Great Wall Peri Evaluation

للأسف ماكانش فيه معلومات كفاية متوافرة عن العربية GWPeri الجديدة من Great Wall اللي منزلها عز العرب ، و لما لجأت
المواقع الأجنبية لقيت الكلام عنها قليل جايز عشان لسه نازله قريب ، و معظم الأخبار المنشورة عن موضوع القضية اللي
رفعتها فيات على جريت وول عشان تصميم البيري نسخة من تصميم الفيات باندا .
عموماً ده خبر قديم ، الجديد بقى اني لقيت على احد المنتديات الصينية تقييم ممتاز للبيري ، و ده اقنعني بيها اكتر
بعد ما شفتها بنفسي في معرض عز العرب في مدينة نصر ، فحبيت اني اترجم الاجزاء اللي فهمتها من التقرير لاني طبعاً
ترجمته من الصيني للانجليزي على جوجل فالترجمة الحقيقة ماكانتش واضحة في كل حاجة لكن فيه صور كتير كويسة .

http://www.nakaf.com/up/image/11109.jpeg

الشكل الخارجي :
تتميز البيري بحجم صغير و خطوط انسيابية من المقدمة حيت تكون شكل حرف V تحته على الجوانب مصابيح الضباب مشكلة مع
فتحة التهوية في المنتصف شكل فم مبتسم ، و بوجه عام فإن شكل السيارة مميز ذو ملامح رياضية محببة سواء من حيث شكل
المصابيح الامامية او الخطوط الانسيابية في غطاء المحرك بالإضافة لوجود قائمين معدنيين للأمتعة على سطح السيارة
للاستفادة القصوى من المساحة الداخلية للسيارة .
السيارة مزودة بإطارات قياس 14 و جنوط الومنيوم و سبويلر خلفي صغير على سطح السيارة كان يفضل ان يكون اكبر حجماً ،
بالإضافة لمصابيح خلفية بالطول على اطراف خلفية السيارة على شكل مموج .


http://www.nakaf.com/up/image/11110.jpeg

http://www.nakaf.com/up/image/11111.jpeg

http://www.nakaf.com/up/image/11112.jpeg

http://www.nakaf.com/up/image/11113.jpeg

http://www.nakaf.com/up/image/11114.jpeg

http://www.nakaf.com/up/image/11115.jpeg

الشنطة الخلفية :
مساحة التخزين الخلفية جيدة ، و لمعرفة عمق الشنطة فإن المساحة بين الباب و ظهر الكنبة الخلفية تلائم وضع زجاجتي
مياه بشكل طولي فوق بعضهما . بالإضافة لذلك فإن الكنبة الخلفية يمكن طيها بنسبة 50:50 مما يوفر مساحة ممتازة إضافية
عند السفر و لكن هناك عيب بسيط أن ظهر الكنبة بعد الطي يعتبر مرتفع عن ارضية الشنطة و ليس على نفس المستوى .
ليس هناك زر لفتح الشنطة الخلفية بالمفبض و لكن تستطيع فتحها بالضغط على زر فتح الشنطة عن بعد في مفتاح السيارة ثم
فتح الباب من المقبض بسهولة . باب الشنطة الخلفية عند فتحه بالكامل يرتفع فوق مستوى سطح السيارة بشكل جيد لاعطاء
فرصة افضل للوقوف امام الشنطة ، و بالرغم من ان ارتفاع السيارة غير كبير إلا ان الباب الخلفي مزود بمقابض من الداخل
ليستطيع قصار القامة اغلاق الباب بسهولة في حالة عدم التمكن من الوصول للطرف الأعلى من الباب .

