السلام عليكم
سؤال يا جماعة....هل لازم أعمل صيانة الـ10الف في التوكيل عشان الضمان يفضل ساري؟؟
بصراحة موضوع 220جم على شوية تربيط عفشة وتنظيف أنا شايفه كتير ومبالغ فيه والموضوع مش مستاهل كل المبلغ ده!!
ولا إنتوا إيه رأيكم؟؟:dunno:
عرض للطباعة
السلام عليكم
سؤال يا جماعة....هل لازم أعمل صيانة الـ10الف في التوكيل عشان الضمان يفضل ساري؟؟
بصراحة موضوع 220جم على شوية تربيط عفشة وتنظيف أنا شايفه كتير ومبالغ فيه والموضوع مش مستاهل كل المبلغ ده!!
ولا إنتوا إيه رأيكم؟؟:dunno:
لا مفيش مشكلة يا عمرو
غير الزيت وفلتره ونظف فلتر الهواء بالهواء من اي بنزينه وربط العفشة
وممفيش اي مشكلة تانيه
توكل على الله
طيب حلو قوي
يبقى كده انت مش محتاج غير تربيط عفشه بس
توكل على الله
wmomkn te3mel tyre rotation :)
عربيتك زي عربيتي بالظبط يا عمرو
انا كمان معملتش صيانة الـ 10 آلاف وباغير موبيل
وكنت مغير في صيانة الخمسة آلاف
معرفتش أجيب معاد مناسب ولما جه المعاد اللي كانوا مدينهولي كنت عامل ألفين كيلو متر زيادة
فعملت الروتيشن في برديجستون
انا لسة دلوقتي حالاً واخد معاد يوم 15 نوفمبر
وقالولي ان غلط جداً اني معملتش صيانة العشرة وانهم هايعملولي الصيانتين مع بعض (!!!)
لان صيانة العشرة فيها حاجة مهمة على حد قولهم وهي فحص فرامل العربية وصيانتها
وكان واضح من كلامهم الاندهاش إن العربية مفيهاش مشاكل عندي بالرغم من اني معملتش صيانة العشرة
مش عارف حسد ده ولا ايه :)
ماشاء الله لا قوة الا بالله :)))
أهم حاجة
الله يكرمك احجز بدرييييي
انا كنت باتصل قبلها شهر ومش عارف ألاقي معاد
المفروض الواحد يتصل بخدمة العملاء بعد كدة يحجز صيانتين مع بعض
وللأسف لا زال مسلسل تخبط مركز خدمة العملاء زي ما هو
عمرو
اللي اتقال لي اني هادفع صيانة الخمستاشر بالإضافة إلى تكاليف صيانة الفرامل اللي كان المفروض تتعمل في صيانة العشرتلاف وإجمالي اللي هايتدفع 510 جنيه شامل تغيير زيت موبيل وان
boss ya basha
ana maro7tsh elsyana bta3et el3arabya fi el10 wro7t fi elma3ad elli edoholy kont 3amel 16 alf ta2reeban
falmohandes Maged bsara7a 2ally ana hada5lhalak syanet 10 + ta3'yeer zeet 3ashaan ashmall lkol 7aga war5ass
fa enta te3mel a ba2a
te7gz syana 3ala elma3ad elli enta hate7tag te3'ayar feeh elzeeet wlama teroo7 hatkoon 3amel 15 alf kiloo ted5ol 3ala enaha syanet 10000 + ta3'yeeer elzeeet
thanyan tenzel teroo7 markaz bta3 fit & fix dah te3ml elrotation bta3 el3agal + terabat el3afsha wtnadaf filter elhawa wkeda yeb2a elmawdoo3 100%
وعلى كدة بقى صيانة الـ20 بكام؟؟....وإيه بضبط الي هايتغير؟؟
يعني المطلوب مني أدفع كل 5الف كيلو مش أقل من 220جم ده غير قطع الغيار والزيت
elsyana elli fatet ana dafa3t feeeha 506 L.E dah shamel taman elzeet welfilter welsyana bta3et el 10000 elli hya fe3lyan belnesbally ana kanet syanet el15000
elmohem en enta keda hatwafar 3ala nafsak elsyana bta3et el10
belnesba lsyanet el20000 2alooly eny hadfa3 660 L.E ta2reeban ana harooo7 15-11 isA
elmohem lamma aroo7 isA hagy a2oloko 3ala elli et3amal bezabt
ok
alijandroo basha momkn neroo7 sawa elsyana ana m3aady bardoo 15-11
bas elsa3a 1 eldohr enta ma3adak elsa3a kaam ?
