الموضوع: استفسار عن بعض الصيانات لفيكترا b2

المشاركة الأصلية كتبت بواسطة محمود الشافعى

نزلت يوم السبت رحت الحرفيين عند الشيخ هيثم
بص على العربيه وبدأ يفك سئلتو على قطع الغيار قالى كله عندى
فك الكرتيره والفرن وغطاء التاكيهات وعقربه الفتيس والاسبيراتير
وغير الأتى
1: جوان غصا تاكيهات (فيكتور رينز) 85 جنيه
2: اويل سيل عقربه الفتيس 30 جنيه
3: اويل سيل اسبيراتير (فيكتور رينز) 80 جنيه
4: جوان كرتيره بالصاجه مش مكتوب عليه اى نوع 260 جنيه
5: طبه مياه جابهالى فى كيس مكتوب عليه جى ام ب 25 جنيه
6: جوان فرن شكمان ب 50 جنيه
7: ربع انبوبه سيليكون (فيكتور رينز) 30 جنيه
والمصنعيه 250 جنيه وده كتير اوى يبقى الاجمالى= 810 دفعت 750 جنيه

ومشترك السخن قالى 100 جنيه استيراد سيبته ورحت جبته من برا ب 50 جنيه

بس احساسى من التعامل اسعار قطع غياره غاليه بيزود فى كل حاجه بالميت 10 جنيه فأكثر وكمان بيفتح شغل زياده لانه فك الاسبيراتير وهوا مافيهوش حاجه بس قلت مش مشكله اهى نضافه وخلاص
وتانى حاجه مارضيش يغير جوان الكرتيره بس قالى لازم بالصاجه ماينفعش الجوان لواحده مع ان الجوان بيتباع لواحده فيكتور رينز (يعنى نوع كويس) وكمان ماكانش مكتوب عليه اى بيانات خالص لا نوع ولا كود ولا بلد صنع ولا حتى كيس مكتوب عليه اى حاجه
وطبه المياه طبه صاج مش مكتوب عليها اى حاجه لا جى ام ولا غيره حاسس انها بلدى من عند الخراط لانه جبهالى فى كيس مفتوح وبيقولى اصل الكيس بيبقى فيه 5 علشان كده مفتوح وكمان احرف الطبه كان فيها رايش
وكمان المصنعيه شايفها مبالغ فيها 250 ليه اخرها 150 جنيه
والصنايعى اللى اشتغل فى العربيه جمعة الحمد لله على كل حال
بس علشان ماظلمش حد انا قلت دا احساسى من ناحيه المركز
والله اعلى واعلم ممكن اكون غلط

المشاركة الأصلية كتبت بواسطة amr elsisi

ماغيرتش الطبب كلها لية !!!!!!!!!!!!!!!!

اكدت عليه اكتر من مره وقالى مافيهمش اى حاجه ولما لاقيتها ب 25 جنيه ومش متأكد انها اصليه ما أتشجعتش انى اغير الباقى قلت لا اتأكد من انها اصليه الاول وكمان طلمبة المياه ماخلتوش يبص عليها علشان لاقيت الشغل كتر وماكنتش عامل حسابى على اكتر من كده

بس الحمد لله لحد دلوقتى مافيش نقص فى المياه

ممكن يبقى عمل بيه استك التاكيه و لو ان الاستك لو سليم و الوش سليم مبيحتج حاجة و لو احتاح سيليكون عضم احسن

المشاركة الأصلية كتبت بواسطة فادى محمد

مبروك
فيكتور رينز من الماركات المحترمه جدااا
الاسعار معقوله بخلاف طبه الميه ب10ج اصلي وجوان الفرن ب20ج توبران برازيلي
المشكلة أن الطبه مش مكتوب عليها لا نوع ولا حتى مقاسها
بس السؤال..
هو عمل ايه بالسليكون الحراري ؟؟
النوع ده افضل نوع في السوق . اللي لونه اسود بس الشغل اللي انت عملته كله مايتحطش معاه سليكون . لا اويل سيلات ولا جوانات !! مجرد نظافه قبل التركيب فقط !!
هوا قالى ان جوان التاكيهات لو عرق تانى يبقى مفقع وعايز يتغير وبعد كده اتفاجئت انه حطله سيليكون هوا وكرتيره الزيت ومش عارف حط لحاجه تانى ولا لاء
المصنعيه 150ج عادل جداا

المشاركة الأصلية كتبت بواسطة بيشوى_رمزى

ممكن يبقى عمل بيه استك التاكيه و لو ان الاستك لو سليم و الوش سليم مبيحتج حاجة و لو احتاح سيليكون عضم احسن

إذيك يا بيشوى انا متابع موضوعك بس سامحنى ماعنديش خبرة فيه فا بطمئن وصلت لحد فين وأخرج
ومش عارف ليه حط سيليكون بس قلت هسيبه يعمل اللى هوا عايزه علشان لوحصل حاجه ارجعله يبقا مالوش حجه حتى الاسعار ماكلمتوش فيها والاسبيراتير ماكنش فيه منه مشكله وبرده قلت نضافه وكمان علشان مايتلككش بيه