كورولا احلا واعاده بيع حلو زى الكورى
كورولا احلا واعاده بيع حلو زى الكورى
اعادة بيع موافقاقتباس:
المشاركة الأصلية كتبت بواسطة omar sarray
إنما احلى .... !! انا عارف ان الشكل أذواق إنما الاسترا معظم الناس عاجبها شكلها خصوصاً من جوة
اوبل عامه مجربتهاش بس شكل أزواق ومتنساش كورولا عندنا شكل خليجى مش شكلها الحقيقى
ماهو انا كلامى على اللى عندنا من العربيتيناقتباس:
المشاركة الأصلية كتبت بواسطة omar sarray
وعموماً زى ما قلت.....الشكل أذواق طبعاً ;-)
انت شوف ايه الى انسبلك انا من راى كورولا يمكن انت تحب استرا انت شوف ايه الى انسبلك وصلى صلاه الاستخاره وربنا يوفقك يارب
تويوتا راب 4 احسن من الكورولا
السيارتين متقاربتين، وأظن الكورولا في الجملة أفضل قليلًا.
أوبل أسترا.. الألماني ألماني!!
طب لية ماتفكرش في كيا سبورتاج اول فئة او ix35 اول فئة برضو
او لو عايز حاجة من الاثنين دول يبقي انا افضل الاسترا
لكن عيبها ان صيانتها في التوكيل و ان قطع غيارها غالية و اعادة بيعها مش حلوة
و سحبها مش قوي لكن مش ضعيف اوي
لكن غير كدة هي من افضل السيارات في مصر
الاسترا لشقاوة الشباب
الكوروللا لرفاهية العائلة
انت عايز ايه منهم؟؟
كلام منطقي.اقتباس:
المشاركة الأصلية كتبت بواسطة Dr. Assem
انا مع الاسف زعلان من اللي بيخش ويقول الالماني الماني الالماني يا ساده المرسيدس والبي ام انما غير كده كله مشاكل اتفرج على المنتدي قسم اوبل وشوف ملاك العربيه بيشكم منها اد ايه مشاكل زي متقول قول ومعظم الالماني كده عيلة فولكس كلها مشاكل فتيس مبتتحلش وحاجه تكسف الاسكودا بيهربم من الفتيس dsg لماتور 105حصان وفتيس قديم وبالرغم من كده مشاكل للركب برده وبتجيب ترس كامه وهي لسه في اول سنه بالنسيبه اوبل العربيه فيها مشاكل من البنزين مفهاش كلام والحاجه التانيه مفيش صنيعي بيفهم فيها يمكن التوكيل زات نفسه مبيفهمش فيها ده غير في عيوب هبله زي عيوب السنسورات بتاعت العربيه ولمض التابلوه اللي بتهيس وفي ناس باعت عربياتها زيرو بسبب اللمض الي تخليك تجري للتوكيل وفي الاخر ترجع تنور تاني والكركره بتاعت العربيه مزعجه ومقلقه جدا لان ماتور بيكركر يعن هيبقى فيه مشاكل من البنزين قدام
طبعا في ناس من عشاق الالماني هتقولك العيب فينا وفي البنزين بتعنا وشورارعنا الاجابه ابقى اشتريها واركبها في بلد تانيه او اركب العربيه اللي تمشي مع بلدك خلي بالك الشعب ذكي بطبعه اللي بيمشي معاه بيرفعه واللي بيقرفه بيجيبه الارض القصه مش بس شعبيه عربيه او مسمعه والكلام ده لو العربيه زعلت الناس هتنزل الارض ونصيحه لو عايز الماني متنزلش عن الاتنين الكبار مرسيدس او بي ام قديم طبعا الكرولا فيها حجات تزعل زي الصاج الضعيف بس برجع واقول العربيه مش بس صاج في حجات تانيه اهم خش اتفرج على قسم اوبل ومن هنا هتحدد هتشتريها ولا لاء وبالتوفيق
لو فرضنا ان الكلام دة صح يبقى حتى مرسيدس اى كلام. مواتير مرسيدس عملت مشاكل فى الموديلات الجديدة c180 و cla180 والمواتير باظت مش كركرة ولا فتيس. يبقى برضو بمقاييس حضرتك غلط.اقتباس:
المشاركة الأصلية كتبت بواسطة خالد دياب
نيجى بقى لنقطة إن الناس بترفع الكويس، فأنا شايف الإنتشار بتاع الأوبل فى الشارع، بالذات فى ال3 سنين اللى فاتوا، دليل إنهم ماشين كويس ومشاكلهم عادية ومقبولة والناس عاجبها العربية
أخيرا الكلام على السنسورات و إن مافيش حد بيفهم فيها ده الكلام غير عملى يا فندم. كل العربيات فى سنسورات دلوقتي، ومش حادفع 200 ألف واروح اعمل فيها شغل او صيانة عند أى ميكانيكى وخلاص
مش كدة ولا إيه....؟!!
