عرض للطباعة
اشتريت سيارة اوبل فيكترا موديل 2003 اتحاد أوربي وذهبت لورشة متخصصة في الاوبل لكي افحص السيارة فحص شامل فقال لي أن قطعة تسمى الكنترول بها عيوب ولازم تتغير.. فعندما سألت عليها سمعت أرقام غريبة فلو سمحتم حد عنده فكرة عن الموضوع ده ومنين أجيب هذه القطعة وبسعر كويس؟ جزاكم الله خيرا
عربيتك 1600 ايكوتك ؟ للاسف الكونترول لازم يتغير..انزل المنصوره هتلاقي تجار كتير في الحسينيه وعبد السلام عارف
شكرا استاذ فادي بس الحمد لله توصلت الى سبب العطل ومش محتاج لتغيير الكنترول ودلوقتي اقول لك العطل اللي كان في السيارة وحكايته الرخمة اللي عانيت منها كتير
اولا لما اشتريت السيارة من فترة بسيطة اخبرني صاحبها ان بها مشكلة في الكنترول وانا وافقت واشترتها لانها شكلها عجبني ومشي العربية على الطريق روعة والموتور شديد جدا والسيارة مصروف عليها كويس.. المهم طلعت بالعربية مشوار لغاية الاسكندرية وفي الرجعة لاقيت المكيف فصل والحرارة ارتفعت بشكل ملحوظ على طول وقفت السيارة ولاحظت ان مراوح التبريد لا تعمل.. فضلت العب في الاسلاك واراجع التوصيلات وبعد خمس دقائق اشتغلت المراوح مرة تانية.. لما وصلت البيت ذهبت لبعض الورش المتخصصة في الاوبل واحد قالي ان المراوح عطلانة ولازم تتغير.. وفعلا غيرت مجموعة التبريد كلها ابتدأ من سربانتينة المكيف بالمروحة الامامية بالرداتير بالمروحة الخلفية كله استيراد وطالع من عربية جديدة.. العيب مازال موجود عند درجة حرارة معينة تفصل المراوح والمكيف... الثاني قاللي ان الكتاوت بتاع المروحة بيعلق ولازم يتغير... غبرنا الكاتاوت... العيب مازال موجود... الثالث قال ان الكنترول بايظ... قعدت في البيت افكر لغاية ماجات الفكرة اني اعمل توصيلة مباشرة للكمبيروسر بتاع المكيف واشوف... وفعلا العربية فضلت مدة كبيرة شغالة من غير مايفصل المكيف بس لاحظت ان المراوح تفصل وتشتغل بكيفها شكيت في ساعة الترموستات اللي بتشغل المراوح لما المية تسخن في الردياتير... غيرتها واكتشفت العطل.... الكمبوروسر بتاع المكيف كان موصل الارضي مع الساعة وهي كانت عطلانة... لما العربية تسخن يفصل المكيف والمراوح... ولما غيرت الساعة ووصلت الارضي للكمبيروسر مباشر مع جسم العربية.. مش عاوز اقولك العربية مشيت ذي الساعة والتكييف تلاجة لدرجة لما صاحبها شافها اتحايل عليا ارجعهاله ويديني اللي صرفته عليها
الحمد لله وربنا يديك خيرها ويكفيك شرها ... وبرافو عليك انك عرفت تكتشف العطلاقتباس:
المشاركة الأصلية كتبت بواسطة said khater
هو دة عك الصنيعية اللى انا بقول عليه من زمان وهما اللى مبوظين ٩٠ %من عربيات مصر
برافو عليك انك قدرت تكتشف العطل يعنى انت أحسن من الصنيعى دلوقتى وبكل ثقة تحياتى لحضرتك على هذا العمل الرائع
الحمد لله انها جت على كجه وانك اكتشفت قبل ما تتورط فى عك الصنايعيه