يا باشا بس اهدى . ايه هيه الخبطه اللى حضرتك بتسمعها دى بس ؟ هل هيه حاجه ظاهره للدرجه دى ؟ طيب لو ظاهره اعتقاد حضرتك انها فين بالظبط ؟ لو فى باب او عفشه ما تجرب بره التوكيل .
الموضوع مش مستاهل تعكنن نفسك كده :)
عرض للطباعة
يا فندم الصوت واضح جدا و باسمعه من الشمال ورا وداني، يعني غالبا من القايم او السقف و همة في التوكيل بيقولوا كدة برضه
اكيد حاجة تعكنن لما اكون دافع حوالي 180 الف جنيه من شهر و مش قادر اتبسط بيهم
دانا باتكسف حد يركب معاية العربية من الصوت
و بعدين اكيد مش هاخد عربية زيرو معلقة نمر من شهر و اوديها برة التوكيل يصلحوها.
حصلت معايا فى عربيه ميجان واكتشفت بعدها بالصدفه انى كنت حاطط مسمار كبير شويه فى درج الباب اليمين وهوا السبب فى الصوت.
ببساطة توكيل زبالة و بقالي تلات ايام باحاول اكلم مدير الصيانة في رينو مش عارف اوصل و عندهم موظفين كتير مستوى الذكاء عندهم محتاج اعادة نظر
لو عندك استعداد تشتري عربية و تبقى ما عملتش 400 كيلو بس (يعني لسة بالورق الابيض عليها) وتفضل كل شوية رايح بيها للتوكيل و مابيحلوش مشكلتك، يبقى اتوكل على الله و اشتريها
لو فلوسك غالية عليك شوف عربية من توكيل محترم
انا شخصيا هاروح توكيل تويوتا ابوسهم كلهم لاني من 2009 للنهاردة ماشوفتش غير كل معاملة ممتازةمنهم في العربية التانية
حد يعرف رقم تاني للتوكيل ده الواحد يوصل للمسؤلين عن الصيانة فيه؟
شكلي لبست في توكيل تحت السلم تقريبا
انا متابع موضوع وحاجه تنرفز لما عربيه لسه 400 كيلو تلف بيها على التوكيل كل شويه بس أعتقد هى حاله فردية انا اعرف ناس صحابى معاهم فلوانس 2014و2013 بسم الله ماشاء الله زاى الفل معاهم وده اللى خلانى بفكر أجيب الفلوانس 2015 بس كلامك خلانى أفكر تانى فى قرار الشراء واسئل تانى.. يارب توصل لحل للمشكله اللى عندك أن شاءالله قريبا
يا باشا عليك وعلى حماية المستهلك.........وماتتعبش نفسك معاهم
ولو ماعرفوش يحلوا مشكلتك يبقى يدووك عربية جديدة
حماية المستهلك ما بيشوفش المشكلة ويقيمها...........هو اهم حاجة عنده الزبون........انت ابعتلهم الفاتورة والضمان او متهيألى صورة رخصة العربية .......اى حاجة تثبت انك فالضمان.....وابعتهم بالنت...........كله وانت فى بيتك........هتلاقى واحد من حماية المستهلك تانى يوم متصل بيك وبياخد منك شوية بيانات...........شوية وهتلاقى التوكيل بيكلموك
او ممكن تعملهم خناقة فى وسط التوكيل وتفضحهم.........ساعتها ممكن يخافو ويكشوا
وربنا معاك
و ده اللي يقلق
انا زيك اصحابي و ناس كتير شكرولي في التوكيل و اشتريت بناء على كلامهم و اللي قريته هنا
بس لما قابلتهم بعد مشكلتي و سالتهم اكتشفت ان ماكنش عندهم مشاكل في عربياتهم و كل علاقتهم بالتوكيل هية الصيانات الدورية، اللي طبعامافيهاش حاجة
عارف زي ايه؟ لو عندك انترنت من تي اي داتاوماعندكش مشكلة هاتلاقي الانترنت هايل بس اول ما خطك يعطل شوف بقى هايعملولك
ايه
عموما دي تجربتي ولحضرتك الحرية في الاختيار