مفارقات السواقة في بلدنا العجيبة !

**KareemSafwat** · 28-10-2008 02:32 PM

موضوع البنزينه ده حصل معايا بس في غسيل ردياتير في موبيل شارع التحرير. من فترة كنت كل مرة أروح هناك يطلع الأفندي ده يقولي "إفتح الكبوت أكشفلك على الميه و الذي منه" و كل مرة يقولي "يا باشا دورة التبريد عندك عايزة تتغسل ممكن نغسلها بالجهاز في 10 دقائق" طبعا الرد بيكون لأ. مرة وافقت و غسلت. بعد إسبوع أو أقل رحت هناك تاني و أكيد إنتو عارفين حصل إيه :))) بس أنا مسكتش أولتيلو أنا لسه غاسل عندكوا و ده معناه إنه متغسلش كويس إذن هنعيدو على حسابكو ;) طبعا راح بص تاني و رجع يقوللي "معلش مخدتش بالي كللو عندك تمام يا باشا" :)))))) وعجبي!!!

**Mystique** · 28-10-2008 02:57 PM

المشاركة الأصلية كتبت بواسطة masriano

- امبارح رايح مدينة نصر .. وبعد طريق النصر كده وداخل على عباس العقاد , الساعه 12 الضهر الى هوا عز الذروة يعنى.. لقيت العربيات الربع نقل دى ودى انا بكرها كره العمى بجد , لانهم اتنح واغبى سواقين مناصفه مع سواقين المكروباصات الى ممكن تقابلهم في حياتك.. المهم ان الطريق يادوبك 4 حارات والاخ دا زانق في عربيتى زنقة عجيبة, وكل شوية يحدف سنة نحيتى.. لحد ما مرايته حكت في مرايتى, فتحت الازاز وقولتله وانا مش قادر اتصور ان في بنى ادم بالغباء دا: ممكن بالمرة تمد ايدك بس تعليلى الكاسيت عشان مكسل ؟!

جامدة منك ههههههههه

المشاركة الأصلية كتبت بواسطة masriano

- الموقف دا حصل مع محمود MOTORIZER الى عرفنى اصلا على السايت .. مش عارف هوا حكاه قبل كده ولا لا بس انا كل ما افتكره اتقلب من الضحك , فا هاحكيه بقى يا حودة معلش

, الراجل ماشى بالحتة الاحمريكا بتاعته - السريون - في طريق الواحات على ماتذكر , رايح الجامعة بتاعته , فا كان في كمين , الظابط بيقوله الرخص , اداله محمود الرخص.. بص فيهم وهوا كله اشمئزاز , وبعدين مكتفاش بكده , لا قعد يلف حوالين العربيه بيدور على اى خبطة على اى بتاعه - امن ونتانه يعنى - وعمال يلف حوالين العربيه .. ويبص جوا ويبص في الرخص ويبص لنفسه ويبص لمحمود .. يعنى باختصار بيدور على اى حاجة عشان يلبسها للراجل .. في الاخر رجعله الرخص بنفس الاشمئزاز ولما ملقاش حاجة عشان يخالفه عليها .. قاله بلهجة اشمئزازية: ابقى احلق دقنك دى !!

حصل معايا نفس الموقف بالظبط..بس طبعا مقاليش احلقي دقتك

وكان مفروووووووووووووس انه مش لاقي ف العربية غلطة.

عايزين نشوف المزيد من المواقف الجميلة دي يا باشا.

**masriano** · 28-10-2008 03:15 PM

المشاركة الأصلية كتبت بواسطة shady_elkady

الواد بتاع العجلة نايمة دة الى فى بنزينة موبيل الى فى فصيل بعد المريوطية

ههههههههه .. شادى باشا, شكلك بتمون من هناك كتير

هيا بعينها فعلا.

انا كنت متاكد ان الموقف الى حصل مع محمود دا هايقلب الناس من الضحك .. فعلا موقف في غايه المسخرة المريرة يعنى.

