · 05-10-2014 12:25 PM

حصلت معايا قبل كده ... فكيت سوستة قفل الكبوت وركبتها : ))))

اعتقد اي سوسته تفي بالغرض

عالعموم قدر اللع وماشاء فعل اكيد ربنا فاداك عن حاجة

وكل سنة وانت طيب

**sonaeg** · 05-10-2014 12:26 PM

المشاركة الأصلية كتبت بواسطة sonaeg

حصلت معايا قبل كده ... فكيت سوستة قفل الكبوت وركبتها : ))))

اعتقد اي سوسته تفي بالغرض

عالعموم قدر اللع وماشاء فعل اكيد ربنا فاداك عن حاجة

وكل سنة وانت طيب

قدر الله وماشاء فعل

**Maged_Samy** · 05-10-2014 12:58 PM

ده شكل السوسته بعد ما فكيتها ( لونها فضى وليس نحاسى الصورة فيها مشكله )

**sakr_skoda** · 05-10-2014 07:08 PM

قدر الله ومشاء فعل السوستة دى ممكن حضرتك تعملها فى البيت وممكن تشتريها استيراد ***

**sakr_skoda** · 06-10-2014 10:14 AM

المشاركة الأصلية كتبت بواسطة maged_samy

ممكن اعملها فى البيت اذاى وايه السلك الصلب اللى اقدر استخدمة ؟ وهل مفيش منها جديد ؟
وشكرا لكل الردود
وكل سنه وانتم طيبين

مهو انتا مش حتصنع السوستة انتا حتبحث عن سوستة مشابه طويلة تقطع منها وبالبنسة عمل ليه الجناحين اللى بيمسكة عادى على فكرة السوست شبه اللى فى الصور كتير جدا بس باشكال مختلفة مثلا عندك سوسته الشمسية السوستة الكبيرة وفية فى اى حاجة حوليك دور حتلاقى سوست فى كل مكان اختار المناسب واعد تشكيلها * انما جديد معتقدش ممكن تشترى اى سوستة لو ملقتش عندك وشكلها بايدك بحيث تناسب المكان اللى حتركب فيه**

**mehles** · 07-10-2014 10:31 PM

السلام عليكم
اذا كانت السوستة اللى اتكسرت هى اللى فى الصورة فواضح انها مش مكسورة من النص يعنى ممكن تسخنها على النار من الطرف وتعمل خطاف ..........وبالتوفيق

**sakr_skoda** · 07-10-2014 10:35 PM

المشاركة الأصلية كتبت بواسطة mehles

السلام عليكم
اذا كانت السوستة اللى اتكسرت هى اللى فى الصورة فواضح انها مش مكسورة من النص يعنى ممكن تسخنها على النار من الطرف وتعمل خطاف ..........وبالتوفيق

صح كدا الله ينور عليك* ومن غير تسخين ممكن يفك لفة بالبنسة ويعمل الخطاف **

-

-

الموضوع: سوستة الكربراتير اتكسرت فجأه

LinkBack

أدوات الموضوع

عرض

سوستة الكربراتير اتكسرت فجأه - انشر الموضوع فى :

-

-

-

-

المواضيع المتشابهه

الار بي ام علي فجأه

السنتر فصل فجأه

ابص لنفسي فجأه لقتني اتوقفت فجأه !!!!!!!!

بعت العربيه فجأه...

فجأه

الكلمات الدلالية لهذا الموضوع

المفضلات

المفضلات

ضوابط المشاركة