مازدا 3 2015 ولا فلوانس 2015

**a7m8n** · 31-10-2014 02:54 PM

المشاركة الأصلية كتبت بواسطة WAEL .H

مازدا الوكيل 6 ايرباج
esp متعوض بالعفشة المالتي لنك

مفيش حاجه تعوض الesp

**WAEL .H** · 31-10-2014 03:38 PM

المشاركة الأصلية كتبت بواسطة a7m8n

مفيش حاجه تعوض الesp

السائق المحترف

**K.Ossama** · 31-10-2014 07:31 PM

المشاركة الأصلية كتبت بواسطة wael .h

السائق المحترف

ولا حتى احسن سواق

**khaled_afandy** · 01-11-2014 11:21 AM

المشاركة الأصلية كتبت بواسطة K.Ossama

لا يا فندم ده كلام غير صحيح تماماً
المالتى لينك مش حيعرف يوزع عزم العربية ولا يوزع الفرامل بنسب مختلفة على العجل وقت وجود خلل فى اتزان العربية.
هو بس نظام تعليق له مميزاته فى المناورة والإحساس بالطريق good handling & fun to drive
لكن لا يغنى أبداً عن أنظمة الثبات الإلكتروني، اللى هو مجموعة من الأنظمة مش حاجة قليلة يعنى

ايوه طبعا يا خالد بك، انا عارف علشان كده كنت حاطط :-) فى الآخر
بس طبعا لو multilink مع ESP زى هوندا كده يبقى 100 100

**beckhamomo** · 03-11-2014 12:49 AM

هي المازدا الهاي لاين فيها شاشة ديجيتال للعداد ورا الدركسيون ولا لأ

**benokuo** · 04-11-2014 10:48 AM

مع احترامى لرأيكوا يا جماعه طبعا
المازدا تحفة فنيه فى التصميم الخارجى و الداخلى خصوصا اللون الأبيض منها فاخمة جدا
بالنسبه للموتور انه ضعيف أنا متفق تماما . لكن العربية دى ممكن تكون للى مش من هواه الجرى و الشد و السحب يعنى تنفع للى بيسوق براحته
و كمان احنا عاملين نتكلم على الموتور و أساسا الطرق فى مصر كلها مكسره و لو على الطريق بيبقى زحمه يعنى مفيش فرصة انك تشد و تجرى حتى لو معاك عربية موتورها جامد اخرك هتمشى على 120 مثلا لو الطريق مفتوح شوية فى ظل ظروف الطرق الى فى مصر يعنى و فين و فين لما تفتح و لو مسافر الردارات مش هترحمك :)
ملخص كلامى ان حتى لو معاك موتور قوى مش هتعرف تستغلة فى مصر
المازدا بصراحة عربية جميييييلة جداااا فى كل حاجة و ان شاء الله هاجبها قريب و رغم ان موتورها ضعيف بس هتبقى كويسة جدا فى طرق مصر
و فى الأخر ده رأيى الشخصى طبعا :)

**yalahwy2010** · 04-11-2014 11:27 AM

المشاركة الأصلية كتبت بواسطة benokuo

مع احترامى لرأيكوا يا جماعه طبعا
المازدا تحفة فنيه فى التصميم الخارجى و الداخلى خصوصا اللون الأبيض منها فاخمة جدا
بالنسبه للموتور انه ضعيف أنا متفق تماما . لكن العربية دى ممكن تكون للى مش من هواه الجرى و الشد و السحب يعنى تنفع للى بيسوق براحته
و كمان احنا عاملين نتكلم على الموتور و أساسا الطرق فى مصر كلها مكسره و لو على الطريق بيبقى زحمه يعنى مفيش فرصة انك تشد و تجرى حتى لو معاك عربية موتورها جامد اخرك هتمشى على 120 مثلا لو الطريق مفتوح شوية فى ظل ظروف الطرق الى فى مصر يعنى و فين و فين لما تفتح و لو مسافر الردارات مش هترحمك :)
ملخص كلامى ان حتى لو معاك موتور قوى مش هتعرف تستغلة فى مصر
المازدا بصراحة عربية جميييييلة جداااا فى كل حاجة و ان شاء الله هاجبها قريب و رغم ان موتورها ضعيف بس هتبقى كويسة جدا فى طرق مصر
و فى الأخر ده رأيى الشخصى طبعا :)

