صندوق الشنط اللي بيركب على ظَهر العربيه الجراند فيتارا, و مجموعه مالكي الجراند فيتارا

**Omr mstfa** · 21-10-2014 12:05 PM

السلام عليكم,
اريد شراء صندوق الشنطه اللي ببيركب على ظَهر العربيه, حد جابه , وإيه أحسن نوع؟
كمان كنت عايز نجمع كل مالكي هذه السياره عشان نتبادل المعلومات
مين أحسن ميكانيكي بيشتغل في العربيه دي (لو فقط كنت اتعاملت معاه فتره أكتر من سنه)
شكرا جزيلا

**karkour33** · 21-10-2014 12:35 PM

ممكن يا باشا ترد علي الموضوع دة لو عربيتك جراند الجديدة 2007 فيما فوق

http://www.nilemotors.net/Nile/44546...post3875793516

و بالنسبة للميكانيكي كله هنا بيشكر في محمد امين في عابدين - قطع الغيار عنده غالية حبتين بس ممكن تجيبها و تركبها عنده انما متعاملتش معاه غير مرة واحدة مش في ميكانيكا تغيير مساعدين فقط

**محمد المصرى** · 21-10-2014 01:11 PM

ممكن تسأل فى ارابكوم

وبالنسبة للمكيكانيكى انا شارى العربية من شهر وكشفت عند تامر بركات

وتم تعيير زيت وفلتر عنده وتغيير مراه جانبية مش اصلى حسبهالى بـ 600 جنيه

وانا كان معايا الكفر المراية سليم فتم تخفيض سعر المراية الى 500 وطلعات زبالة بتهتز طول الوقت

ورجعت له تانى وتم الاتفاق على تغيرها بواحدة اصلية استعمال مع دفع الفارق

وبعد كده سألت عليها فى العالمية فى شارع دمشق كان الاسعار 900 جنيه للمراية الاصلية
والتقليد ب 450 ج فطبعا طلع تامر بركات غالى جدا فى قطع الغيار

وتحياتى

**karkour33** · 21-10-2014 02:12 PM

بركات اهلااا مصدقتش ان في حد ممكن يسيب سمعته تبقي بالمنظر دة سواء في وسط التجار او الزباين قولت اروح اشوف بنفسي ونا مش مستعجل او مضطر علي حاجة اسأل علي حتة البلاستيك (باكتتين امامي) جابلي واحدة بس مكسرة و اكل عليها الضهر و شرب و لسة هتترش ب375 جبتهم من برة فرق 250 جنيه شبه جداد اللي راكبين هما اللي محتاجين يترشوا كدة .. من باب الذكاء حتي تجر رجل الزبون اللي جايلك في حاجة تافهة و تقطمه لما يبقي مضطر لكن مفيش مخ يا ريس
ونا داخله تجار الاجانسات اللي برة قاموا من علي كراسيهم جريو عليا بايع بايع ؟؟ عنده بقي حاولوا يقنعوني بشتي الاشكال ان العداد ملعوب فيه ازاي عاملة 85000 و فابريكة (ماشاء الله) و ان العربية مش تمام متركبش الباكتات اصلا انت كدة بتدلع هههههههه شغل ناس مش ناس
طب هعملهم فايبر قالولي ما بيقبلش بويا هههههه اومال العربيات اللي نازلة فايبر بالكامل دي ايه سحرولها عشان تتلون اتصلت ببسام فايبر راجل محترم و قالي كله ممكن يتعمل (بس لقيتهم اصلي الحمدلله) و هروحله برضو عشان ذوقه اعمل اختراع للسماعات اللي ورا من غير حفر او مسمار

**karkour33** · 21-10-2014 02:34 PM

الدهر * عفوا
باكتات زي دي

**karkour33** · 21-10-2014 02:38 PM

روحت برضو لميدو سوزوكي في احمد حلمي شبرا راجل محترم و كفاية استقباله و فاهم و بيراعي زباينه صحيح مشترتش حاجة من عنده لسة بس واضح من متابعته لاعضاء صفحته و الجروب و الرد الدائم و السريع علي استفساراتهم

**Omr mstfa** · 22-10-2014 10:29 AM

أشكر كل من رد على سؤالي
ياريت نضع هنا كل أخبار الصيانه وقطع الغيار الميكانيكيه

مين مثلا احسن تاجر لقطع الغيار الميكانيكيه الأصلية في القاهره؟؟
شكرا

**Omr mstfa** · 22-10-2014 10:33 AM

الجراند هايله هايله هايله , ومابتكلفش حاجه واستهلاك البنزين = 3.6 كيلو متر لكل جنيه وحوالي 10-11 كيلو/ اللتر ال 92

طبعا ده في الطوالي, أما في القاهره ممكن توصل ل 9-10 كيلو في اللتر
مفيش فيها مشاكل خالص ومابتطلبش صيانه تقريبا ... قطع الغير هايله لو أصْلي بس غاليه عشان الين الياباني لكن بتنساها