زيادة عن 1000 موتوسيكل بجاج موقوف ترخيصهم بسبب جواب المصنع المحلى

السلام عليكم شباب المنتدى
نصيحة من اخوكم محدش يشترى موتوسيكل بجاج دلوأتي خالص إلا لما موضوع ترخبص البجاج يخلص
انا واقع في مشكلة علشان جبت موتوسيكل بجاج بوكسر وبقالي شهرين مش عارف ارخصه برغم اني معايا جواب الشركة من غبور الله يلعن دي شركة.. والسبب اني بعد ما استلمت جميع اوراقي رحت علشان اختم الجواب اللى معايا من مرور بين السرايات كان ردهم ان فيه جواب الصانع المحلى لسه لم يتم الموافقه عليه ولم يأتي للمرور وبقالى على الحال ده شهر ونصف ومافيش غير رد واحد من المعرض اللى بايعلى يقولى كمان اسبوع..او بكره او بعده وعلى الحال ده لدرجه اني كلمت مندوب شركة غبور وقلت له انى هعمل محضر في معرض المدينة المنورة بصفته البايع والموزع ومحضر في الشركه بصفتها المصنعه والمشكله دي واقع فيها كل اللى اشترى البجاج اللى ابتدى تجميعه هنا من ساعة ما اغلقوا استيراد الموتوسيكلات ياريت ياجماعة اللى عنده نفس المشكله يشارك في الموضوع علشان لو فيه اجراء قانوني نتخذه ...
والله المستعان

فعلا انا سمعت عن المشكلة دي

يا أخى أنا كان عندى نفس المشكله مع بجاج 200 وكان فى بدايه الفترة اللى أتمنع فيها الآستيراد شهر 3 و 4 اللى فات بسبب الآوراق لسه مركونه فى المرور الدراسه أو مدينه نصر لحين الموافقه وشكلهم كانوا تأجيل متعمد لتخفيف الضغط على الشوارع وكمان كان علشان حوادث الموتسيكلات . هما بيفتحوا الموافقات ويغلقوها بمزاجهم كل فترة شكلهم كدة .

الموضوع بتاعى خلص بفضل الله بعد شهرين الموافقه وصلت لبين السريات هو الموضوع بيكون نصيب و تابع و أصبر . بس يا ريت تطمنا وتعرفنا بعد ما الموافقه توصل المرور . الموضوع موضوع وقت وعايز صبر أيوب .

انا اشتريت يوم 18/10 وقالى شهر ونص بس العامل اللى جوه بيقولى اقل من كده هو من اسبوعين الى ثﻻثه
انت كده قلقتنى دانا محتاجه جدا

بص يا باشا انا ورقي كله كان كامل مكمل بعد 13 يوم من الشراء وبرغم كده بقالى شهرين ومش عارف ارخص
الموضوع اكبر من الورق اللى معااااك ومعايا ومع الاف الموتسكلات البجاج اللى اتباعت مؤخرا وهو خطاب الموافقة ان الشركة صانع محلى وهما في المرور مش عايزين يعتمده الجواب ده ولو الجواب ده موصلش بين السرايات مفيش حد بأي حال من الاحوال يقدر يرخص وقيس على كده الاف الموتوسيكلات البجاج فقط اللى من شركة غبور فقط اما الصينى مفيش اي مشاكل في ترخيصه

امبارح كلمنى معرض المدينة المنورة وقالى الجواب وصل وتقدر ترخص

اقتباس:

---

المشاركة الأصلية كتبت بواسطة khaled_2011

امبارح كلمنى معرض المدينة المنورة وقالى الجواب وصل وتقدر ترخص

---

نقول تاااانى انا اجواب خالص ومستلمه من معرض المدينة 13/9 يس لللسف المشكله لما تروح مرور بين السرايات مش هيتختم الا لو هما حلو المشكله مع الشركة والاعتمادات اشتغلت
انا واخد منهم ميعاد انى اروح يوم الاثنين اختم الجواب ولو مختمتش الجواب هطلع عليهم وربنا المستعان

السلام عليكم
وانا كمان عندى نفس المشكلة
اشتريت موتوسيكل بوكسر من يوم
22/9/2014
ومش عارف ارخص كل ماروح المرور
يقولولى لسه الاعتماد ماجاش
وياريت لو فى جديد تقولو

احمد سليمان 01009857874

اقتباس:

---

المشاركة الأصلية كتبت بواسطة ahmed.solimn77

السلام عليكم
وانا كمان عندى نفس المشكلة
اشتريت موتوسيكل بوكسر من يوم
22/9/2014
ومش عارف ارخص كل ماروح المرور
يقولولى لسه الاعتماد ماجاش
وياريت لو فى جديد تقولو

