الموضوع: سؤال فى واير السرعة و وش العدادات

المشاركة الأصلية كتبت بواسطة sromolla

السلام عليكم و رحمة الله و بركاته

اسعد الله مساكم يا شباب ,

شباب انا عندى عطل فى عداد السرعة , وديت العربية للكهربائى بعد ماشتريتها و قالى انها عايزة واير سرعة , فاشتريت واير لكن صينى
بعد عون الله ثم مساعدة الاخوة و الرجوع لموضوع ازاى افك التابلوه بالفعل وفقت فى فك التابلوه حتة حتة و نفضته كويس و غسلت وش العدادات بالمياه و الصابون و اعدت تركيبع بعد ما ركبت واير السرعة فى عداد السرعة

و المشكلة :

اولا مؤشر عداد السرعة اشتغل شوية و رجع وقف تانى مش عارف ليه
الغريب فى الامر انى و انا بركبه ركبته فى العداد كلبس فيبر كدة بيركب شحط مش قلاووظ
كمان فى جسم الموتور بيركب بصامولة بلاستيك بتيجى مع الواير , مجرد صامولة بلاستيك ركبتها بايدى بدون اى مفاتيح , فامش عارف كدة صح ولا ايه

ثانيا وش العداد بعد ماغسلته بقى مطوس على الاخر مع انى نشفته كويس , فهل من طريقة لتلميعه ؟

جزاكم الله كل خير يا شباب على الدعم و المساعدة

وعليكم السلام ورحمة الله وبركاته

برافو عليك انك حاولت تفك العدد ونجحت بس ازاى الزجاج طوس وانتا عاسلة فقط بمية وصابون هو حضرتط حتيط عليه بنزين ؟؟؟؟؟؟

بالنسبة لواير السرعة انتا ركبت الواير تمام بس علشان نكشف على حالة العداد عاوزك تفق الواير من الفتيس وتمسكة بايدك وتروح جنب الباب علشان تحرك الواير وتبص على العداد لو العداد اتحرك مع حركة الواير يبقى تمام نتاكد بقى من ترس السرعة

حتفك كتلة الواير المسمار ال 8 تخرج الترس الابيض الكبير ترس السرعة وركب الواير واربه ولف الترس وانظر فى العداد لو اتحرك يبقى تمام ركب الكتلة زى مهى وجرب لو ركن يبقى قولنا**

المشاركة الأصلية كتبت بواسطة sromolla

دايما سباق بالخير استاذ صبحى ,
و الاخوة و الله فى المنتدى الطيب كلهم ما قصروا , جزيل الشكر ليك والاستاذ احمد و الاخوة الاعضاء جميعا
اولا بالفعل لما بحرك الواير العداد بيتحرك ,
المشكل هل انا مركبه فى الفتيس صح ؟ لانه بيركب بصامولة بلاستيك فقط و تحس كدة انه سايب ,
و كتلة الواير دى تبقى من العداد نفسه ؟ و لا من ناحية الموتور و لا فين بالظبط ؟
ثانيا وش العدادات باغة مش زجاج , و لما غسلتها طوست

جنب واير السرعةمن ناحية الفتيس بص كويس حتلاكة راس مسمار بيتفك بمفتاح 8 او بنسة فك المسمار حتفك الكتلة وحيخرج معاها الترس الابيض خلى الواير مربوط فيه ولف من الترس وبص فى العداد ولابد ان تكون الصامولة مربوطة باحكام لو الواير بيبوش يبقى فى حاجة غلط***

انا عارف وش العدادات باغ شفاف طيب ازاى يطوس من المية والصابون؟؟؟

المشاركة الأصلية كتبت بواسطة sromolla

اخيراااااااااااااااااا وصلت للترس الابيض بعد ماخرجت كتلة الواير بحالها
لاقيت الترس الابيض ده , لكن بكل اسف لاقيته مشروخ كسر طولى و بتدوريره العداد مش بيتحرك بالرغم من انه بيتحرك لما بدور الواير نفسه قبل مايركب فى الكتلة

هل ده بيتغير ؟ و بيتفك ازاى قبل تغييره يا استاذ صبحى ؟ و لما اروح اسأل الراجل بتاع قطع الغيار اقوله عايز ترس ايه ؟

كل التحية و تسلم على الوقفة معايا دى يا استاذ صبحى و لو اتقل عليك ابعتلى رقم تليفونك على الخاص ربنا يجزيك كل خير

بس تصدق بالله الشغل فى العربية بأديك متعة بجد وهو دا المقصد انك تستمع لما تحل مشكلتك بايدك

بارك الله فيك ومتشكر جدا على كلمات الرقيقة بس بجد ملهوش لازمة احنا بنخدم بعض بكل اخلاص وهذه كله لوجه الله تعالى***

الترس دا اسمة ترس السرعة وسعرة تقريبا 20 جنية وبتفك كبس وبيركب كبس برضو وعلى فكرة هو دا السبب فى مشكلة ركنة العداد انشاء الله تغيرة بايدك وتنهى على المشكلة وانشاء الله انا معاك حخليك تغير جوان وش السلندر بنفسك بعد عمر طويل طبعا ربنا يبعد عن فليشيتك الاواجع والصداع النصفى وتليفونى على الخاص***

المشاركة الأصلية كتبت بواسطة sromolla

من لم يشكر الناس لا يشكر الله , جعل الله عملك فى ميزان حسناتك و جعله خالصا لوجهه
ان شاء الله اغيره , الا انه مش موجود حوالينا فى المنطقة عايز انزله التوفيقية , ان شاء الله اكون رايح مشوار ناحية رمسيس و اعدى اجيبه ,
طيب و مشكلة وش العداد ؟!!
ماكدبش عليك و انا باغسله جيبت حتة سيلك مواعين و على خفيف كدة عملته ههههههههههه فده اللى طوسه
ماتعرفش حاجة تلمعه ؟

ترس السرعة متوفر عند متخصصيى اسكودا وفولكس**

للاسف حضرتك كدا لازم تشترى وش استيراد لأن الباغه كدا اتجرحت ومينفعش فيها تلميع **