شكرا ليكوا شباب :)

**Abdo_Eldesokey** · 28-10-2008 03:20 PM

مواقف جامدة والله .. خصوصا ً احلق دقنك دي

فكرتني بموقف ، كنت مسافر رأس سدر في بيجو ، وراكب قدام جنب السواق اتنين شباب شغالين سواقين على نص نقل

فدخلنا على نقطة التفتيش بتاعة نفق الشهيد وكله طلع بطاقته

الظابط سأل الاتنين الشباب الي قدام انت شغال إيه يا بني انت وهوا قالوله سواقين نص نقل يا باشا ، قال طب وروني رخصكوا

بص في رخصهم وقال لواحد انت رخصتك منتهية مجددتهاش ليه

أنا خلاص كان هاين عليه أقله وانت مال أهلك

حاجة قمة في الاستعباط

دلوقتي يقلك لبس الي جنبك الحزام ، كلها شوية ويقولك لازم الي جانبك يبقى معاه رخصة

**masriano** · 28-10-2008 03:42 PM

المشاركة الأصلية كتبت بواسطة KareemSafwat

موضوع البنزينه ده حصل معايا بس في غسيل ردياتير في موبيل شارع التحرير. من فترة كنت كل مرة أروح هناك يطلع الأفندي ده يقولي "إفتح الكبوت أكشفلك على الميه و الذي منه" و كل مرة يقولي "يا باشا دورة التبريد عندك عايزة تتغسل ممكن نغسلها بالجهاز في 10 دقائق" طبعا الرد بيكون لأ. مرة وافقت و غسلت. بعد إسبوع أو أقل رحت هناك تاني و أكيد إنتو عارفين حصل إيه :))) بس أنا مسكتش أولتيلو أنا لسه غاسل عندكوا و ده معناه إنه متغسلش كويس إذن هنعيدو على حسابكو ;) طبعا راح بص تاني و رجع يقوللي "معلش مخدتش بالي كللو عندك تمام يا باشا" :)))))) وعجبي!!!

ههههههه .. هوا دا الصح يا كريم , لازم تصحصح للناس في البلد دى عشان كل واحد بيجى يعمل برم عشان يطلع منك باى مصلحة وخلاص !

**masriano** · 28-10-2008 03:43 PM

المشاركة الأصلية كتبت بواسطة Mystique

جامدة منك ههههههههه

حصل معايا نفس الموقف بالظبط..بس طبعا مقاليش احلقي دقتك

وكان مفروووووووووووووس انه مش لاقي ف العربية غلطة.

عايزين نشوف المزيد من المواقف الجميلة دي يا باشا.

ربنا يخليك يا معلم .. منور الموضوع.
وبالمناسبة انا بحترم عربيتك دى بجد .. فا ربنا يباركلك فيها ويكفيك شرها.

**masriano** · 28-10-2008 03:48 PM

المشاركة الأصلية كتبت بواسطة Abdo_Eldesokey

مواقف جامدة والله .. خصوصا ً احلق دقنك دي

فكرتني بموقف ، كنت مسافر رأس سدر في بيجو ، وراكب قدام جنب السواق اتنين شباب شغالين سواقين على نص نقل

فدخلنا على نقطة التفتيش بتاعة نفق الشهيد وكله طلع بطاقته

الظابط سأل الاتنين الشباب الي قدام انت شغال إيه يا بني انت وهوا قالوله سواقين نص نقل يا باشا ، قال طب وروني رخصكوا

بص في رخصهم وقال لواحد انت رخصتك منتهية مجددتهاش ليه

أنا خلاص كان هاين عليه أقله وانت مال أهلك

حاجة قمة في الاستعباط

دلوقتي يقلك لبس الي جنبك الحزام ، كلها شوية ويقولك لازم الي جانبك يبقى معاه رخصة

او يبقى معاه تصريح من السواق انه يركب جنبه !

بجد الموقف الى بتحكيه دا من اكتر المواقف الى بكرهها في البلد دى..
لو انت مرة مسافر بتيويتا ولا حتى في سوبر جيت نضيف زى الاتحاد العربى .. وتلاقى بعد البوابات .. ظابط متخفى في ملابس مدنية

جي يفتح باب العربيه او يطلع الاتوبيس ويبص فى البنى ادمين كانه بيعاين البضاعه .. قمة التحقير من شأن البنى ادم المصرى وكل دا بحجه تأمين المنافذ!!

يعنى انت بنظرة جنابك الخبيرة هاتعرف لو في حد مخبى ار بجى في جيبه ولا لا؟ .. ولا انت بتاخدها بالشكل !
اخر مرة كنت جى فيها من اسكندرية في تيوتا, الساعة 8 الصبح كنا عند البوابات.. ظابط ومعاه اتنين امانه فتحوا الباب ورا وانا كنت قاعد قدام , الامين فتح الباب وبيبصلى ويسالنى اعجب سؤال ممكن يتسالك وانت في غيبوبة نوم اصلا.. بيقولى هوا حضرتك جى من اسكندرية ان شاء الله ؟!!