احمد سليمان 01009857874

---

اخر مرة رحت المرور امتى وانت شاري المتوسيكل من اي معرض
على كلام المعرض اللى انا شاري منه ان اخر كلام اروح بكرة الاثنين اختم الجواب وارخص بعد كده في المرور بتاعي

الحمد لله بعد عذاااااب تم ترخيص الموتوسيكل بصراحة انا كنت ظالم شركة غبور ولكن الشكر كل الشكر للاستاذ رامي شكري قسم مشتريات بغبور لمساعدتى في انهاء ما تم تعقيده من اوراق في المرور بصراحة الراجل متأخرش عليا فيما طلبته منه بخصوص استخراج خطاب شهادة المنشأ اللى المرور اتلكك عليه
عموما انا بداية توجهت لمرور بين السرايات لختم الخطاب اللى المفروض اروح ارخص بيه..
بعد ما ختمت الخطاب الضابط الله يكرمة في مرور بين السرايات قال لنا اللى ممعهوش صورة من الكتاب الدوري اللى هي ارقام الشاسيهات المجمعة لازم يروح للشركة يجيب صورة منه بالفعل توجهت للشركة في اكتوبر الكيلو 28 طريق مصر اسكندرية وجبت صورة
بعد كده توجها للمرور بتاعى العقيم طبعااا معظمهم عالم سفلة وطبقة واطية جداا وبيعاملوا الناس بطريقة وسخة وغير ادمية حتى رئيس الوحدة اللى كنت فاكره ظابط محترم علشان رتبة ومتعلم لاقيته اوسخ منهم المهم جبت دوسيه فحص وخشيت على مهىدس الفحص وفحصت الموتوسيكل وعند تقديم الملف للشباك علشان اراجع نتيجه الفحص وقفت الاجراءات علشان صورة الكتاب الدوري دي لم يتم توزيعها على وحدات المرور لي الجمهورية طيب الحل ايه.... الحل اني اطلع على الشركة علشان اجيب خطاب شهادة منشأ ..... اااااااااااه يحكومة بنت تييييييت الواحد يمشي سليم يعقدولوا الإجراءات... طبعا رحت مرة اخرى للشركة علشان جواب شهادة المنشأ ده وعشان كده انا فعلاا بأشكر استاذ رامي شكري علشان هو اللى كلم المسؤولين عنده بالشركة وهو شخصيااا ؤللى كتب لى الجوااب ونسقه وهوووب اطبع اختم بختم غبوور... اخيرااا استلمت الجواب شهادة المنشأ بعدها توجهت للمرور بتاعي ورتهم الجواب قامو مدخليني في دائر اخرى وهي فييييين شهادة البيانات.... بيانات مين يا عم الحاااج ده انتاج محلي... قام الموظف بص على الورق تااااني قااال صحيح انتاج محلى طيب كده تمام .... تمام قمت دافع ضريبة سنة 147 جنيه وهناك في المرور مفيش مكان للكسر عندهم بياخدو ال150 من غير كلام اتاوة ودفعت تأمين اجباري 73 جنيه عشان اول مرة ترخيص المبالغ دي خاصة بترخيص سنة واحدة فقط
بعد كده اديت للموظف اصل التامين الجباري والضريبة وقمت مستني الرخصة والنمر.
الحمد لله ربنا فرجهاااا واستلمت النمر والرخصة
قلت لنفسي ياواد بص على بيانات الرخصة وشوف لو فيها حاجه غلط
وبالفعل سبحااان الله اتفاجأ بأن رقم الموتور غلط اصل الموظفة كتبت رقم فاتورة الشراء بدلا من رقم الموتور وفي ثواني جريت دخلت على وحدة الحاسب وقلت لهم وصححوا الغلط على الحاسب وعلى الرخصة
روحت البيت وانا هطيييير من الفرحة
عموما بناشد كل شاب مقبل على شراء موتوسيكل بلااش علشااان احنا في دولة روتيييييين بحت وجهل متشعب داخل الوظائف الخدمية ده غير انك تبقى صح 100% وكمان لازم تغمس ايدك برشوة علشان متقعدش 5 ايام ترخص موتوسيكل
معلش طولت عليكم بس اكيد الموضوع هيفيدكم جدااا علشان متروحوش وتيجوا كذا مرة

اقتباس:

---

المشاركة الأصلية كتبت بواسطة asaeed

اخر مرة رحت المرور امتى وانت شاري المتوسيكل من اي معرض
على كلام المعرض اللى انا شاري منه ان اخر كلام اروح بكرة الاثنين اختم الجواب وارخص بعد كده في المرور بتاعي

---

اخر مره رحت المرور يوم الاحد
وشارى من معرض اولاد ابو طالب فى بولاق

اقتباس:

---

المشاركة الأصلية كتبت بواسطة ahmed.solimn77

اخر مره رحت المرور يوم الاحد
وشارى من معرض اولاد ابو طالب فى بولاق

---

قصدك اللى فى ناهيا البلد ولا عملوا فرع جديد فى بولاق . ولو تكرمت فين فى بولاق لو سمحت .

