جراند فيتارا 2007

**gamal fouad** · 20-10-2014 10:35 PM

معروض عليا جراند فيتارا موديل 2007 وحالتها كويسه ... محتاج اعرف ارائكوا العربيه ديه كويسه ولا لا وايه عيوبها ؟ انا حاجز رينو لوجان بس بفكر الغى الحجز واخد ديه ؟

**karkour33** · 21-10-2014 01:06 AM

ياريت توضح حالة العربية اللي معروضة علي حضرتك وا كيلومتر بتاعها 2 باب او 4 عشان تقدر تقارن بين ركوبتين اساسا مختلفين تماما مفيهمش اي تقارب

**gamal fouad** · 21-10-2014 03:20 AM

المشاركة الأصلية كتبت بواسطة karkour33

ياريت توضح حالة العربية اللي معروضة علي حضرتك وا كيلومتر بتاعها 2 باب او 4 عشان تقدر تقارن بين ركوبتين اساسا مختلفين تماما مفيهمش اي تقارب

حاله العربيه كويسه وهى 4 باب وعامله 80 الف كيلو

**karkour33** · 21-10-2014 12:28 PM

معايا 2008 4 باب 2000 سي سي مجابتش 60000 كم و 2002 2 باب 85000كم الغريب ان نفس استهلاك البنزين في العربيتين مش عارف ازاي بس حاجة كويسة اومال لو 1600 جديد مش هحطلها بنزين اصلا .. انا الحقيقة مش فاهم كلمة (كويسة) كويسة دي ممكن تكون كيلو قليل بس راشة اجزاء مثلا انما لو نمرة واحد و فابريكة بالكامل نقدر نقارنها بزيرو

الياباني سحب و نعومة و تبريد و استهلاك بنزين رائع
تكييف معروف
4x4 يعني امشي في اي مكان و مناسبة لشوارعنا
و ركب صدامات و عتب براحتك bull bar & sill side bar
قطع غيار غالية لكن بتعيش و اسعارها متتقارنش بالاوروبي
شنطة ممكن تخليها من ضهر السواق لاخر العربية
ثبات محترم (بالنسبة لعربية عالية)
واسعة من جوة سواء امام او خلف
تابلوه و كونسول روشين لحقوا الحداثة

محدش بيشكر في التوكيل بس نفس الكلام ينطبق عالرينو لكن معرفش مين افضل
ملحوظة : مجربتش 1600 2007 معرفش الموتور علي الجسم دة و اساسي لو جربتها هحس بفرق لكن دة ما يمنعش انها اكيد عربيات حلوة و هي اللي انتشرت

**محمد المصرى** · 21-10-2014 12:59 PM

انا معايا 1600 موديل 2009 من حوالى شهر

اقدر اقول العربية ده جميلة جدا جدا وانا اندهشت من ثباتها بالبسبة 4×4

والماتور كويس عليها

**Omr mstfa** · 22-10-2014 10:21 AM

أي عربيه جراند فيتارا هايله, ماتضيعهاش

**Omr mstfa** · 22-10-2014 10:35 AM

الجراند هايله هايله هايله , ومابتكلفش حاجه واستهلاك البنزين = 3.6 كيلو متر لكل جنيه وحوالي 10-11 كيلو/ اللتر ال 92

طبعا ده في الطوالي, أما في القاهره ممكن توصل ل 9-10 كيلو في اللتر
مفيش فيها مشاكل خالص ومابتطلبش صيانه تقريبا ... قطع الغير هايله لو أصْلي بس غاليه عشان الين الياباني لكن بتنساها

**Merit** · 22-10-2014 03:53 PM

أنا معايا جراند فيتارا 1600 مو2008 عربية هايلة بالنسبة 4x4 مافيهاش مشاكل فعلا , هي يمكن قطع غيارها غالية شوية وده بسبب قلة التجار اللي بيبيعوا حاجتها نسبيا فطبعا نصابين وعرفت كدة لما جبت بعض الحاجات من دبي علي سبيل المثال , لكن الحقيقة هرجع وأقول هي في الآخر معمرة وفعلا مصاريف تشغيلها تعتبر مافيش غير البنزين والزيت فقط