تحياتى
لا بختلف معاك لان مواتير الموسيدس لو حضرتك فاكر كانوا بيمضوك اقرار انك متحطش غير بنزين 95 وكانوا بينبهوك لكده وبعد كده بطلوا يقولوا ولا يمضوا حد علشان خافوا ان نسبة البيع تقل انما كعيب مواتير او مشاكل في الفتيس مفيش وموضوع الكركره اللي انت مستقل بيها هتعمل مشاكل قدام لو سالت ملاك الاوبل هتبدا تلاقي مشاكل بدات تظهر معاهم وهي مسالت وقت مش اكتر
النقطه بتاعت انتشار الاوبل مع الاسف زي ما في سياسة القطيع زي ما في سياسه الفشخره المصريه يعني الفولكس انتشرت اللي الاسكودا انتشرت مع ان لو جبت عيل في الشارع هيقولك في عيب الفتيس سواء dsg او حتى غيره ومشاكل ترس الكامه اللي بيتكسر بس احنا ازاي منعرضهاش فعادي مسالة الانتشار دي اكيد في ناس عندها استعداد تركب عربيه ولو عملت مشاكل ب 5 سنين تبعها وتلبسها لحد تاني
النقطه بتاعت السنسورات عيب اوي كشركه زي اوبل شركه المانيه يحصل تهييس في السنسورات وشركه يابانيه اقل منها او حتى كوري ميحصلشي معاها كده فده اللي خلاني اقول ان الالماني عندك مرسيدس وبي ام انما اوبل دي الماني فرز تاني مع الاسف او اشباه الالماني عربيه بريحه الالماني والكلام ده على الاوبل الجديد مش القديم وده على فكره كلام ناس في توكيلات صيانه وانا بقتبس منهم رايهم مش اكتر
اخيرا حضرتك بتقول عربيه ب 200 الف يا كبير الكوري في عربيات عدت 200 والياباني عده الرقم ده وعلشان كده انا بقولك ازاي هيديلك فخامه وعوامل امان وتقفيل وركوبه الماني بسعر الكوري الاوبل عملت عربيه بريحه الالماني لعشاق الالماني اللي ميقدروش يتحملو سعر البي ام والمرسيدس ومن هنا مشاكلها الكتير وبالتوفيق يا غالي
الأسترا عربية محترمة جدا بمشاكلها بس للى يقدر يلم عليها ويقدر على وقعاتها لأنها كاااااااااااارثية
الكورولا ....... مفيش كلام يتقال عنها إلا إنها مناااااسبة للسوق والمستخدم المصرى
الملخص ....... الأسترا عربية فخمة جدا والكورولا عربية ذكية
والمقارنة إن جيت للحق لا تجوووووووووووووووووووز
بالتوفيق
حضرتك بتقول كلام وعكسه على فكرة......!!!اقتباس:
المشاركة الأصلية كتبت بواسطة خالد دياب
مثلا فى موضوع المرسيدس إحنا بنتكلم على المواتير اللى باظت من البنزين بتاعنا. ده مالوش علاقة بالتوكيل عمل إيه ولا مضى الناس على إيه. الكلام على المواتير الجديدة سواء كان مرسيدس ولا فولكس ولا أوبل، وقريب أوى البى ام وباقى الماركات الأوروبية ثم الأسيوية كله بيغير لمواتير بنسب انضغاط عالية وسعة لترية أصغر لاعطاء قدرة وقوة أكبر.
قياسا على كلامك المواتير اللى باظت فى أوبل كان موتور الانسيجنيا وكان بسبب البنزين برضو، يعنى نفس سيناريو المرسيدس، إنما ماسمعتش عن فتيس باظ فى الأوبل الجديد.
ثانيا حضرتك قلت فى مشاركة سابقة إن الشعب ذكى بطبعه، وإن العربية الكويسة بيطلعها السماء واللى ما بتعجبوش بيخسف بيها الأرض. وبعدين ترجع تقول إن الإنتشار سببه ان نفس الشعب طلع ما بيفكرش ويتبع سياسة القطيع أو الفشخرة.......؟؟؟!!!
ثالثا عيوب زى فتيس DSG فى فولكس التوكيل بيغير الفتيس على حسابه حتى بعد الضمان ما بيخلص وبعد تغيير نوع زيت الفتيس الأخير منذ نوفمبر 2014 والDSG ماشى تمام ومابيخرفش وأداء مافيش بعد كدة.
ترس الكامة فى الاوكتافيا بقى سكودا عاملة له إستدعاء بأرقام الشاسيه على الموقع العالمى بتاعها، إنما التوكيل هنا مطنش مش فارق معاه لا سمعة العلامة ولا سمعته هو شخصيا. فده فرق توكيل عن توكيل.
