عايز النصيحه عشان أشتريها ...

**Adham** · 09-09-2007 10:28 PM

يا جماعه احنا كنا جايبين موتور فوليميكس مسقطينة في 132 موديل 73 كانت بتعدي ال 200 كيلو برضة و محدش يطلع منها لا فيكترا ولا بي ام

الموتور الفوليومكس بيبقى فية سوبر تشارجر زي اللي بينزل في الجولف و الكروادي ال G60

ودة اصلا موتور ارجنتا بس صعب في تركيبة علشان الفتيس بتاعة كبير قوي و بيحتاج تعديل في ارضية السيارة ولازم يركب تمساحه في عصاية الفتيس علشان ترباس الفتيس بيبقى ورا قوي عن مكان العصاية يعني تقريبا في النص بين الكرسيين عند فرامل اليد :D

بس موتور فاجر و ابن جزمة

**Adham** · 09-09-2007 10:32 PM

على فكرة موضوع الصورة دة مش قضية اي حد ممكن يرفع العجلتين الوارنيين بتوع العربية الجر الخلفي على كوريك تمساحه و يحرق عالموتور حايجيب سرعات عالية جدا علشان مافيش حمل و لا احتكاك بالاسفلت عالعجل

انا ماصدقش ان حد سايق على 250 و حايبقى فية قلب يصور العداد و لا حتى اللي جنبة حايبقى بيترعش و مافيهوش قلب يشيل عينة عن الطريق :lol:

بس دة ما يمنعش اني متأكد ان ال 132 بموتور فوليوميكس تجيب ال 250 انا عارف الموتور دة كويس

**ramyyousri** · 12-02-2008 11:57 PM

يا جماعه انا عارف العربيه دى كويس وكل الى قالو اوشى مظبوط مش بيافلم ولا حاجه ولو اوشى مجبش الصور بتاعتها انا اجبهلكو انا عارف هى بتركن فين وعارف صاحبها

**hazem_khidr** · 13-02-2008 04:10 AM

طب يا ريت تصورها لينا يا رامي و من جوه كمان و الموتور و تعرف تفاصيل عن الموتور دا و قطع غياره منين و بيتباع فين.
بليز ما تنساش :)

**Xpert** · 13-02-2008 02:27 PM

المشاركة الأصلية كتبت بواسطة oshy

صاحبها عامل حاجه فى الموتور أو نظام لحرق بيخلى العربيه تجيب سرعة 250 , مبتسخنش إلا عندما تزيد السرعه عن 160

ده عامل ايه ان شاء الله ؟ انت عارف 250 كم في الساعه دي يعني ايه ؟ انا مره وحيده جبت 225 بالعربيه (بي ام 3500 تيربو كنت لازق لزقه الكلاب في الكرسي .. و ابو الرعب بقي مفتح عينيك زي ما يكون اخر يوم في حياتك للامانه العربيه مان فيها اكتر .. بس انا اللي ماكنش فيا اكتر ! هوه العمر بعزقه ؟
نقطه كمان .. شفت شركه لوتس لما عدلت المكنه التوين كام اللي ركبوها في اللادا ؟ جابت كام هورس باور ؟ و برضه ماجابتش ال 250 كم/ساعه ..
الحاجه الوحيده اللي اقولك ممكن اصدق انه جاب بيها 250 كم/ساعه .. لو مسقط كروما تيربو و غير التيربو و عدل في المكنه كلها .. و ساعتها لو قفل العداد كام مره هايخسر المكنه ..
(الارقام اللي انت بتقولها دي انا ماشفتهاش غير في البي ام .. و المكن بيبقي اقل حاجه 2500 سيسي 24 صباب و العربيه مابيبقاش فيها مسمار مالوش لزمه و كرونه معينه و فتيس معين و شغل بالارقام (ماتشينج نمبرز) ..
ياريت حد يقولنا عامل ايه في المكنه ده ..

**ramyyousri** · 19-02-2008 02:55 AM

انا مش ناسى والله يا حازم انا لسه مقابل اوشى وقالى انه هيصورها ولو هو مصورهاش انا اصورها واعرفلك كل تفاصيلها انشالله

**MMIsmail** · 23-07-2008 11:31 PM

انا عارفها هى فعلا ملاكى الغربية وانا شوفتهاا فى اليكس بس هو عمل ايه فى الماتور هى 2000 سىسى وبعدين تقطيع الساج مش حابه فى عربية واقولك على حاجة احسن بسعر ده اشترى عربية احسن هات هوندا اكورد هات يا اخى سيفيك القديم يعنى فى بديل كتييير

**mohamed ibiza** · 23-07-2008 11:49 PM

فين الصور :)

**zalantaheee** · 20-05-2009 06:49 PM

yasser el deeb law geh hna hayetfash5ar 3al a5er ya ramy enta w oshyy :D:D:D wel sound da may3adeesh ya man el 5.000 bolbol da law merakeb bazookteen w 4 GM w 12 sama3a fel 3rbya w cassete bi 3,000 bolbol brdo msh hygeeb el kalam da :D:D:D w tab3an kolo fesaaa w kalam fadi bs hya el car mafehash kalam bs el saloon taqleedy fash5555 wel 3arabya 3ayza tetrash rasha mo7tarama tebayenha awiiiiiiiiiiii

**n8os** · 22-05-2009 06:52 AM

انا من رايي لوانت غاوي الكلام ده اركبها هو الواحد هيفضل طول عمره يركب عربيات متظبطه اهي فتره وهتعدي ( بس انا من راي بدل ماتدفع ال27 في 132 تركب حاجه زي الكورسا وظبط برحتك