ساعدوني يأهل الاسكندرية

**toha** · 25-10-2014 10:02 PM

ممكن تساعدوني معلش كنت عاوز اشتري شقة مصيفية سكنية بالعجمي ...معروض على شقة بشغارع عين شمس بالبيطاش 90 م ب 110 الف .ايه رأيك في الشارع ده هو الى ولا ش العياده ؟؟؟وهل الشوارع دي راقية ولا شعبيةوهي في بلطجة هناك وناس وحشة ولا ايه ؟؟؟
انا مش من الاسكندرية معلش تاعبكم معايا .

**هيثم مجدي** · 26-10-2014 01:18 AM

هو ممكن تفاصيل اكتر ؟ مساحة الشقة و الدور و هل مبنية قبل ولا بعد الثورة و التراخيص و العدادات ؟
و كمان فين في شارع عين شمس, اوله ولا اخره ؟

عموما شارع عين شمس تالت شارع من البيطاش الرئيسي. يعني بعيد عن البحر 2 كيلو .
شاررع البيطاش حيوي و فيه كل الخدمات. و المواصلات كتير لكن المشكلة الزحمة اللي تخليك تمشي للبحر اسرع من انك تركب احيانا.

ونصيحة عامة. في الشراء للعقارات لازم تنزل بنفسك و تشوف على الطبيعه. و انا هحاول اساعدك قد ما اقدر و على قد معرفتي.

**mmohamed15** · 26-10-2014 02:57 AM

عين شمس يعني كلمه واحده اهرووب يا ولد
شارع بيئه جدا
و اصلا العجمي بعد ما كان فيه اماكن شيك و اماكن وحشه بقي كل زباله
الشوارع اللي كانت كلها فيلات الفيلات فيها اتهدت و قلبت عمارات و دمرت حياه و خصوصيه اصحاب الفيلات اللي لسه مهدوهاش و بتخليهم يفكروا يقلدوا الباقي من قرف الناس اللي جت سكنت في العمارات و الدوشه و الزباله و غيره و غيره
شارع عين شمس اصلا ضايع و كله صياعه و قرف اكيد في ناس كويسه بس الشارع مش كويس
اصلا في رأيي اسكندريه كلها باظت و مبقاش فيها مكان يصلح للسكن كله بقي زحمه و البناء العشوائي في الشوارع الضيقه دمر المرافق و البنيه التحتيه و خلي في تجمعات سكانيه كبيره في مساحات صغيره
اسكندريه بقي حلها قصف من بتوع ايام الحرب العالميه التانيه يسويها بالارض و تتبني من جديد
لو عندك اصرار قوي ا نك تشتتري شقه في العجمي شوف بيانكي انظف شويه بس السعر هيبقي اعتقد فوق ال 250 الف

**tata2011** · 26-10-2014 03:37 AM

حضرتك انا من خارج اسكندرية برضه وعندى شقة فى اسكندرية وانا بعشق هذه المدينة
اولا انس انسى العجمى لانه بقى زحمة جدا وبيئة شوية ثانيا اسكندرية يعنى محطة الرمل والكورنيش وبحرى والمنتزه فانت بين العجمى وبين الاماكن دى سفر
حاول تشوف فى مكان تانى واسكندرية مليانة شقق كتيييير جدا

**ibrahim sallam** · 26-10-2014 03:59 AM

شهر العسل مكان كويس وهادي ومش يبعد كتير عن البحر

**أبو صلاح** · 26-10-2014 11:04 AM

ادخل بيانكي من شارع النفية واسال عن عمارات عبد المنعم جابر ودور في المنطقة دي هتلاقي اسعار قريبة جدا من اللي انت عايزه ودي عمارات على البحر مباشرة ومنطقة هادية جدا

**أبو صلاح** · 26-10-2014 11:21 AM

المشاركة الأصلية كتبت بواسطة أبو صلاح

ادخل بيانكي من شارع النفية واسال عن عمارات عبد المنعم جابر ودور في المنطقة دي هتلاقي اسعار قريبة جدا من اللي انت عايزه ودي عمارات على البحر مباشرة ومنطقة هادية جدا

اقصد شارع الحنفية

**TylerDurden** · 26-10-2014 11:59 AM

بلاش شهر العشل نصيحه

**ahmedwagdy03** · 26-10-2014 03:38 PM

مش حتلاقى شارع واحد تمشى فيه فى إسكندرية إما من أكوام القمامة ( الترام نفسه مش عارف يمشى من جبال الزبالة) أو من الإشغالات التى تتحدى المحافظ أو من كم العمارات المخالفة التى يتم بناءها لدرجة الناس من طمعها و جشعها ناقص تبنى فى نهر الطريق