بالنسبة لموضوع السنسورات، ماينفعش تقارن عربيات بمواتير جديدة بالعربيات اللى فيها مواتير ما فيهاش سنسورات كتير وهى مواتير عفى عليها الزمن زى اليابانى والكورى اللى بيجى مصر ده. عاوز تقارن قارن بالياباني والكورى برة مصر. ساعتها حاتلاقى مافيش فرق فى مشاكل السنسورات اللى هى أساسا مشاكل مش كتير وغير مزعجة.
أما قصة ان أوبل عربية ألمانى فرز تانى أو أشباه الألماني.......!!!! فلا تعليق الحقيقة. ده معناه إن حضرتك ما ركبتش أوبل قبل كدة.
أنا راكب أوبل بقالى 12 سنة، وفى تفوق كبير ليها عن العربيات اليابانى والكورى اللى ركبتها.
وموضوع ان الألمانى هو مرسيدس وبى إم فقط، ده كلام غير واقعى. انتشار فولكس واوبل فى المانيا وأوروبا أكتر من البى ام بإستثناء إقليم بافاريا معقل البى ام ومسقط رأسها.
فى الآخر هو أسلوب وطبيعة سواقة. بمعنى آخر دى مدرسة ودى مدرسة.
لهذا نصيحتى دايما فى موضوع شراء عربية جديدة ان الواحد لازم يجرب العربية قبل الشراء سواء Test drive، مع حد يعرفه أو يأجر واحدة، اللى متاح. المهم بجرب إحساس سواقة العربية قبل قرار الشراء.....
تحياتى
حضرتك موصلتش انا عايز اقول ايه علشان كده حاسس ان الكلام وعكسه بس على العموم علشان نفيد صاحب الموضوع لو انت بتقول ان المواتير بتبوظ بسبب البنزين لانها بتاخد 95 طيب يبقى ببساطه كده ابعد واشوف عربيه تمشي مع طبيعه البلد اللي انا عايش فيها يبقى ده اول سبب من بق حضرتك ان اوبل تطلع بره المنافسه علشان عيوب البنزين دي اول نقطه
النقطه بتاعت الشعب ذكي برده فهمتها غلط الشعب رفع اللنسر والتيوتا في اعاده البيع في الفلوس يعني بتمسك قرش يوم ما تيجي تبيعها انما ميمنعشي ان في شريحه بتاعت الفشخره اه بتجيب حجات تانيه بس هتخسر وقت البيع لان السوق الذكي وقت البيع بيبان اللي يستاهل فيه الفلوس من غيره يعني الخلاصه اه في ناس هتجيب الاسكودا او اوبل بس وقت البيع هتدفع تمن الكلام ده لان السوق مش هيقدر العربيات دي فالكلام مش مناقض بعضه ولا حاجه .
النقطه التالته بتاعت التوكيل عمل ايه ان هو بيصلح الفتيس على حسابه والكلام ده بمش عارف ده نقطه ايجابيه ولا عار على الالماني يعني لو يعملو الحاجه صح يا يخليهم على في الفتيس العادي اللي ثبت في السوق ويعملوا تجارب على الفتيس الجديد انما ينزلوا الحاجه السوق والعمل يتخبط فيها عيب اول وعلى فكره راي ركيبه الالماني كده مش راي انا
النقطه بتاعت السنسورات ممكن تقولي ايه زياده في الاوبل عن التيوتا الجديده في الحساسات انا عن نفسي شفت الاتين ولا حاجه زياده انما تيوتا مفهاش تهييس سنسورات وهي تقفيل تركي انما اوبل الالماني الشركه العريقه بتهيس وبيطلع حجات على الكمبيوتر بتخلي صاحبها يجري على التوكيل يسحب منه مبلغ وفي الاخر لمبه مهيسه والعربيه لسه معملتشي 2000 كيلوا متنساش برده مروحه التبريده الداخليه اللي بتبوظ والتوكيل ذات نفسه بيقولك تعاله غيرها مجانا لما تبوظ عادي انا جايب الماني يا جماعه ولا صيني ولا ايه ده غير عيوب تانيه اتمى من اللي داخل يشتري يقعد ساعه وحده بس في قسم اوبل يقرا العيوب اللي هتقابله وفي موضوع مهم لمشرفنا الجميل المحترم مشرف قسم اوبل بيتكلم فيه عن مشاكل اوبل وان اوبل سياره مع الاسف والكلام على اوبل الجديد سياره فيها مشاكل كتير ولا تصلح للسوق المصري وطبعا بيحكي فيها معاناته والمشاكل اللي مبتنتهيش خلاصه الكلام العربيه الاوبل النهارده مش بفلوس الكوري والياباني بتمنها النهارده يا ترى احنا استغنينا عن ركوبة الالماني كده غاوين عربيات اقل جوده مثلا منفسناش في ثبات وصاج حلو وتقفيل اكيد كلنا عايزين كده انما العيوب اللي هتقابلك هي الي بتخليك تعزف عن جاجه زي كده اسف لو كنت طولت بس والله فلوس الراجل اللي بيشترى واجب علينا نوضحله وهو بقى عليه الاختيار بس هرجع واقوله ادخل قسم اوبل وبعدها حدد وبالتوفيق للجميع وكل سنه وانتم طيبين
سؤال من فضلك للاستيضاح؛ هل عيوب أوبل التي تتكلم عنها موجودة في دفعات 2015؟اقتباس:
المشاركة الأصلية كتبت بواسطة خالد دياب
لأني بالتدقيق في موضوع أوبل إنسيجنيا، كانت هناك مشاكل بالفعل بسبب حساسية المحرك لنوع الوقود، وتم تلافيها بعد إجراء بعض التعديلات، ولم نسمع بعدها عن مشاكل عامة في دفعات 2014 و 2015، ومما يؤكد ذلك كلام الملاك عنها في موضوعي الذي في التوقيع.