قولتله العربيه ملاكى اسكندرية, والطريق دا اسمه طريق اسكندرية الصحراوى, هاكون جى من اول فيصل مثلا ؟!

**Amrrr** · 28-10-2008 04:27 PM

المشاركة الأصلية كتبت بواسطة KareemSafwat

موضوع البنزينه ده حصل معايا بس في غسيل ردياتير في موبيل شارع التحرير. من فترة كنت كل مرة أروح هناك يطلع الأفندي ده يقولي "إفتح الكبوت أكشفلك على الميه و الذي منه" و كل مرة يقولي "يا باشا دورة التبريد عندك عايزة تتغسل ممكن نغسلها بالجهاز في 10 دقائق" طبعا الرد بيكون لأ. مرة وافقت و غسلت. بعد إسبوع أو أقل رحت هناك تاني و أكيد إنتو عارفين حصل إيه :))) بس أنا مسكتش أولتيلو أنا لسه غاسل عندكوا و ده معناه إنه متغسلش كويس إذن هنعيدو على حسابكو ;) طبعا راح بص تاني و رجع يقوللي "معلش مخدتش بالي كللو عندك تمام يا باشا" :)))))) وعجبي!!!

معلشي ممكن تشرح ايه اللي حصل ؟!؟!؟!؟
انا ضحكت بجد على مواقف كتير احلاها حتة مد ايدك علي الكاسيت والظابط بتاع جاي من اسكندرية والتاني بتاع ابقى احلق دقنك!!!

**silver_som3a** · 28-10-2008 04:31 PM

علي فكره يا استاذ مسريانو..انا شايف ان الراجل مغلطش هو كان عايز بس يوصلك ان الرشوه حرام في جميع كل الحالات..و بعدين تخيل كده لو اول ناس عملوا حكايه العشرين جنيه ديه
معملوهاش...مكنش بأه في رشوه بالشكل ده او لو كل الناس التزموا و لبسوا الحزام و بطلوا الومبيلات..و اللي يغلط يبقي مسؤل و يدفع الغرامه..كان زمانك اديته بالجزمه لما يطلب رشوه...
الفكره ايه حضرتك كويس فحجات فمش عجبك سواق النقل...و سواق النقل كويس برضه بس بيكسر عليك بس بيستغرب انك بتمشي امورك0مخلفاتك) بالرشوه...و الظابط مبيخدش رشوه بس بيعمل وسايط...و هكذا و في الاخر نقول الناس التانيه معرفش ايه و الحكومه خربت البلد...لا بقي احنا اللي خربنا البلد بجهلنا و فهلوتنا و تصرفاتنا ..و الحكومه بتخلص علي اللي فاضل مالبلد....

**masriano** · 28-10-2008 06:15 PM

المشاركة الأصلية كتبت بواسطة silver_som3a

علي فكره يا استاذ مسريانو..انا شايف ان الراجل مغلطش هو كان عايز بس يوصلك ان الرشوه حرام في جميع كل الحالات..و بعدين تخيل كده لو اول ناس عملوا حكايه العشرين جنيه ديه
معملوهاش...مكنش بأه في رشوه بالشكل ده او لو كل الناس التزموا و لبسوا الحزام و بطلوا الومبيلات..و اللي يغلط يبقي مسؤل و يدفع الغرامه..كان زمانك اديته بالجزمه لما يطلب رشوه...
الفكره ايه حضرتك كويس فحجات فمش عجبك سواق النقل...و سواق النقل كويس برضه بس بيكسر عليك بس بيستغرب انك بتمشي امورك0مخلفاتك) بالرشوه...و الظابط مبيخدش رشوه بس بيعمل وسايط...و هكذا و في الاخر نقول الناس التانيه معرفش ايه و الحكومه خربت البلد...لا بقي احنا اللي خربنا البلد بجهلنا و فهلوتنا و تصرفاتنا ..و الحكومه بتخلص علي اللي فاضل مالبلد....