انا برضه ماعملتش صيانة ال 10 الاف كيلو ....وماربطتش العفشة برة وماعملتش روتاشن للعجل ..........
وموضوع الكشف عن الفرامل ده جديد ماحدش من اللى عمل صيانة ال10 الاف اتكلم عليه
عمرو باشا اتفضل: تفاصيل صيانة ال 10 الاف
انا شايف اهم حاجة فيها هى الفرامل لأنهم بينضفوا التيل الامامى و الديسكات’ + تنضيف الخلفى و رجلشته
غير كده rotation الخاص بالعجل و تربيط العفشة ممكن تعمله بره
و فعلا حاول تحجز بدرى الميعاد المتوقع للصيانة, لأن الموضوع بياخد حاليا حوالى 6 اسابيع علشان تلاقى ميعاد
الله يخليك يا عمرو متقلبش علينا المواجع أحسن انا مرارتي مفقوعة من الأسعار دي
askoda
للأسف أنا معادي 9.30 صباحاً
كان نفسي أتشرف بمعرفتك بس معلش بقى تتعوض في المقابلة الجاية ان شاء الله
انت متأكد من معلومة ان صيانة العشرين ألف بتتكلف أكتر من 600 جنيه؟
ده رقم مبالغ فيه جداً جداً
يعني متوسط مصروفات صيانة العربية في الشهر لواحد بيعمل 3000 كيلو من 300 إلى 350 جنيه؟
كتير جداً
صيانة العشرين الف فيها فلتر هواء
انت حسيبها ازاي يا علياقتباس:
يعني متوسط مصروفات صيانة العربية في الشهر لواحد بيعمل 3000 كيلو من 300 إلى 350 جنيه؟
كتير جداً
المفروض ان الصيانات الأساسية كل عشرة او عشرين الف
يا على صيانة ال 20 الف تتكلف حوالى440 جنيه
اللى انا فكره 260 جنيه مصنعية و 140 تقريبا فلتر الهواء
ال 600+ ده اللى قالوه ل askoda على اساس انه هيغير زيت اللى بيتغير كل 5الاف كم+فلتر زيت
3ala fekra ana ma3andeesh ta3'yeer zeet la2eny ba7ot mobile 1 wlesa m3'ayaro fi syanet el 15000
Thanks bgad
bas ana msh mota5ayel elas3aaar di
thanyan lama geet ashtery el3arabya 2oltelhom elfilter dah 3'aly keda ezay ya3ny 2alooly asl dah msh byt3'ayar 3'eer ba3d 100000 KM 2alooly ma3ana wa7da bta3et elsherka 3amla 140000 wlsa mat3'ayrlhaash filter
hoa ana 3'altaaan
keda elmasareef bta3et el3arabya keteeeeer
يا جماعة ممكن نتكلم عربي او انجليزي لكن ليه نتكلم هندي
يعنى المفروض تكون أسعار الصيانة شاملة الزيوت كام ؟
5000 كم ----------؟؟؟؟
10000كم --------- ؟؟؟؟؟
15000 كم --------- ؟؟؟
20000 كم --------- ؟؟؟
بالنسبة لي أنا بحط زيت Mobil1 ....يعني أول مرة كان في الـ5000 كم:
5000كم----------380جم ( تغير زيت + فيلتر )
10000كم---------203جم ( نضافة وطربيط عافشة بالعافية:dunno:)
15000كم---------410جم ( تغير زيت + فيلتر ) ولو معملتش الـ10 هايدفعك 100جم زيادة!!!:dunno:
20000كم---------422جم ( تغير فلتر هواء + قطعة غيار جديدة في السوق إسمها عمالة وتمنها لوحده 262جم!!!! )
يعني هو عايز يدفعك كل 5الاف كم......