وفى حاجه مهمه تانى . أنت خلصت ولا لسه ما رخصتش .

وكمان هل فى بجاج بينزل هندى متجمع جاهز من الهند زى الآول ولا حصل تغيير وأصبح يوصل مصر قطع غيار ولا يوجد جاهز جديد من الخارج .

أم يوجد أختيارات تشترى اللى يعجبك تجميع محلى أكيد أرخص . لكن من المفروض يكون كمان المكن الجديد المستورد يكون موجود وكل واحد براحته .

يا ريت الآجابه عن جميع الآستفسارات ولكم جزيل الشكر

اقتباس:

---

المشاركة الأصلية كتبت بواسطة abdm

قصدك اللى فى ناهيا البلد ولا عملوا فرع جديد فى بولاق . ولو تكرمت فين فى بولاق لو سمحت .

وفى حاجه مهمه تانى . أنت خلصت ولا لسه ما رخصتش .

وكمان هل فى بجاج بينزل هندى متجمع جاهز من الهند زى الآول ولا حصل تغيير وأصبح يوصل مصر قطع غيار ولا يوجد جاهز جديد من الخارج .

أم يوجد أختيارات تشترى اللى يعجبك تجميع محلى أكيد أرخص . لكن من المفروض يكون كمان المكن الجديد المستورد يكون موجود وكل واحد براحته .

يا ريت الآجابه عن جميع الآستفسارات ولكم جزيل الشكر

---

خلاااص تم منع استيراد المكن. ولا يوجد اي موتوسيكل مستورد سواء صيني او هندي الا بقى لو لقيت في معرض حته كده مركونة من 2013.. هو بيجي عبارة عن موتور وشاسيه وباقي قطع الغيار ويتجمع في المصانع المنشسأه حديثا هنا بعد قرار اغلاق الاستيراد

طيب يعنى اللى افهمه كده ان موضوع جواب الصانع المحلى ده خلص والناس اللى جايبه جديد بقت ترخص من غير مشاكل ولا لسه نفس المشكله ولا ايه النظام ؟

الناس دلوأتي بترخص من غير اي مشاكل والدنيا مشيت والاوراق كلها اكتملت بين الشركة والادارة العامة للمرور

طيب سؤالين لو تكرمتم :

بالنسبه لقطع الغيار بتاعت الموتوسيكلات البجاج هل هتنزل من الهند ولا تم أيقاف أستيراد قطع الغيار .؟

وهل سيتم أستيراد جميع متوسيكلات بجاج مفككه وسيتم تجميعها فى مصر ولا لن يكون هناك متسيكلات بجاج للبيع مرة أخرى ؟

ولكم جزيل الشكر

الف مبروك على الترخيص انا ختمت الجواب من بين السرايات نستنى الكتاب الدورى المعرض قالى يومين وعدى تﻻقيه يامسهل

انا لسه مستني الكتاب الدورى ولم ارخص حتى اﻻن اعمل ايه افيدونى انا شاري فى شهر اكتوبر

اقتباس:

---

المشاركة الأصلية كتبت بواسطة khaled_2011

انا لسه مستني الكتاب الدورى ولم ارخص حتى اﻻن اعمل ايه افيدونى انا شاري فى شهر اكتوبر

---

متقلقش الكتاب الدوري عادتًا بيتأخر شوية في المرور... هي دي مصر وروتينها الزفت

الحمدلله استلمت امبارح الخميس الكتاب الدوري ورايح بكره ارخص ان شاءالله

اقتباس:

---

المشاركة الأصلية كتبت بواسطة khaled_2011

الحمدلله استلمت امبارح الخميس الكتاب الدوري ورايح بكره ارخص ان شاءالله

---

ابقى طمنا عملت إيه في الترخيص ونصيحة مني رخص 3 سنين مش سنة لشان مترحش وتيجي كذا مرة

الحمد لله رخصت 3 سنين واخدت نمر جديده كمان
ورحت ربطها وشحمتها وغيرتلها زيت توتال 5000

تكلفة ترخيص 3 سنين عملت كام معاك؟؟؟؟

500 جنيه 3 سنين