الموضوع: فئات الفلوانس

http://www.nilemotors.net/Nile/385835-a.html

هنا كل اللى انت طالبه و زياده :)

المشاركة الأصلية كتبت بواسطة عماد الدين عزت

شكرا لحضرتك على الرد السريع والاهتمام وانا شايف ان الفئة الاولى اتوماتيك بها كماليات جيدة مقابل السعر ما رأيك فهل كماليات الفئة الثانية تستحق زيادة السعر مع خالص تحياتى

من ناحية تستحق فهى تستحق طبعا وكل ما الفئة بتعلى بتاخد اوبشن بالفلوس الى بتدفعها وزيادة الكلام ده تقريبا فى فليونس بس عشان كده بيتقال عليها Value for money
والقرار قرارك ايه الى انت عايزه من العربية وعامل لنفسك ليمت لحد فين , وربنا يوفقك فى الاختيار.

بص الفئه الاولى اوتوماتيك اللى ب 155 الف فيها كل حاجه اساسيه و زياده كمان عن اى فئه تانيه فى ماركه بنفس السعر . لو متوفر معاك الفلوس طبعا الفئه الاعلى افضل .

و لكن لو اشتريت دى تأكد انك هاتكون مرضى كويس و مبسوط كمان .

المشاركة الأصلية كتبت بواسطة عماد الدين عزت

شاكر جدا على المداخلة القيمة لكن انا قصدت تقليل فاقد قيمة السيارة عند اعادة البيع وبالمناسبة ماتجربتك مع السيارة مع خالص تحياتى

كل فئه هاتشتريها فى الفلوينس بيعها له تمن اعلى برضه من الفئه الاعلى .

الفاقد الكبير فى بيع الرينو الفلوينس اختلف خلاص . فيه ناس باعت عربيتها من الفلوينس الموديل اللى قبل الفيس ليفت خساره 10000 جنيه فقط .

الفلوينس غيرت النظره فى بيع الرينو و الفيس ليفت كمان هايكون سعرها اعلى فى اعادة البيع قد يصل لنغس تمن الشراء لانها موتور و فتيس و تكييف اكتر اعتماديه لانهم يابانى بس طبعا العربيه لسه جديده نسبيا فى السوق و ما فيش منها مستعمل .

العربيه ممتازه من ناحية الفخامه و الثبات و استهلاك البنزين ( موفره جدا ) و العفشه الناعمه و دى مشهوره طبعا فى اغلب الفرنساوى و الفرامل الحاضره تحت رجلك بقوه من غير العربيه ما تقلب بوزها لقدام مع الفرامل الشديده لانها ديسكات فى العجل قدام و ورا مش قدام بس زى اغلب العربيات . العزل ممتاز و الباور خرافى مع زاوية دوران كبيره لان العربيه كبيره حجما . نظام صوتى ثلاثى الابعاد 3d من شركة اركميس الفرنسيه . يعنى مدلعين الناس عملاؤهم قوى فى الموديل ده بصراحه هههههه