اسكترا اوبل فيكترا 98

**amrdiab** · 26-10-2014 09:18 PM

الحكايه باختصار:
1-من حوالي شهرين لا حظت اني لما بركن بالعربيه بلاقي صعوبه في الركن غير الاول كمان لما اطلع الصبح الاقي اني اخدت مسافه عشان اجيب الدركسيون للمقدار اللي كنت بجيبه قبل كده وكنت بطر ارجع لورا شويه واكرر المحاوله عشان اقدر اخرج من العربيه الي قدامي ( علي غير العاده)
الصراحه مأخدتش في بالي ومديتش الموضوع اهميه
2- من حوالي عشرين يوم حسيت بخشونه وصوت سمعته قبل كده لما باظت عندي ماكينه الباور وكانت بتودع بس المره دي بصيت علي الزيت لقيته ناقص وقررت اغير الزيت كله وديت العربيه واشتريت موبيل 220 والواد قالي هزود ونشوف لا تكون بتنقط من خرطوم خاصه ان الزيت نقص في وقت قياسي
3- بعدها بكام يوم كشفت علي الزيت لاقيته تمام
4- انهارده دورت العربيه الدكسيون تقيل جبل بصيت علي الزيت لاقيته اختفي معايا زيت في العربيه زودت للاخر ولما اتملي لاقيت الزيت بيختفي لتحت بصيت تحت العربيه لقيت الزيت بينزل علي الارض. قفلت العربيه واستنيت البهوات يصحو عشان اشوف المشكله وكل فكري انها هترسي علي خرطوم او افيز
5- الباشا مستنيه من 11 جه الساعه 1 كشف وكانت الطامه ( الاسكترا عايزه تتغير)
قولت وماله في حدود كام قالو 1000 قولت مبروك.

رحله البحث عن الاسكترا
6- روحت للي واكل الجو عندنا بكام يا عم قالي عندي 800 وعندي كالزيرو 1000 قولت ياعم مش هتفرق فك واحده واديهالي وتكون نضيفه واخدتها وهي فعلا تحفه بس شال منها كوتشتين في مكان الربط علي التجربه باذن الله.
7-نخلي بالنا شويه بقي
الصنايعي لما شافها قال جميله بس فيها عيب من قبل ما تركب قولت خير اي هو
قالي الاتي
" ان الاسكترا اللي راكبه عندي اصليه وفيها في النص مسمار يمكن التحكم فيه لما يحصل بوش في العربيه نقدر نعدل البوش منه وده اوبشن جميل اما اللي انا جايبها دي مش مسمار لا طبه وعشان كده لما يحصل بوش في الدركسيون مش هنقدر نعدله"
سئلت صنايعي كويس لاني هستلمها بكره اكد الكلام بتاع الاسطي اللي فك الاسكترا.وقالي ان دي اسكترا خليجي تبوش تترمي علي طول!!!!!!!! "
-----------
دلوقت انا بسئل هل الكلام ده صحيح فعلا
انا لسه مركبتش وتاجر المستعمل قالي ان ام مسمار موجوده هاتها بكره واغيرهالك

ارجو الرد يا خبراء الاوبل
وشكرا ومانجلكوش في اسكترا باذن الله

**فادى محمد** · 27-10-2014 01:25 AM

الكلام ده صحيح مضمونا .. انما التفاصيل من اخراج الصنايعي المصري العبقري..!!!
لما الاسكاترا تبدا تستهلك وتشخشخ , الصنايعي بينزل يقفل ع المسمار ده لفتين ولا حاجه
تحس بعدها ان الاسكاترا بقت جديده والاصوات رااااحت , انما تعالي خد ملف وسيب الدركسيون
..مش هيرجع لوحده !! والباور يتقل.

خليك في الاسكاترا النظيفه . اذا كانت اللي معاك عاشت 15 سنه . دي ماتعيشلهاش 10 سنين
؟ ربنا يدينا طوله العمر وحسن الخاتمه

**فادى محمد** · 27-10-2014 11:18 AM

توكل علي الله ..
تركيبها مؤرف جداا, هتفك القنطره كلها. ربنا معاك وابقي طمنا ..

**hagagatc** · 28-10-2014 02:30 AM

المشاركة الأصلية كتبت بواسطة amrdiab

شكرا محمد بك
الحمد لله ركبتها بعد يوم شغل مروح البيت الساعه 10 مساءا عني حوالي 10 ساعات
ركبت الاسكترا وكرسي فتيس dk تركي
-----------------------------------------
الشعور اثناء القياده
--------------------
الدورانات ممتازه
بس حاسس ان الدركسيون في ميل ناحيه اليمين عشان تبقي العربيه ماشيه عدل
مش عارف السبب ايه
هل عايزه تظبيط زوايا
بالضبط كده لازم مراجعه زوايا
هل اكشف علي ضغك الهوا في الكاوتش
وارد
هل الاسكترا ليها دور
مش عارف
---
اخدتها مشوار جامد مفيش رزع ولا هبد في الدركسيون
بس بحس ان الغيار بينتش شويه وحاسس ان فيه تنميله في العربيه
انا فعلا غيرت قاعده الفتيس الخلفيه وحسيت نفس الاحساس ده
----
هل كرسي الفتيس ممكن يكون ناشف فأدي التاثير ده
------
في حد نصحني وقالي ركب القديم وهتعرف الفرق بس ده مؤرف قوي في تركيبه
السؤال هل ممكن يحن شويه مع المشي ولا هو كده وخلاص
انا قلت نفس كلامك بس بحس برزعه مع المرشيدين
-------
بالمناسبه الواد لما ملي الزيت ملي العلبه للاخر انا حاسس ان ده غلط وناوي اقلل الزيت شويه لحد علامه الماكس ...
السؤال هل في ضرر من زياده الزيت في العلبه بتاعه ماكينه الباور ولا عادي
طبعا في ضرر لازم تسيب مساحه للزيت يقلب في الخزنه

**فادى محمد** · 28-10-2014 07:51 AM

ظبط زوايا والدركسيون هيتعدل من اتياش الطرف بتاعه الاسكاترا الجديده..سهله جداا
ظبط الزيت علشان مايبوظش الطرمبه

**amrdiab** · 28-10-2014 04:08 PM

استاذ عبد الرحمن حجاج
ما قولتليش هل التنميله والنتشه راحو بعد كده والدنيا اتظبطت ولا ايه الاخبار واتصرفت ازاي

-

-

-

الموضوع: اسكترا اوبل فيكترا 98

LinkBack

أدوات الموضوع

عرض

اسكترا اوبل فيكترا 98 - انشر الموضوع فى :

-

-

-

-

-

المواضيع المتشابهه

سعر اسكترا اوبل

اسكترا فيكترا b2 وزيت الباور

اوبل فيكترا غاز

ايه الفرق بين اوبل فيكترا بموتور اوبل وموتور اوكتيك

معايا اوبل استرا 2001 وعايز اوبل فيكترا ايكو تك راس براس

الكلمات الدلالية لهذا الموضوع

المفضلات

المفضلات

ضوابط المشاركة