http://www.nakaf.com/up/image/11116.jpeg

http://www.nakaf.com/up/image/11117.jpeg

http://www.nakaf.com/up/image/11118.jpeg

http://www.nakaf.com/up/image/11119.jpeg

http://www.nakaf.com/up/image/11120.jpeg

أرضية الشنطة مغطاة بموكيت ناعم إذا رفعته تجد تحته عدة ادوات الصيانة و تحتها الاطار الاحتياطي بدون جنوط الومنيوم
لتقليل التكلفة

http://www.nakaf.com/up/image/11121.jpeg

الأبواب الجانبية ليست ثقيلة و سهلة الحركة . الخامات المستخدمة من الداخل جيدة و ناعمة و لكن كان يمكن ان تكون افضل .

http://www.nakaf.com/up/image/11122.jpeg

http://www.nakaf.com/up/image/11123.jpeg

الشكل و المساحات الداخلية:
يوجد بالأبواب الأمامية فتحة تخزين جيدة تستطيع وضع عدد من الكتب و المجلات فيها بسهولة و لكنها لا تتسع لحمل زجاجة
مياة صغير ، بالأبواب الخلفية أيضاً توجد فتحات تخزين و لكنها اصغر من تلك التي بالابواب الامامية و لكنها تستطيع حمل
المجلات او الجرائد .

http://www.nakaf.com/up/image/11124.jpeg


http://www.nakaf.com/up/image/11125.jpeg

التابلوه الامامي يتمتع بشكل انسيابي . الأزرار و فتحات التكييف محاطة باطارت فضية اللون تضفي لمسة عصرية . حجم
التابلوه صغير نسبياً للاستفادة القصوى من المساحة الداخلية للسيارة مما يجعلك تلاحظ ازدحام الازرار إلى حد ما ، من
ناحية اخرى فإن مكان مفتاح التشغيل جيد و تستطيع الوصول اليه بسهولة .

http://www.nakaf.com/up/image/11126.jpeg

شكل لوحة العدادات ممتاز باللون الابيض و الاسود و يضاء باللون البرتفالي اللافت للنظر ، عداد السرعة يصل حتى 200 كم و
عداد الRPM يصل إلى 8000 .
خامة التابلوه ممتازة ناعمة من الامام و خشنة من الخلف . و هناك مساحة فوق التابلوه وراء عجلة القيادة مناسبة لوضع
البطاقات أو الاشياء الصغيرة .

http://www.nakaf.com/up/image/11127.jpeg

http://www.nakaf.com/up/image/11128.jpeg

عجلة القيادة ناعمة الملمس و مريحة و مدعمة بالمطاط بالإضافة لسمكها مما يعطي شعور جيد اثناء القيادة ، كما ان حجمها مناسب و لا يجبرك على عمل حركات واسعة حتى في الملفات .

http://www.nakaf.com/up/image/11129.jpeg

كفاية كده النهاردة و ان شاء الله اكمل بكره و لا بعده ، موضوع الترجمة و التصحيح ده متعب اوي بصراحة .

محجوز احتياطي

مجهود رائع أخي الكريم

جزاك الله خيراً على المجهود المبذول في الترجمة
العربية فيها شبه شوية من الدايهاتسو سيريون من برة :)

جزاك الله خيرا على تعبك ده
شكل العربيه عاجباك
ربنا يوفقك وتكون من الاوائل اللى يشتروها ويكتبوا تقييم عنها

اشكرك بشدة يا أخى العزيز على هذا التقييم الهائل بس لو ممكن تعطينا فكرة عن الموتور و العفشة و باقى الأجزاء الميكانيكية .على فكرة العربية دى هنا فى السعودية و تمنها حوالى 32 الف ريال.تمنها كام فى مصر و اية نظام الحجز .جزاكم الله كل خير

العربية دى عاجبانى و شكلها نضيف .. أنا شفتها فى معرض بس من بره .. كانت مقفولة .. بس شفت إن الخامات المستخدمة والتقفيل وشكل التابلوه فيها نضيف جدا وأحسن من الاسبيرنزا الـ 113 .. بس طبعا الاسبيرانزا انتشرت جامد ودى ميزة .. أعتقد إن العربية دى أحسن كعربية بس عيبها حيكون فى موضوع الانتشار .. عز العرب توكيل كسول .. !!!

