مساعدة سريعة بخصوص ميجان 2005 هاتش باك

**muhammedessam** · 23-10-2014 02:23 AM

السلام عليكم انا الحقيقة ديما بدخل المنتدي عشان استفيد . لكن بعد ما قريت كتير اليومين اللي فاتوا لقيت الحل الوحيد اني اعمل موضوع واخد رأي الناس لاني عاوز اخد قرار بسرعة .
المهم معروض عليا عربية ميجان هاتش باك فرنساوي موديل 2005 راشة حزام محتاجة ماتور . التكيف شغال تمام حالة الصالون فوق الجيدة بالنسبة لعمر العربية معاها كارت واحد فقط الحالة العامة كويسة هوا لسة عامل العفة. هتحتاج كاوتش اتوماتيك انا طبعا عارف أبعد عن الشر وغنيلوا لكن المبلغ معايا مش كبير وﻻزم أجيب عربية اتوماتيك عشان عندي مشكلة في رجلي الشمال المانيول صعب جدا عليا . انا كلمت صبحي بتاع الهرم قالي الماتور الكويس من 7 الي 7.500 وقلتلوا حالتها قالي تمام . يا ريت نصيحتكم انا وصلت معاة الي 45000 الف نظرا اني هجيب ماتور وكاوتش . شكرا

**Super_Star_h** · 23-10-2014 05:33 AM

من بعد المصاريف العربيه هتدخل معاك فى 55 الف
اللى هيفرق هى الحاله
لازم تتأكد ان حالتها ممتازه ومافيهاش اي شغل تانى غير كده

**mfraig** · 23-10-2014 01:37 PM

اهم حاجه الكهربا تكون ممتازه ومش ملعوب فيها يعني لو محتاجه موتور لكن ماكانش لاعب في كهربتها ومبوظ الدنيا يبقى تشغير الموتور امر سهل ومع السعر ده هتبقى تمام اوي
بس خد بالك انها ماتكونش عاوزه فيتيس لان سعره في حدود 5000-5500
اكشف عالعربيه في مركز معتمد او توكيل عشان تتاكد ان باقي العربيه تمام

**medohai510** · 23-10-2014 08:08 PM

الله اكبر علي الردود فعلا وحوش الرينو في الخدمة 24 ساعة
اعتقد ان السعر مهاود شوية علشان محتاجة موتور
لو الفتيس وضفيرة الموتور والفتيس مفيش فيهم شغل والعفشه جديدة والشاسية مظبوط والداخل فابريقة والصالون فوق الممتاز كما وضحت
توكل علي الله

**muhammedessam** · 24-10-2014 02:01 AM

متشكر علي اهتمامكم والله انا خايف بس هجيب محمد صبحي اللي موجود في الهرم يكشف عليها . انا مش عاوز ها تفتح بحقها وتقرفني خصوصا إحساس سخيف انك تشتري عربية وتطلع ع الميكانيكي بس المهم نحط الماتور وربنا يبارك فية.

**Super_Star_h** · 24-10-2014 02:45 AM

المشاركة الأصلية كتبت بواسطة muhammedessam

متشكر علي اهتمامكم والله انا خايف بس هجيب محمد صبحي اللي موجود في الهرم يكشف عليها . انا مش عاوز ها تفتح بحقها وتقرفني خصوصا إحساس سخيف انك تشتري عربية وتطلع ع الميكانيكي بس المهم نحط الماتور وربنا يبارك فية.

خد بالك بس واكشف على العربيه كويس
والماتور انت ممكن تلاقيه ارخص من كده
انا كنت جايبه ب 5
ومتقلقش من موضوع تغير الماتور ده زيه زي اي قطعه غيار فى العربيه بتتشال ويتركب غيرها
هيشيل ويحط ويثبت القواعد ويوصل الفيش الكهربا وشكرآ
وهيكون معاك ماتور زي الجديد لسه ملحقش يكح وهتلاقى سحبه جميل ولسه بصحته

**muhammedessam** · 24-10-2014 03:21 AM

الف شكر وهبقا اقول أسعار الماتور والحجات اللي هشتريها

**Super_Star_h** · 24-10-2014 05:32 AM

المشاركة الأصلية كتبت بواسطة muhammedessam

الف شكر وهبقا اقول أسعار الماتور والحجات اللي هشتريها

ان شاء الله هتحتاج زيت ماتور تقعده 1000 كيلو او اكثر شويه وبعدين تنزله عشان المكن ده بيبقى مركون بقاله فتره
وهتحتاج سير تقسيمه ودينامو .. جداد
وهتشوف قاعدة الفتيس والماتور والشداد قبل ما تركب لو فيهم حاجه تعبانه غيرها بالمره عشان يبقى على نضافه سعرهم مش غالى كل واحد فيهم عامل 150 جنيه
وبوجيهات جديده سيبك من اللى موجودين فى الماتور دول
وربنا معاك

**mfraig** · 24-10-2014 03:32 PM

المشاركة الأصلية كتبت بواسطة muhammedessam

الف شكر وهبقا اقول أسعار الماتور والحجات اللي هشتريها

اكررهالك تاني
تغير الموتور امر سهل ماتخليهوش يشغلك دلوقتي
المهم حالة العربيه من فيتيس وكهربا وصالون وعفشه وصاج
وبعد ماتشتريها تبقى تشغل بالك بالموتور
وعلى فكره انك تغير الموتور بواحد انت جايبه بنفسك ده حاجه حلوه اوي لو ربنا وفقك في موتور ممتاز

**muhammedessam** · 27-10-2014 01:12 AM

متشكر جدا جدا . ربنا يجزيكم خير

الموضوع: مساعدة سريعة بخصوص ميجان 2005 هاتش باك

LinkBack

أدوات الموضوع

عرض

-

-

-

-

-

-

المواضيع المتشابهه

استفسار بخصوص الرينو كليو 2005 هاتش باك

مساعدة سريعة ارجوكم بخصوص فيرنا

مطلوب مساعدة فى شراء ميجان هاتش باك

مساعدة فى ميجان 2005

الكلمات الدلالية لهذا الموضوع

المفضلات

المفضلات

ضوابط المشاركة