محتاجه بنزينة فحص سيارات مستعمله

**yojeen** · 24-10-2014 10:27 PM

من فضلكوا عايزه بنزينة او مركز فحص كويس يفحص بشكل شامل لعربيه مستعمله فى اكتوبر او طريق الواحات قبل ما اخد قرار فى شراء سياره

**eng_amg** · 25-10-2014 12:17 AM

البنزينة الوحيدة المضمونة 100% في مدينة نصر بجانب ستاد المقاولين العرب.
اول طريق النصر.

اما لو المشوار بعيد فشوفي اي مركز صيانة يكشف علي العربية.
بالمناسبة العربية ايه؟

**yojeen** · 25-10-2014 12:36 AM

العربيه أفيو
وفى اكتوبر ومعتقدتش صاحبها هيوافق يجى المسافه دى كلها
بس ممكن عنوان واسم البنزينه اللى قولت عليها دى يمكن احتاجها ؟

**eng_amg** · 25-10-2014 12:45 AM

حضرتك مهم جدا مكان الكشف دا لان واحد صاحبي كشف علي عربية سيينا في بنزينة في فيصل وقالوا العربية تمام.
ولما اشتراها وبعد سنة حب يغسلها كيماوي فاكتشف لما شال فرش القوائم انها مقلوبة ومغيرة سقف. :)
بصراحة المشوار يستاهل لو حضرتك متعرفيش ورشة خبرة وثقة يكشفوا عليها.

اما عنوان البنزينة دي..
لو من كوبري 6 اكتوبر، انزلي منزل العروبة المؤدي لطريق النصر. اول متنزلي حتلاقيها علي اليمين عند محطة اوتوبيس جو باص.
او ممكن من طريق صلاح سالم. بعد القلعة وحديقة الازهر حتلاقي المقاولون العرب علي اليمين، بعدها مباشرتا البنزينة.