انا برضو روحت اتفرجت عليها و عجبتنى خامات كويسة و نقفيل ممتاز بس المشكلة كلها فى الانتشار و عز الجرب قصدى العرب هيا على ما اعتقد احسن من الـ A113 لكنها تكسب عشان التوكيل و الانتشار الواسع و زيادة مبيعاتها

لقيت شوية فيديوهات على اليوتيوب عنها ..
بس صينى وروسى .. لو حد ثقافته يوغسلافى يا ريت يترجملنا :)
http://www.youtube.com/watch?v=d0x0-PRa0Jg

بس اللى ضايقنى فيها أنها فعلا تقليد للفيات باندا .. حتى شكل التابلوه بالظبط .. بس مغيرين فيها من بره شوية حاجات بسيطة ..

البيري فعلاً من الكشف الأولي لها يؤكد أنها أفضل من نظيراتها في القوة والمتانة والتقفيل اجيد والخامات الجيدة نوعاً ما
بس المشكلة ... التوكيل ومدى اهتمامهاوتسويقه ليها
2. انتشارها ضعيف لسة ومفيش تجارب عمليه واضحة عنها حتى الآن

الاسبرانزا شكلاً تعجبني اكتر ... بس البيري مطمئنة عنها في حاجات كتيير
والله اعلم

انا عضو جديد فى المنتدى الرائع ده
العربيه دى عاجبانى جدا
انا روحت ابو راواش وجربتها هى ناعمه وجميله جدا وقابلت راجل محترم بيعما صيانة ال 1000كم
وقالى عنها كلام كويس جدا وانه شارى 2 واحده له وواحده لابنه
انا باخد رايكم لو حد اشتراها ياريت يفدنى
لانى ناوى اتوكل على الله واجيبها
هى فى منها سعرين 53 الف و 59 الف
فرق abs+ebd
وكمان cd مش راديو mp3 فقط
وكمان التحكم بوضعية حزام الامان
وكمان مرايات جنب كهرباء
وكمان مقياس درجه الحراره الخارجيه
اعتقد ممكن الواحد يستغى عن الحاجات دى لان فرق السع كبير بس منهم لله بتوع الجمارك بياخدوا على الاوبشن اكتر مابياخدوا على العربيه
نسيت اقولكم انى سالت واحد فنى فى الورش (بعد ماعملت مشكله عشان اوصله)المهم شكرلى فيها جدا
والله اعلم

ياريت لو حد عنده معلومات مايبخلش بيها احسن انا قربت اشترى إن شاء الله
بس خايف من انها صينى ومن قطع الغيار ولو انهم فى عز العرب قالولى كلام كويس ومطمئن كتير
بس انا بطمئن اكتر للبيت الجميل ده (نايل موتورز)
منتظر ردودكم
الله الموفق

معلش يا جماعة اتأخرت عليكم بس كنت مشغول شوية ، ده بقية التقييم بتاع البيري و ان شاء الله قريب احطلكم اختبار القيادة بتاعها كمان .

يأتي الراديو و السي دي بفتحة USB لتوصيل اجهزة MP3 بسهولة كما ان هناك درج صغير بجانب الفتحة لوضع الجهاز او الموبايل و هو عملي للغاية و تصميمه جيد .
تحت السي دي مباشرة تجد أزرار الاشارة في مكان سهل الوصول اليه و على جانبيها
فتحات التكييف دائرية الشكل القابلة للتدوير .

http://www.nakaf.com/up/image/11226.jpeg

http://www.nakaf.com/up/image/11227.jpeg

ذراع السرعات مريح و ممتع و هناك فتحة تهوية صغيرة أمامه في التابلوه تقول الشركة أنه لتهوية يد السائق القابضة على ذراع السرعات و لكن الحقيقة أن تأثيرها يكاد يكون معدوم .