النقطه دي على مسئوليه حضرتك بنتفاجا بعربيات فيها مشاكل والتوكيلات بتحلف ان المشكله اتحلت وبعد ما الزبون بيشتري بيلاقي نفسه لابس في الحيطه اتمنى يكون كلام حضرتك مظبوط انا اتمنى بجد العربيات دي ترجع لاسمها الكبير شركات المانيه يعني جوده يعني عمر افتراضي وصناعه عاليه انما اوبل وغيرها من عيله فولكس بقالها فتره بتهرج واسمها وقع في السوق كجوده رغم ان في ناس بدات تجبها لشكلها وتقفيلها الداخلي المميز بس تسويقيا سمعت مشاكلها هي وعيله فولكس من باسات ل اسكودا مزعله الناس ومخوفه الناس منها وحضرتك تقدر تسال مشرف قسم اوبل الراجل المحترم مش هيقصر معاك هو متابع يوم بيوم ويفدك اكتر مني في النقطه دي ليك مني وللجميع كل تقدير واحترام
يا أستاذ خالد دياب لو حضرتك بتشترى عربية علشان تبيعها يبقى كلام تمام، إنما بتشترى عربية علشان تركبها وتستمتع بيها يبقى ده كلام مختلف. لهذا انا قولت هى مدرستين فى الأول وفى الآخر.
بالنسبة لموضوع إن فى شركة نزلت حاجة جديدة وظهرلها مشاكل فيطوروها على حسابهم ويرضوا العميل، انا شايف ان ده تمام ومقبول جدا.
عندك مثلا تويوتا لما نزلت عندنا من جنوب إفريقيا بالفتيس ال mmt والناس كلها اشتكت منه بلا استثناء ماحدش قال إن تويوتا شركة فاشلة رغم انها ماعملتش حاجة للعملاء اللى لبسوا العربية وراحوا مغيرين الفتيس للأقدم فى الدفعات اللى بعدها. يعنى اللى اشترى الأول خسر خسارة فادحة وملاقاش حد يشترى منه حتى علشان الجديد ما فيهوش المشكلة.
نرجع لموضوعنا الأساسى اللى يخص المقبلين على شراء العربيتين......
موضوع السنسورات انا ماعرفش ايه اللى فى الكورولا ولا الكمبيوتر بتاعها عامل ازاى لأنها مش عندى. لكن ممكن حضرتك تقول لنا أمثلة من تهييس السنسورات فى الأسترا زى ايه.....؟
علشان اكون حيادي اكتر الحاجه اللي ديما بتزعل في السنسورات بالنسبه للاوبل 2014 بعد راي ملاكها ان فيها عيب فى سينسور سرعه المروحه اللى على طول بيبوظ وبيتغير فى التوكيل. السنسورات التانيه مش عليها اجماع وبتكون حالات فرديه من عربيه للتانيه ليك ولجميع الاخوه كل التحيه
إذن هو سنسور واحد. وبيتغير بس كدة.اقتباس:
المشاركة الأصلية كتبت بواسطة خالد دياب
مش شايف إن دى مشكلة تذكر أساسا
عندك عربيات تويوتا 2014 منها الكورولا والكامرى معمولها استدعاء فى أمريكا علشان دايرة الكهرباء بتاعة المساحات بتعمل قفلة وتتحرق؛ مش بتعلق أو بتهييس..... لأ بتتحرق والمساحات بتقف يعنى مع المطر عندهم هناك مستحيل تتحرك بالعربية. ومع ذلك ماحدش هناك قال ان "تويوتا شركة فاشلة" ولا ان "كل العربيات فيها مساحات وتويوتا مش عارفة تعملها مش اختراع يعنى"..... لا عادى وسمعة تويوتا تمام.