ماهو ده للأسف اللي انا قلته
بس يمكن الحسبة طلعت مني آوت شوية
انا شايفه كتير
ولو هانقول مش كتير على العربية او على التوكيل أو ما شابه
كفاية إني للأسف اقول كتير عليا :(
مش باقارنها بأي عربية تانية
خصوصاً إني واحد من اللي بيعدوا الـ 3 آلاف كم في الشهر
كدة العربية مضروفاتها الشهرية بالبنزين بتوصل لحوالي 600 جنيه تقريباً
البوجيهات بـ 400 جم !!! :shocked4:
إنت متأكد من السعر دا يا عمرو
طب البوجيهات إلل بـ 400 جم بتتغير كل 20 الف زى اى عربية و لا لأ
و لو بتتغير كل 20 الف يبقى طبعا مش داخلة فى قيمة صيانة الـ 20 الف
يعنى كده تكلفة الـ 3000 كم = 272.25 جم !! :eek:
بصراحة اسعار مبالغ فيها :k17:
ربنا يعينك يا أبو حمزة
انا لي رأي في موضوع إن التوكيل بيجبرك علي الصيانات و يدفعك 100 جنيه زيادة في اللي بعدها لو معملتهاش و الموضوع ده .. إن التوكيل مديك ضمان علي العربية 100 ألف كيلو و أي حاجة بتبوظ بتكلفه هو .. و ده يعتبر ضمان كبير نسبياَ بالنسبة للسوق المصري اللي فيه عربيات ضمانها 40 ألف و 60 ألف .. فا التوكيل من حقه يخاف علي حالة العربية مع المستخدم عشان مش كل شوية واحد يجيله ولا عمل صيانات ولا أي حاجة و شنش العربية خالص و يقولهم صلحهوهالي العربية في الضمان ! في طالما التوكيل ملتزم بتغيير أي حاجة في العربية في فترة الضمان و ده حقنا .. فا حقه برضه إنه يطمن علي حالة السيارة و يضمن إنها بيتعملها الصيانات الدورية اللي تحافظ علي حالتها أطول وقت ممكن .. خاصة إن فيه ناس مبتعملش أي حاجة في العربية غير الزيت و الفلتر و يفضلوا كدة ميروحوش لميكانيكي ولا عفشجي ولا توكيل إلا أما يحصل عطل already .
المشكلة بالنسبة لي إن بعض الصيانات أسعارها مبالغ فيها بالنسبة للي بيتعمل فيها .. زي صيانة العشرة مثلاَ .
فعلاً يا محمود ده صحيح ودي نفس وجهة نظري....بس موضوع العمالة ده شىء مستفز جداً يعني ياخد مني 200 جم عشان تنظيف تيل وعمل Rotation للعجل!!!!......والفكرة إني أنا كده وكده هعملهم بس مش عنده لان الموضوع ده كله مايتكلفشي 20-30 ج عند أي مركز.....وبعدين سؤال: هل هو بيدي ضمان على الطنابير؟؟
أنا من النوع المحافظ جداً ويهمني أعمل الصيانة في مواعيدها....بس الأرقام دي مبالغ فيها أوي
أنا مش معترض على أسعار بعض قطع الغيار.....بس 400جم تمن بوجيهات بتغيرها...ده شىء غير مقبول!!!
أبو عبدالله إنت قولت إن إنت هاتغير البوجيهات.....كام سعرهم يا باشا؟؟
أنا هاراجع الكتيب وأشوف البوجيهات مفروض تتغير كل كام كيلو
الله المستعان
انا حبيت اصلح معلومة صغيرة:
تمن البوجيهات: 104 جنيه للطقم كاملا, يتم تغيره كل 40 الف كم
السعر غير شامل 10% ضريبة مبيعات و مصاريف التركيب
ده طقم البوجيهات الايريديوم اللى بيتغير كل 100 الف كم هو اللى ب 400 جنيه
طب سؤال
البوجيهات اللي نازلة بيها العربية
هي الاستاندرد ولا الإيريديوم؟