http://www.nakaf.com/up/image/11228.jpeg

http://www.nakaf.com/up/image/11229.jpeg

درج التابلوه ليس عريض و لكنه عميق إلى الداخل بحيث يمكن أن تضع فيه ألبوم صور كبير بسهولة . هذا العمق ليس في مصلحة السائق لأنه سيصبح من الصعب عليه أن يبحث عن شيء ما في عمق الدرج من مكانه في مقعد السائق .

http://www.nakaf.com/up/image/11260.jpeg

بين الكرسيين الأمامين سوف تجد زر التحكم في مرآة الرؤية الخلفية و الولاعة و مكان يكفي لوضع زجاجتي مياه بالإضافة إلى علبة المطفأة .

http://www.nakaf.com/up/image/11261.jpeg

المساحة المتروكة للسائق جيدة بالمقارنة مع السيارات في نفس فئتها ، حيث يستطيع راكب بطول 178 سم الجلوس بارتياح و ما زال هناك مسافة جيدة بين رأسه و السقف . هذا بالإضافة لإمكانية تعديل ارتفاع الكرسي و ظهره .

http://www.nakaf.com/up/image/11262.jpeg

على العكس من الكراسي الأمامية فإن الكنبة الخلفية لا تتمتع باتساع مناسب خصوصاً بعد إرجاع الكرسي الأمامي كما أنا المسافة قصيرة للغاية بين رأس الراكب و السقف ، و لكن في النهاية يعتبر هذا مقبولاً بالنسبة لحجم السيارة الصغير .

http://www.nakaf.com/up/image/11263.jpeg

تأتي الكنبة الخلفية بمساند رأس قابلة للتعديل و هي ميزة كبيرة حيث أن الراكب الطويل نوعاً لن يشعر بالارتياح في الجلوس لأن مسند الرأس سوف يكون خلف كتفه .

http://www.nakaf.com/up/image/11264.jpeg

http://www.nakaf.com/up/image/11265.jpeg

المقاعد الخلفية يمكن طيها بسهولة ، حيث أنها قابلة للطي بنسبة 50:50

http://www.nakaf.com/up/image/11266.jpeg

http://www.nakaf.com/up/image/11267.jpeg

تحت الكرسي الأمامي يوجد مساحة مخفية تقول الشركة المصنعة انها لوضع الحذاء و لكن الحقيقة انها تكفي فقط لوضع حذاء حريمي صغير ، أما بالنسبة للرجال فهذه المساحة تعتبر مناسبة لوضع الأشياء الثمينة الصغيرة .

http://www.nakaf.com/up/image/11268.jpeg

في النهاية حصلت السيارة في التقييم العام على 8 نقاط من 10 مما يجعلها في فئة المنتجات المميزة .

الأسعار ايه يا جماعة

حد يعرف من الجماعة اللي راحو يتفرجوا؟

السلام عليكم
... أنا كمان عجباني جداً البيري ... شوفتها وركبتها وسمعت صوت موتورها بصراحة حلوة ... هي مطمئنة لأنها من الصين مباشرة مش تقفيل مصري ... وكمان نزلت في السعودية ب 32 ألف ريال ده معناه إن السعوديين اقتنعوا بيها ووجدوا فيها الأمان الكافي وخاصة إن الاجواء الخليجية ذات مواصفات خاصة. كلنا طبعاً عارفينها
السؤال ؟
1. عز العرب توكيل مطمئن
2. إعادة البيع تكمئن
3. الاسبرانزا الهاتش جميع الكماليات بـ 53 ألف بس
4. دي جميع الكماليات بـ 59 ألف

إيه رأيكو ؟؟؟؟

أتا كمان مقتنع بيها و شايف انها عربية كويسة . كمان شركة جريت وول بتنتج عربيات نص نقل و 4*4 .أنا شفت العربيات دى فى معرض الرسام فى الرياض هنا . بصراحة انبهرت بال4*4 الهوفر . بس العربيات الكبيرة دى موتورها ميتسوبيشى .بس الموتور بتاع البيرى هو موتور "جريت وول" محدش عارف اية كفائتة و قوة تحملة .و ان كان معظم الأجزاء الكهربائية من تصنيع " بوش" . يا ريت لو حد يعطينا تقييم عن " الموتور" لأنة أهم حاجة فى العربية .