خلاصة الكلام، صناعة العربيات وارد فيها الخطأ. المهم الخطأ ده له حل يبقى تمام، مالهوش حل ده كلام تانى بقى ساعتها (زى فتيس تويوتا الmmt).
انا محبتشي بصراحه يا دكتور خالد اقول مشاكل اكتر وخصوصا انك من ملاك العربيه علشان متزعلش بس حضرتك مصمم انك تعرف باقي العيوب بس علشان مطولشي على وقت حضرتك والكلام على الاوبل الجديد الماتور هيزعل ملاكها قريب قوي وبالنسبه لتهييس السنسورات ده انا مسمعتوش في تيوتا او حاله فرديه يعني اخويا معاه التيوتا ومعظم معارفي مفيش حد عنده العيب ده ولو فردا حصل مع حد بتكون حاله فرديه لا يجوز التعميم عليها يعني لم انا بتكلم عن المروحه ده في كل عربيه هيحصل معاها كده ده بس العيب اللي تقدر تقوله بقلب جامد طيب لغايه كده وبعد ما هيتصلح هتضرب المروحه تاني بعد فتره والتوكيل هو اللي هيقولك الكلام ده مش انا لانها هتتغير كل فتره لان في مشاكل في جزء من كهربة العربيه انما لو حابب تعرف سنسورات ايه تاني في سنسورات حساس المطر وده عادي ميزعلنيش انما لو ربنا وعدك بحساس check engine هتزعل منه بجد لانك هتلف كتير معاه ومش هتعرف سببه وهدوخ على ما تحله وبعدين هيختفي وهيظهر تاني وهتفضل مقلق منه وعينك ديما على التابلوه وانا اعرف ناس باعت عربيتها علشان تخلص من الزهق والقلق ده علشان كده برجع اقولك اعتماديه الاوبل الجديد مش اد كده وان اسم كبير زي اوبل عيب اوي يكون عندها عيوب بالمنظر ده مش هتلاقيها في الالماني العيوب دي ده الكوري مفهوش الكلام ده
وبرجع اقول لحضرتك لو العربيه دي بجد تستاهل كانت هتلاقيها اكتر من اللنسر والكيا على الطريق لان باختصار الكل عايز يركب الماني وسعرها بسعر الكوري بس اتمنى تحترم وجه نظري لما بقولك ان الاوبل في ريحه الالماني خش على المواقع الاجنبيه وشوف بيتكلموا عن الاوبل بيقولوا ايه واعمل مقارنه بينها وبين الهوندا سيفك مع ان ده الماني وده ياباني من هنا هتعرف ان مش اي عربيه اتصنعت في المانيا تبقى الماني على حق وعلى فكره انا مش بقول ان التيوتا احسن عربيه بس اعماديتها احسن من الاوبل بكتير والعربيه رقم واحد في الانتشار على مستوى العالم مش بس هنا وفي الخليخ و حته في اوربا
واخر حاجه حضرتك كنت بتتكلم ان الفتيس مفهوش حاجه بس انا اسف اني بقول ان في نتشه في الفتيس وده لا غريب ولا حاجه الماتور والفتيس في علاقه مبينهم لو في مشكله في الماتور هتاثر على المخ اللهو هو الفتيس
في الختام احب اكتب بعض العيوب للعضو مالك السياره a_samir2011 وده كتب العيوب الي بتخص الموديل 2014 عن تجربه شخصيه
1- قطع الغيار المبالغ فيها (كالعاده طبعا).
2- توكيل اكثر من سئ (منصور).
3- كركره فى الموتور وبين تنقلات الفتيس بين ال d و n و p بسبب نضافه البنزين (اللى كل العربيات بيحطوا من نفس البنزينه والمشكله دي فى الاسترا بس سبحان الله).
4- ضعف السحب مع تشغييل التكييف (بسبب ان العربيه تقيله على الموتور) بس بأمانه انا شايف ان سحبها اي نعم بطئ بس مرضي والتسارع بيزيد بعد ال 80 كم حتي لو مشغل تكييف
5- صوت الموتور عالى اللى حد ما (بس انا شايف انه رياضي لكن ممكن يكون عيب لبعض الناس اللى بتحب الهدوء علشان كده حطيته فى العيوب)
5- نتشه ورجه فى الفتيس بين النقلات الاولى (وده على حسب كلام التوكيل انه عادي جدا فى كل موديلات 2014)
6- عزل الصوت ليس بالقوه الكافيه.
7- فيها عيب فى سينسور سرعه المروحه اللى على طول بيبوظ وبيتغير فى التوكيل.
ولكم مني كل تحيه
انا لا مصمم ولا حاجة.......
أنا قلت كذا مرة إن دى مدرسة ودى مدرسة. ومافيش عربية كاملة من كل النواحى.