+11111111111

**beckhamomo** · 04-11-2014 04:09 PM

المشاركة الأصلية كتبت بواسطة benokuo

مع احترامى لرأيكوا يا جماعه طبعا
المازدا تحفة فنيه فى التصميم الخارجى و الداخلى خصوصا اللون الأبيض منها فاخمة جدا
بالنسبه للموتور انه ضعيف أنا متفق تماما . لكن العربية دى ممكن تكون للى مش من هواه الجرى و الشد و السحب يعنى تنفع للى بيسوق براحته
و كمان احنا عاملين نتكلم على الموتور و أساسا الطرق فى مصر كلها مكسره و لو على الطريق بيبقى زحمه يعنى مفيش فرصة انك تشد و تجرى حتى لو معاك عربية موتورها جامد اخرك هتمشى على 120 مثلا لو الطريق مفتوح شوية فى ظل ظروف الطرق الى فى مصر يعنى و فين و فين لما تفتح و لو مسافر الردارات مش هترحمك :)
ملخص كلامى ان حتى لو معاك موتور قوى مش هتعرف تستغلة فى مصر
المازدا بصراحة عربية جميييييلة جداااا فى كل حاجة و ان شاء الله هاجبها قريب و رغم ان موتورها ضعيف بس هتبقى كويسة جدا فى طرق مصر
و فى الأخر ده رأيى الشخصى طبعا :)

هو رأيك الشخصي بس رأي محترم جدا وتفكير سليم وانا لسه بصراحة بفكر بين كذا عربية ولكن اولهم طبعا المازدا وربنا يسهل انشاء الله

**TOOLA** · 06-11-2014 01:17 AM

المشاركة الأصلية كتبت بواسطة medokassem

العربيه حطولها مكنه وفتيس الاوبل عشان فتيسها ومكنتها القديمه فشلو الفتيس فشل فشل ذريع العربيه بتبوظ فتايس بطريقه هستيريه ووقف اي حد معاه كروز وهيقلك الكلام ده بيغيرلها حاجه اسمها بادي فالف فتيس ب12 الف جنيه وبيبوظ بسبب الرايش اللي بيدخل علي بادي الفالف اللي فالقاته معموله من فبر فبتتسد وبيبوظ حتي لو بتغير زيت قبل معاده يعني من الاخر عيب صناعه
فنزلت بفتيس ومكنه الاوبل علي كام زرار منور في التابلوه وبقت كروز 2014
طلعت نزلت اسمها دايو لاسيتي شاسيه دايو عربيه كوري مهما حطوا عليها علامه امريكي ومكنه الماني برضه كوري عشان كده تمنها بيقع في اعاده البيع :)
متقارنش عربيه كوري من 2008 ل عربيه يباني تقفيل يباني دي عربيه ودي عربيه تانيه خالص
الكروز تتقارن باخوتها الكوري النترا سيراتو فلوانس
لكن مازدا سوبارو سيفك مينفعش تحط دول جنبهم :)
تحياتي

باشا اعذرنى, بس الراجل ليه وجهة نظر تحترم. انا مجربتش الكروز الجديدة عشان احكم, جربت القديمة, و انطباعى عنها انها ثابته و مريجه داخليا, العفشة كانت مش فى افضل حالتها عشان احكم عليها, صوت الموتور مسموع جوه الكابينه على سرعات, طبعا بطيءة.

الجديدة بقى المانى متخفية (على الورق), عربيه شاسيه و موتور و فتيس الاسترا الجديده, فبالتالى طبعا تتفوق على المازدا فى القصة ديه. اعتقد العفشة مالتى لينك و الكروز عموما مشهودلها بالثبات.