يا جماعة انا شايفة إن تقريباً السيارة إللي بــ 53 كده مفيهاش غير تكييف وباور و2 زجاج كهرباء أمامي.
أي حاجة تانية على حد ما فهمت من كلام أ/ أحمد في موديل الـــــ 59 ألف وده يجعل السيارة غالية جداً بالمقارنة بالبيني والاسبرانزا الهاتش تصل السيارة إلى 53 بجميع الكماليات يا ترى ده لصالح السيارة ولأن خاماتها فعلاً أفضل أم هي مغالاه من عز العرب.
كمان الاسبرانزا عاملا موديلات الدنيا qq و a113 و a516 و a620 وa11العادية واللونج و a213 والتيجو .. الخ موتور في الأصل نمساوي يعني تفوقت في أنواع كتيير من المواتير وخبرة بصناعة فئات كتيرة من السيارات ، انتشار واسع وتوكيل ناجح ، فما هو الوضع للبيري.
كمان تفرق عن الاسبرانزا الهاتش بسعر 53 كتيير الاسبرانزا جميع الكماليات و4 زجاج كهربا وأوسع وأجمل وألوان اكتر وانتشار فاق الوصف وكمان باور هورس أعلى 87 أما البيري 80 ph فقط.
محتااااارة ؟؟؟؟؟؟

اقتباس:

---

المشاركة الأصلية كتبت بواسطة reham2000

يا جماعة انا شايفة إن تقريباً السيارة إللي بــ 53 كده مفيهاش غير تكييف وباور و2 زجاج كهرباء أمامي.
أي حاجة تانية على حد ما فهمت من كلام أ/ أحمد في موديل الـــــ 59 ألف وده يجعل السيارة غالية جداً بالمقارنة بالبيني والاسبرانزا الهاتش تصل السيارة إلى 53 بجميع الكماليات يا ترى ده لصالح السيارة ولأن خاماتها فعلاً أفضل أم هي مغالاه من عز العرب.
كمان الاسبرانزا عاملا موديلات الدنيا qq و a113 و a516 و a620 وa11العادية واللونج و a213 والتيجو .. الخ موتور في الأصل نمساوي يعني تفوقت في أنواع كتيير من المواتير وخبرة بصناعة فئات كتيرة من السيارات ، انتشار واسع وتوكيل ناجح ، فما هو الوضع للبيري.
كمان تفرق عن الاسبرانزا الهاتش بسعر 53 كتيير الاسبرانزا جميع الكماليات و4 زجاج كهربا وأوسع وأجمل وألوان اكتر وانتشار فاق الوصف وكمان باور هورس أعلى 87 أما البيري 80 ph فقط.
محتااااارة ؟؟؟؟؟؟

---

لا يافندم حضرتك مافهمتيش قصدى
العربيتين فول اوبشن زى بعض فى كل حاجه واحده زياده عن الاخرى بالتالى(حسب الاهميه)
1- abs+ebd
2-cd radio الارخص فيها(radio mp3)
3- حزام امان متحرك
4- مقياس لدرجه الحراره خارج العربيه
انا شايف كل ده مش ضرورى قوى ويمكن الاستغناء عنه
الفروق موضحه هنا
http://www.gwm.com.cn/eng/html/models/gwperi_equip.asp

طيب الاسبيرانزا فيها Abs و Cd Mp3 ..

يعنى ناقصة بس مقياس الحرارة الخارجية وebd ..

بس بصراحة 59 كتير .. كده ممكن تجيب بيكانتو ..

ملحوظة بسيطة ، البيري 88 Hp مش 80

قرأت كماليتها في الأهرام مرتين نازلة 80 حصان ... مفيش 88 خالص واتاكدت كمان من الجريدة لأني محتفظة بها

لسه محدش اشترى العربيه دى ياجماعه يقولنا رايه؟؟..........