لما ذكرت الاستدعاء بتاع تويوتا قلت انه فى أمريكا وده كان حوالى 10 آلاف عربية. والهدف من ذكره ان صناع السيارات عادى يحصل منهم مشاكل فى العربيات والمهم كيفية التعامل معاها وحلها.
انما لو على التصميم فأنا شايف إن حضرتك مصمم تعمم مشاكل فردية.....
كام واحد اشتكى من حساس المطر، وكام واحد اشتكى من لمبة check engine؟
أنا مشارك تقريبا فى كل روابط الأوبل خصوصا الأسترا فى مصر واتنين برة مصر؛ لأننى زى ما قلت قبل كدة أنا راكب أوبل بقالى أكتر من 12 سنة، ورغم هذا ماسمعناش شكاوى اللى ذكرتها دى.
الزميل الفاضل اللى كتب عيوب العربية اللى حضرتك مقتبس منه، كان كاتب مميزات برضو وفى الآخر هو مالك واحد ولا يجوز أيضا التعميم.
ارجع واقول تانى علشان دى أهم حاجة.......
الأوروبى والآسيوي......دى مدرسة ودى مدرسة.
لكل واحد مميزات وعيوب ومافيش عربية كاملة من كل النواحى.
وعلى الشارى ترتيب أولوياته والاختيار على هذا الأساس
تحياتي
هو مش حضرتك سالتني عن العيوب الحساسات ولما رجعت اقول واذكر العيوب بتقول مفي مميزات وفي عيوب انت سؤالك كان محدد في نقطه ايه هي العيوب والنقطه دي ان برد عليها مش بعمل تقييم للعربيه .
وضحت برده نقطه ان الكلام على اوبل الجديد من ناحيه العيوب بس حضرتك برده بتحكيلي انك راكب اوبل من 12 سنه الكلام على الجديد حضرتك
وبالنسبه لنقطه كل عربيه ليها مميزات وليها عيوب دي شيء طبيعي بس صاحب الموضوع كان بيسال على الاعتماديه علشان كده كنت بقوله تيوتا لانها الاعتماديه الاولى في العالم ملحوظه انا عربيتي هوندا سيفك ومعايا لنسر ومش متحيز لعبيتي ولا حاجه انما الصح بقوله علشاد دي امانه
اتمنى نكون وضحنا الصوره لصاحب الموضوع وان الحوار يفيد صاحب الموضوع في اختياره وبالتوفيق للجميع
ردى كان طويل ويمكن حضرتك عديت عليه بسرعة.
المهم إن حضرتك ما جاوبتنيش برضو على سؤالى......
كام واحد اشتكى من حساس المطر، وكام واحد اشتكى من لمبة check engine؟
سؤال حضرتك كم واحد اشتكي انا اسف معدتشي كم واحد ومعنديش احصائيه بمشاكل اوبل في مصر بس اللي اقدر اقوله لحضرتك انها نسبه تزعل لان في محيط اللي اعرفهم 3 من اصل 7 النسبه مش قليله
بس احنا نهتم الاول بالمشكله الكبيره بتاعت الماتور طمني هتعملوا ايه في مشكله الكركره بتاعت الماتور لان الموضوع ده هيقلب بماتور لا قدر الله يا ريت تجمعوا نفسكم اعضاء اوبل وتراجعم الموضوع ده مع التوكيل علشان حقكم ميضعشي لو ماتور ضرب ولا وجاب وش سلندر لا قدر الله لان عدم تقبل الماتور للبنزين مش مساله سهله وياريت تسال التوكيل برده عن نتشه الفتيس هل هتكون سوفت وير يتعمل في التوكيل علشان يحسن النقلات ولا في مشكله طمني في النقتين دول لانهم روح العربيه وبالتوفيق
إذن هى مشاكل فردية برضو حتى الآن......
يا ريت لو تنصحهم يعرضوا اللى حصل معاهم هنا فى الرابطة علشان نقدر نساعدهم.
بالنسبة للكركرة بتحصل بس مش كتير لأنى من ساعة ما جيبت العربية بحط بنزين من كام محطة واثق فيهم وجداد كمان. أما نتشة الفتيس الحمد لله ما حصلتش معايا خالص.
أستاذ خالد دياب ودكتور خالد أسامة...
أولًا: السلام عليكم.
ثانيًا: دعونا نتحاور بهدوء لو تكرمتما، وأعتقد أن النقاش لن يخرج عن مصلحة صاحب الموضوع والقراء أيضًا.
ثالثًا: الاستدراك الذي ذكرته أنا بخصوص الأوبل الإنسيجنيا وأن الشكاوى المجمع عليها كانت قد اختفت في سنة 2014، وذلك بعدما تم تغيير نوع المحرك ليعمل بوقود أوكتين 92 بدون مشاكل (وإن كان بكفاءة أقل قليلًا)؛ كنت قد أكدت عليه في موضوعي بعد بحث طويل وقراءة لكافة آراء الملاك وتجارب الأعضاء، ولذلك فإن تحضير الموضوع كان قد استغرق مني حوالي 2-3 شهور من البحث والتجميع وتفنيد الآراء ومقارنتها ببعضها للوقوف على الحقيقة منها، وذلك لنقل الآراء أقرب ما تكون إلى الموضوعية والأمانة.
