بشوكها ازاي و هية متنيلة كدة؟ التوكيل يحلها الاول او يديني غيرها او يديني فلوسي
لكن انا مش هابيعها معيوبة لأني مش هاخبي على اللي بابيعهاله. ماقبلش مليم حرام
عرض للطباعة
مش عارف ليه الدنيا ملخبطه معاك كده فى التوكيل . برغم انه ده مش طبعهم .
اتعاملت معاهم من حوالى 3 شهور بس كانوا محترمين بصراحه و حتى انا قلت لهم ربطوا لي العفشه على حسابى . ربطوها و قالولى علينا و سلموا لى العربيه نضيفه .
مش عارف اقول لك ايه . حاسس طبعا بمعاناتك .
بس واضح انها حاجه ما بتحصلش يمكن و ﻻ كل الف عربيه و بالتالى همه برضه مش عارفين لها حل لانها ما عدتش عليهم قبل كده .
ده نصيب اولا و اخيرا .
الحل انهم يخلعوا فرش السقف تماما و يشوفوا المشكله و يركبوا واحد جديد و دى مش صعبه . اطلب منهم ده كحل اخير .
للاسف عمري ماتوقعت المعاملة دي
لما تتكلم معاهم همة ودودين لكن ايه فايدتها و حاجتك بتتبهدل قدام عنيك بمنتهى البرود و الاهمال
همة فكوا كل حاجة ومش عارفين يحلوها وفي الاخر قالي ممكن يكون عيب صناعة و مستني رد فرنسا
هاشوف موضوع فرش السقف ده بعدين
اخر رينو بالنسبة لي
تقريبا كدة انت مكنة السنتر من جوة الباب مفكوكة
حتحتاج تفك فرش الباب وتتأكد ان مكنة السنتر مربوطة مش مفكوكة
دي غالبا حاجه مفكوكه ومع الوقت والمطبات بتسيب اكتر ومع الوقت هاتظهر اكتر وهاتحدد سببها
في الاول والاخر حاجه مش مؤثره بس بتخلي الواحد يتعكنن
لانه دافع فلوس كتير مبالغ فيها بالنسبه للسلعه اللي بيشتريها فبيبقي متهيأله انه هاياخد كل حاجه سليمه زي ما الكتاب بيقول وان مشكلته هاتتحل في ثواني ..بس للاسف احنا في مصر فلازم تصرفاتنا تكون متماشيه مع ظروفنا
وارد ان حضرتك تشتري الكورولا وتحصلك مشكله لاقدر الله بيها وتكون كبيره ..فالحمد لله علي كل شئ
الحل من وجهه نظري انك تصبر شويه وتطول بالك مع التوكيل لغايه ما يحللك مشكلتك وتخلي تحركاتك بالعربيه قليله جدا وتنساها مؤقتا لغايه ما تشوف المشكله دي بسبب ايه
وان شاالله لما تتحل قرر بعدها تكمل بيها او تبيعها (بس البيع فيه خساره حتي لو مامشيتش بيها غير 100 كيلو)
على فكره الكلام ده موجود فى كل التوكيلات من كبيره لصغيره لانها ثقافة شعب فى الاساس . يمكن حضرتك ما صدفتش ده قبل كده لكن غيرك صادف . و حتى فى قسم التيوتا كان فيه ناس صادفت و كتبت و ما تضمنش فعلا انه ممكن يتكرر معاك فى ماركات تانيه و ﻻ ﻷ .
عيوب الصناعه موجوده فى اكبر ماركه لاصغر ماركه دلوقتى . ليه نسيبي عايش فى امريكا و كان شارى عربيه ليكزس و كلنا طبعا عارفين يعنى ايه ليكزس . الفتيس وقع بعد 6 شهور و غيروه له بعد وقت برضه . العيب اللى عندك مش كبير بس مزعج . ما عليش طول بالك . الواحد و هو بيشترى عربيه بيحط ايده على قلبه انه ما يكونش فيها حاجه ايا كانت ماركتها .
فيه اكتر من مرسيدس و بي ام ؟ و بتسمع حكايات عجب .
مش هاتلاقى معامله وحشه من التوكيلات طالما بتعمل صيانه و تدفع و تمشى . بتظهر المعامله مع ظهور المشاكل . المشكله بتكون فى العيوب اللى مش منشره او التوكيل بيصادفها لاول مره زى حالتك . بتاخد وقت . طول بالك .
متفق جدا مع حضرتك واكيد فرصة وجودعيوب صناعةدايم وودة علشان كدةفي هضمان موجود و علشان كدة دايما انصح معارفي يبعدوا عن الخليجي و يجيبوا وكيل
مشكلتي في النقط دي:
- مش هاقبل اصلاح نص و نص. ترجع زيرو يا اما اخد عربية جديدة او فلوسي (كفاية انها بقت ب174 الف بعد مااشتريتا بأسبوعين اصلا)
- اصرارهم ان الشغل يكون في وسط الاسبوع و بكدا لازم اخد اجازة و دي خسارة مادية كبيرة لية، و لازم اعمل مشكلةعلشان يشتغلوا السبت
- اهمال العمال في الحفاظ على ممتلكات الناس و عدم الرقابة من المهندسين رغم لفت نظرهم على يومين
هاتابع معاكم الاخبار باستمرار