1. نويت اغير الكاوتش لو هاخدها اجيب سي درايف ولا بريدجستون
البريدجستون الياباني gr90 حلو مافيش كلام لكن غالى الى بيحقق المعادلة الصعبة هو اليوكوهاما سي درايف كاوتش حلو و هو أحسن قيمة مقابل السعر و عموما اللوجان اللى أنت حتستلمها حتبقى من غير الباروم اى حاجة تانية أحتمال تنزل بكاوتش gt صيني بعض الأغضاء ذكروا هذا فما تقلقش من تغيير الكاوتش
2 . المرايات بتضم وتتفتح كهربه ولا عادي
المرايات كهربا لكن مش ضم عادى
3 . الصاج احسن من الفيرنا؟
مش كتير هو أحسن ألى حد ما لكن مش كتير
4 . العربيه حاسسها اوطي من الموديلات السابقه هل دا خداع بصري ولا حقيقه
لأ طبعا ده خداع بصرى ممكن تكون أوطى سم 2 لكن مش زى أي عربية ستظل هي الأعلى
5 . يعني ايه نظام آلي المؤازره قريتها في الفئه الاولي
يعنى باور ستيرينج هو عايز يقوللك أن حتى الفئة الأول منها فيها باور ستيرينج
6 . سخان الزجاج الخلفي موجود في كل الفئات
نعم
7 . مقلق من قصه السحب الضعيف وعمود الاتزان اللي مش موجود
عمود الأتزان موجود من الفئة الأولى أو التانية و السحب مسألة تتعلق بالسائق بمعنى في حد يقوللك أنا كده تمام وزى الفل و بعض الناس يقوللك لأ ياعم مش هوه ده السحب لكن هي 90 حصان و موفرة في البنزين
8 . الشابوره الخلفيه واللي هتجنني ازاي تبقي عربيه ماشيه منوره من ناحيه بس
مواصفات السلامة الأوربية
9 . الزجاج بيجي متفيم ولا عادي
عادى
10 مرشحات البنزين والمنظفات ليها لزمه
مالهاش أي ثلاثين لازمة ألا لو جبت نوع نضيف
11. العربيه بتيجي تيوبلس ولا كاوتش جواني
مافيش عربية بتنزل كاوتش جوانى من ييجى 15 سنة كده و يمكن أكتر
12 . تنجيد الفئه التانيه قماش ولا جلد
جميع الفئات مافيهاش جلد الفرق بيبقى في نوع خامة القماش
سامحوني علي الاطاله والرخامه
ياباشا لا فيها أطالة و لا رخامة أسأل على أي حاجة و أحنا تحت أمرك
بس ياريت جاوبوني علي كل النقاط
المفضلات