وخلاصة موضوع الأوبل تحديدًا، أنه منذ أن قامت الشركة بالتعديل المذكور لم أطلع على شكاوى حقيقية (فيما بحثت) يمكن أن نعتبرها (مشكلة عامة أو متكررة) إلا باستثناء ما ذكره أحد الأعضاء من أن استهلاك الوقود يعتبر فوق المتوسط وأن هذا قد يرجع إلى الوزن الكبير للسيارة والذي يتخطى الـ 1600 كيلوجرام.
رابعًا: من كثرة قراءاتي في الفترة الماضية خرجت بانطباع (ربما هذا ما يتميز به الشعب المصري وغيره من الشعوب)، وهو الاستعداد لتصديق كل ما يقال، سواء أكان حقيقية أم غير ذلك. وأظن أن هذا كان من سوء حظ الإنسيجنيا حيث كانت هناك مشكلة فعلية في بادئ الأمر، سرعان ما تداول الناس الكلام عنها مما أثر ذلك على سمعتها حتى بعد حل المشكلة منذ زمن؛ ولكن التصديق في البداية سهل وسريع، أما التراجع بعد ذلك ومحاولة محو الصورة الأولى من الذهن فصعب.
نفس الكلام يمكن تعميمه على السيارات ذات المحرك التوربيني، فبعد أن أثبتت بعض الشركات قدرتها على التغلب على مشكلة الوقود (بيجو 508 بعد عمل Re-map للمحرك كمثال)، لم يتراجع الكثير ممن أخذ الانطباع السلبي في بادئ الأمر عن استثناء المحركات التوربينية من حساباته حاضرًا ومستقبلًا بحجة أنها "لا تصلح لمصر"، وطبعًا هذا التعميم في جانب منه مجحف ولا شك.
وهذا مما جعلني أتابع تعليقات الأعضاء والملاك بموضوعية لأستخلص منها الحقائق الفعلية وأنحي جانبًا ما هو دون ذلك.
خامسًا: أنا لا أدافع عن الأوبل ولا أمتلك سيارة ألمانية أصلًا، ولكن أحاول أن يكون الحوار موضوعيًا لينقل صورة واقعية وعملية لكل من يريد الاختيار والشراء.
وعَودًا على الأسترا، فالشيء بالشيء يذكر؛ والسؤال لكما طالما أنكما من مالكي الأسترا، هل المشاكل التي فيها كانت في دفعات قديمة نسبيًا، وربما تم استدراكها في الدفعات الأحدث، على غرار ما حدث مع الإنسيجنيا؟ وإن كانت الإجابة بالنفي، فهل هي على الحقيقة مشاكل عامة تعتبر نتيجة عيوب صناعة أم مشاكل فردية؟
سادسًا: برغم الذي ذكره الأستاذ خالد عن الحساسات (السنسورات) في الأسترا، دعني أذكر لك بالمقابل تجربتين عندي؛
الأولى كانت مع هوندا MRV، وكان حساس الـ Airbag يضيء لمبة البيان في شاشة العداد بصورة متقطعة. المهم أنهم في التوكيل يبدو كان هناك توصيلة غير مثبتة جيدًا تم تصليحها ثم بعد فترة أضاءت اللمبة بصورة ثابتة ولم يستطع التوكيل معرفة العيب ولا حتى الجزم إن كانت الأكياس الهوائية جاهزة للعمل عند الطوارئ أم لا. فكان علي أن أقرر إما أن أدفع مبلغ كبير بالآلاف لإصلاح العطل أو أن أتغاضى عن ذلك وأستعملها ولا ألتفت. وبالفعل استعملت السيارة بعدها لسنوات واللمبة منورة ثم قمت ببيعها، والحمد لله أن لم يحدث معنا حادث خطير يستلزم فتح الأكياس الهوائية.
التجربة الثانية مع نيسان أرمادا، والتي بعد 3-4 سنوات من الاستعمال تلف فيها حساسات TPMS والتي تظهر قراءتها على الشاشة فكانت لا تعطي إلا شُرط (---) بدلًا من قراءة الضغط. وحيث أني كنت أعتمد كثيرًا على هذه الميزة نظرًا لشدة الحر في الخليج واحتمال زيادة الضغط داخل الإطار لارتفاع الحرارة، وأيضًا لأني كنت أعتمد عليه في السفر برًا لأداء العمرة. والنتيجة أني استغنيت عن النظام بالكامل لنفس السبب. ومثال آخر مضحك، وهو أن حساسات الركن (لا أذكر الأمامية أم الخلفية) كانت تصفر إذا كان هناك صوت آلة تنبيه عالية قريبة!!! وهذه لم تكن مشكلة على العموم.