وهل انت يا استاذى قريت في كلامى انى بقول ان الرشوة مش حرام وانى كنت صح لما عملت كده؟

لو قريت ردودى كامله هاتلاقينى وضحت وجهه نظرى في الموضوع دا ببساطه ان الغلط في المنظومة كلها .. وضربت مثل ان الظابط ولا الامين ابو دفتر دا ماشى ينقى.. بيعدى قدامك مليون عربيه ويختارك انت او يختار غيرك على مزاج جنابه الشخصى.. هل دا عدل؟ , يبقى ازاى بتطالبنى او بتطالب اى حد وقع في الموقف دا انه يعدل لما هوا مش بيتعامل بالعدل بتاع ربنا؟ .. وبعدين على فكرة انا اول ايام القانون الجديد كنت ملتزم وماشى بحزامى وزى الفل - مش خوفا , لانى كنت قريت العقوبات والغرامات كويس - هيا بس كانت محاولة من الواحد انه يلتزم ويمشى في الشارع مطمن انه مش هايلاقى حد جى عكس الطريق ولا حد فاتح زينون وعاميك ولا واحد طالع الكوبرى على سرعه 10 وجايبلك الضغط وراه .. وشايف الناس كمان جنبى ملتزمة وزى الفل برضه .. والظباط زى الفل وعجبنى اوى حوار التصالح الفورى دا .. وعايز اقولك انى مرة كنت في ش. شهاب داخل على المجلة ورابط الحزام طول السكة ولحد قبل المجلة بشوية قلعته تهيئأ انى نازل يعنى.. وكان في ظابط .. خد الرخص ودفعت 50 جنيه كتصالح فورى ساعتها.. فا ادينى التزمت لما الظابط دا التزم .. لانه كان حازم ومتكلمش كتير, اسحب الرخصه وتدفع في المرور ولا تتصالح فورى دلوقتى؟ .. شوفت ان العملية لما بتكون منظمة وبتمشى بما يرضى الله الكل بيلتزم؟.. دلوقتى ايه الوضع؟ , رجعت ريما لعادتها القديمة .. , انا عارف انه لما بياخد منك ال 20 دى كانه بيحط ايده في جيبك ويسرقها , وانت لما تديهاله يبقى بتساعده على دا .. انا مقولتش ان دا صح ابدا.. ومتكررش تانى الموقف دا بعد الحوار بتاع التحرير بالمناسبة.. بس ازاى هانغير ثقافة شعب بحاله ؟

ازاى هاتخلى عامل البنزينة دا ميستهبلش وميحورش عشان ياخد منك بالعافيه؟
وازاى سايس الجراج دا ياخد منك على قد مانتفعت بجراجه مش يرميلك اى رقم فلكى وخلاص.

وازاى الظابط الى بينخرب عشان يطلعلك مخالفه من الهوا دا يتقى ربنا؟

وازاى الناس تلتزم في الطريق ومتلقيش النقل ماشى شمال وعلى سرعات عجيبة؟ .. انزل طريق الواحات ولا الدائرى وشوف كم الشباب الى بتروح في الرجلين بسبب مقطورة ولا نص نقل سواقها فاكر نفسه في سباق اختراق الضاحية.. واقربها واحد معايا في الجامعة, معرفوش بس اتوفى على طريق الواحات بسبب مقطورة... هل كل ذنبه في الحياة ان جامعته على طريق سريع؟!

وازى وازاى .. موضوع وكلام مينفعش تناقشه في رد.. لانك ببساطة بتتكلم في سلوك وتصرفات وثقافه شعب ! ..

وهارجع تانى ااكد الكلام انى لا انا ولا اى حد -قول 80% من الى بيسوقوا بيعملوا كده !! - صح في الى بنعمله دا ..
بس هيا سلوكيات وتوعيه ونظام .. والكلام دا ابعد مايكون عننا .. شوف وبعيد عن السواقه , احنا بنرتكب كم من المخالفات والتناقضات قد ايه في حياتنا اليومية.. شوف انت ازاى بتخلص ورقك في البلد دى و و و..
وهيا الحكومة دى افرادها منين , مش مصريين برضه؟ , اكيد مش هاتلاقيهم ملايكة وزى الفل .. بالعكس دول من اهم اسباب الكلام الى بيحصل دا .. تفتكر انت اللواءت والرتب العاليه في الشارع مش بيبقوا عارفين ان الظابط ولا الامين دا بيكيش في اخر اليوم حصيلة حلوة؟ .. ساكت ليه بقى دا؟ , واحنا ساكتين ليه , وليه الى مرتاح في البلد دى هوا الى بيعرف يسلك اموره بس وفهلوى وبرم؟
ربنا يهدينا جميعا !