حيره كبيره .. أغير العربية أصلا ولا لا ؟؟؟

**denjouan83** · 25-10-2014 01:16 PM

معلش يا جماعه الحيره دي أصلا أغير عربيه وهل ده وقت مناسب للعربيه عشان تنباع بسعر مناسب قبل ما تبتدئ تقل ولا لا أستني حبه أحسن ...
باختصار أنا معايا لانسر ٢٠٠٨ كلاسيك وكيل ،، أوتوماتيك ١٦٠٠ ،، عتب و نيكل بره و جوه ،، فتيس و تاره و فرامل يد جلد طبيعي ،، صيانتها وكيل ،، عداد ٣٦٠٠٠ كم ،، عشان أنا في أقاليم و يستخدمها يومين في الأسبوع ،، للعربيه فيها حبه خرابيش من الأطفال ألي تمشي تجرح و كده ،،
العربيه دي سوقها رافع دلوقتي ...
ناس زميلي بيقولوا ده وقت بيع مؤسس تزود حبه و تركي زيرو تأني ( شارك - رابيد - ياريس )
و نا بفكر اتقل لحد أسترا او كورولا او a7 انشاء الله
و ناس تأني تقولي بوس أيدك وش وضهر لانسر عربيه مش هاتلاقي زوجها تأني و مدام مكفياك خلاص ،،
ارجوا مكنش طولت :)

**shiko85** · 25-10-2014 02:36 PM

يعنى حضرتك هتبيع العربيه و تدفع فرق و تشترى جديده و تركنها تانى ؟؟!!
سؤال هل حضرتك عندك مشكله فالعربيه حاليا او محتاج تغيرها لأى سبب ؟؟
لو مفيش اى مشكله او اى زياده من التغيير يبقى الأفضل حضرتك تحتفظ بالعربيه

**J A G U A R** · 25-10-2014 02:48 PM

لو مريحاك متغيرش

ولو هاتجيب زيرو وتركنها فى مكان وتكون معرضه للخربشه وكده يبقى بلاش خالص علشان متحرقش دمك يا اما تتركن فى جراج .. مجرد رأي .

**Yehya Badr** · 25-10-2014 03:04 PM

رأيى المتواضع لا للبيع طالما أن العربية عدد الكليومترات قليلة و العربية لا يوجد بها مشاكل و موديل منشر و قطع غياره متوافرة. هذة المواصفات قلما تجدينها في أى سيارة زيرو لأن للأسف التوكيلات الأن بتبالغ في قيمة العربيات و تقتصد في توفير قطع الغيار

**J A G U A R** · 25-10-2014 03:08 PM

المشاركة الأصلية كتبت بواسطة denjouan83

أنا لو عايز أغير هايبقي عشان لو ده أفضل وقت أبيع فيه لان العربيه لسه بحالتها و ممكن بعد كده معرفة أبيع بيعه مؤسسه + أجيب جديد سواء ياريس و رابيد و شارك او أستني شويه وشوف أسترا و كورولا و a7 ...

البومه عربيه سوق ومطلوبه وماسكه سعر على طول
فى اى وقت تتباع بيعه كويسه ان شاء الله

**denjouan83** · 25-10-2014 08:57 PM

المشاركة الأصلية كتبت بواسطة land_cruiser

طالما العربيه كويسه مع حضرتك و مفيش مشكله فيها يبقي الافضل ما تغيرهاش و خاصه انك مش بتستخدمها كتير يعني عداد الكيلومتر مش هيزيد بسرعه و كمان ان العربيه دي مطلوبه و بيعها سهل قوي و لذلك ممكن حضرتك تركبها و تشيل فلوس الجديده علي جنب او تستثمره مثلا في حاجه تجيب دخل تزوده علي الفلوس اللي معاك و تبقي تغير الي عربيه جديده مع اول ظهور لمشاكل في عربيتك الحاليه و حتي ساعتها هتجيب موديل سنه اعلي و الفلوس هتبقي متوفره معاك وممكن حتي يبقي معاك فلوس اكتر تجيب به حاجه اعلي من اللي بتخطط له حاليا و مش هتبقي خسرت حاجه

اعتقد حضرتك جبت المفيد :)