المهم أن لا أحد يستطيع أن يعمم ويقول أن الهوندا أو النيسان سيارات سيئة لمجرد ذكر مثل هذه المشاكل، والتي ربما تكون قد تكررت مع غيري (وخاصة أني أتكلم عن سيارات غالية الثمن من هوندا ونيسان)
سابعًا: إذا تطرقنا للكلام عن التويوتا، فخذ تجربتي معها. فقد اشتريت تويوتا أوريون (6 سلندر) إنتاج سنة 2013 وفي خلال أيام كانت فتحة السقف قد حدث بها عطل نتيجة لأن الكاوتش المحيط بالفتحة قد تمزق وانحشر في مجرى الزجاج، فكان لا بد من جولة مع التوكيل، والذي اضطررت معه للانتظار لمدة شهرين حتى تتوفر قطع الغيار لأن السيارة من الشكل الجديد، وبمجرد أن تم التصليح بعت السيارة في نفس سنة الصنع وهي لم تسير أكثر من 15000 كم واستبدلتها بكيا كادنزا (أيضًا 6 سلندر)، وحدث ولا حرج عن الفرق بين السيارتين في أشياء كثيرة (الكادنزا تكسب). فهل أحد يقول أن التويوتا سيئة؟! على العكس، فأنا قد رشحت لصاحب الموضوع الكورولا عن الأسترا. أرجو أن أكون قد أوضحت الفكرة.
ثامنًا: خلاصة الأمر كله أنه لا توجد سيارة تخلو من عيوب، ولكن عندما نتكلم عن عيب شركة أو عيب منتج، فالأمر يحتاج إلى التدقيق أولًا، قبل أن نُجمع على ذلك، فالموضوعية ومن ثم الدقة في تلقي الخبر حتما ستكون في مصلحة الجميع، وإلا ينصرفون عن اختيارات ربما تكون هي الأفضل إلا أنها حالت بينها وبين الأعضاء كلمات مثل: "سمعنا" و "يقولون" أو مشاكل فردية ولكن تداولها القراء على أنها عامة.
تاسعًا: وفي النهاية، فأفضل سيارة بالنسبة لمالكها هي التي يشعر أنه سعيد بها ولا ينظر لما عند غيره، ولو كانت كما يقولون "حمارتك العرجاء"، فاللهم ارزقنا القناعة.
آسف على الإطالة، وأرجو أن تتسع صدورنا للنقاش والخروج بالفوائد منه، ولكما مني كل الود. ووفقنا جميعًا لما فيه الخير.
طيب الحمد لله K.Ossama ولو في جديد بلغنا ولو حبين تجمعم نفسكم واجي معاكم التوكيل اخوكم موجود خالص تحياتي
الاخ المحترم احمد محمد تجربه رائعه يا رب الكل يستفيد منها وفعلا الراحه النفسيه مهم جدا وهي اللي بتدي السعاده الحقيقيه بالعربيه وربنا يسترها على الجميع بالتوفيق
أشكرك على ردك اللطيف يا أخ خالد، وأؤمن على دعائك.
متفق مع كلام حضرتك تمامااقتباس:
المشاركة الأصلية كتبت بواسطة أحمد محمد
وأحب بس أوضح إن أستاذ خالد دياب ليس من ملاك الأسترا.
ربنا يخليك يا فندم.......اقتباس:
المشاركة الأصلية كتبت بواسطة خالد دياب
تم بالفعل مقابلة مسؤلين كبار من منصور. وتم نقاش مشاكل الإنسيجنيا بالذات لأنها كانت مشكلة موتور.
وفعلا موديل 2015 نزل بالموتور الجديد اللى غالبا حل المشكلة لأن نسبة الانضغاطه 9.5:1 فقط.
مشكلة الأسترا كانت بشكل رئيسى حساسيتها لنظافة البنزين، وغلو سعر تيل الفرامل وبيتغير كل 15-20 ألف وده يعتبر قليل. تم تخفيض سعره حاجة بسيطة ولكن لسة غالى. بس بقى موجود فى السوق كذا بديل جارى تجربتهم من الملاك.
شكرًا جزيلًا على هذه المعلومة المهمة. وبذلك يمكن التأكيد نهائيًا أن الإنسيجنيا تحديدًا أصبحت بلا مشاكل حقيقية مثلها في ذلك مثل البيجو 508. لأني طالما وضحت للقراء نفس الشيء ولكن قليل من يقتنع.اقتباس:
المشاركة الأصلية كتبت بواسطة k.ossama
يا جماعه العضو المحترم صاحب الموضوع بيقارن بين الاسترا و الكرولا ... الانسجنيا خارج مقارنته.
افضل شخصيا opel astra