اهلا بيك يا استاذ هشام
و مبروك على العربية
هل حضرتك واجهت مشاكل فى العربية حتى الان؟
ايوه فيه عندي 3 مشاكل
1 - بسمع دايما اصوات تزييق من جميع الابواب اثناء المرور على المطبات الغير مستويه او المرور على شريط الترام او القطار يعنى لما العربيه تميل يمين وشمال ، الصوت ده زي مايكون صوت احتكاك كاويتش الباب في جسم السيارة او احتكاك الزجاج في الاطار الكاويتش المحيط به.
رحت التوكيل رشولي على الكاويتش مادة wd-40 اختفى الصوت مؤقتا لكن رجع ظهر تاني يوم ، رحت التوكيل تاني قالوا مافيش حاجة ممكن تتعمل تاني والصوت ده موجود في كل العربيات هههههه !!!!
2- بسمع صوت صفارة مستمرة طول مالموتور داير عامل زي صوت الطياره النفاثه كده ، وطبعا ماروحتش التوكيل لاني فقدت الثقة فيه بعد موضوع الابواب وتوقعت انه حايقولي ده صوت عادي!!!!!!!
3- بدا يظهر اليومين دول صوت طقطقه لما بلف الدركسيون يمين او شمال عامل زي صوت الكبالن البايظه كده بس مش متكرر يعني طقه واحده كده اول ماتجيب الدركسيون يمين او شمال، وطبعا العربيه بقالها 4 شهور فقط وماشيه 5000 كم فقط مش معقول تكون الكبالن ؟؟؟!!!
ياريت لو حد من الاعضاء يفيدني بخبرته
وشكرا للجميع
صوت التزييق اللى فى الباب الصراحة ماعرفوش و لكن لو كل حاجة شغالة ماتركزش معاه طالما كل حاجة شغالة تمام لكن لو ابتدى يقرفك قوى روح زعقلهم شوية يمكن يلموا نفسهم
صوت الصفارة اللى فى الموتور دى طلمبة مياة بايظة و ده عيب common فى الرابيد .... انا غيرتها فى التوكيل انا واحد صاحبى فى الضمان فرع القطامية بالقاهرة و بيتت عندهم و احجز و روح نكد على اللى جابوهم
الطقة اعتقد ماتلحقش تجيب كبالن يمكن كاوتشة ناشفة ولا حاجة
عامتا روح التوكيل انشالله تحجز فى القطامية و تسافر تقعدلك كام يوم تظبط كل حاجة
و ماتسيبهمش غير لما تجرب و يعملولك كل اللى انت عايزة علشان ده حقك
فعلا صوت التزييق اللي فى الابواب موجود ... بس موضوع طلمبة المياه دى الل غريبة جدا يعني ٥٠٠٠ كم وتضرب دى غريبة شويه .. طيب الحرارة مزاديتش معاك ولا في تسريب مياه او اى دلالة ان الطلمبة ضربت؟؟؟
السلام عليكم يا احلى رابطة
انا ظهرت عندى رسالة الصيانة انا دلوقتى اعمل اية يعنى احجز ازاى واية افضل فرع ممكن تروحة انا من الصعيد فكدة كدة هسافر القاهرة اهم احاجة عندى يكون فرع فاهم عشان اول مرة هتعامل مع توكيل وممكن لو رقم الفرع اكون شاكر جدا
رقم ارتوك اوتو 16616
سواء الرسالة ظهرت او ماظهرتش المهم تروح تعمل صيانة كل 7500كم
علشان الرسالة اوقات بتظهر على 10000 لكن انت المفروض تروح كل 7500كم حسب شروط ارتوك اوتو
انا بروح فرع القطامية بس غالبا المرة الجاية هجرب فرع تانى
ممكن حد يعرفني كماليات وتفاصيل ال الرابيد السبيس باك الفه التانيه والتالته واسعارهم لوسمحتم
ايه احسن فرع الواحد ممكن يعمل فيه الصيانة والتوكيل احسن ولا مراكز الخدمة والصيانة الصيانة الاولي تكلفتها كام وايه اللي بيحصل فيها