المازدا تتفوق شكل خارجى و داخلى و مكونات صالون و ممكن العفشة, موضوع الماتور و الفتيس القديم ميزه و عيب بصراحة, يعنى هما متجربين و عمرهم طويل ومفيش مشاكل و قطع غيار منتشرة, لكن بردو تكنولوجى قديمة و خصوصا فى السحب قد لا تجارى العربيات الأحدث. انا بصراحة بالنسبه ليا ادور على حاجة مازدا 3 مستعملة حالة ممتازه احسنلى من اجيب الشكل الجديد زيرو و انا اولى بفرق الفلوس و الركوبه فى الأخر واحدة تقريبا.

بصراحة العربيات فى الفئة ديه محيره جدا, ما بين عربيات فيها مشاكل معينه و ما بين عربيات مغالى فى سعرها زى الكورىز

**محمود عمر** · 13-11-2014 01:54 PM

المشاركة الأصلية كتبت بواسطة Hany Saad

للأسف مقدرش أنصح حضرتك بعربية معينة...ده لازم يكون قرارك منفرد بعد دراسة مستفيضة..أنت مش بتشترى عربية جديدة كل يوم

أنا بس حابب أوضحلك بعض الأمور و أساعدك فى التفكير ليس أكثر:
1- طبيعة سواقتك كلها سفر و سرعات عالية (يعنى 120 و أنت طالع) و لا غالبها داخل البلد و سفر قليل أو طبيعة سواقتك عامة مش سرعات (أقل من 120) يبقى موضوع العفشة مش من أولوياتك.
2- عدد الناس اللى هيركبوا....واحد و لا أسرة...لو أسرة يبقى مساحة الصالون الخلفى تفرق معاك
3- فارق معاك شنطة كبيرة و لا صغيرة و لا هاتش باك
4- فارق معاك جودة التوكيل لأنك مرتبط بيه 3 سنوات أو 100 ألف كم و هى طول فترة الضمان و لا مش لأ
5- الأوبشن الأساسية اللى متقدرش تتغاضى عنها
6- طيب عايز عربية صاحية علشان تجرى بيها و بتاخد غرز و لا سواقتك عادية

عن تجربتى أنا شخصياً بحكى:

أنا رب أسرة من أربع أفراد و فرق معايا الأتى فى الفلوانس

1- صالون واسع جداً...الأوسع فى هذه الفئة
2- شنطة كبيرة علشان السفر و المصيف (الأكبر فى هذه الفئة)
3- عربية عالية عن الأرض (الأعلى فى هذه الفئة) ميفرقش معاك أى مطب، أهالى أو غيره، محمل و لا مش محمل
4- إستهلاك بنزين متدنى علشان الفتيس الجديد
5- بتشتغل مع بنزين 92 زى الفل
6- تكييف جيد جداً
7- موتور و فتيس من نيسان
8- توكيل ممتاز بمقاييس مصر و هيقف جنبك فى الضمان بإمتياز
9- عفشة مريحة جداً داخل البلد
10- فرامل ممتازة
11- ثبات مرضى جداً لسواقتى (أنا بسافر أسبوعى و مش بزود عن 120 و سواقتى عادية)
12- عربية بتاعت سفر من الأخر
13- أنا مشترى الهاى لاين فكمية أوبشنز خرافية
14- موتور و فتيس بتكنولوجيا 2013
15- عربية برستيج تناسب طبيعة عملى
16- إنتشار متوسط....مش كل الناس راكبها و كمان مش نادرة الوجود

بالنسبة لى شخصياً و بالنسبة لمتطلباتى هى صفقة أكثر من رابحة و مرتاح جداً لإختيارى

شوف حضرتك عايز إيه من العربية و توكل على الله

بالتوفيق

تحياتى

على فكرة انا بسافر مع واحد صاحبى معاة الفلوانس e3 2013 وبيجيب على الطريق 160 والعربية ثباتها ممتاز ....ليه بتقول 120 بس ؟!! وبعدين انا عارف ان اكثر الكلام اللى اتقال هنا عن الفلوانس ملوش اساس من الصحة والعربية ممتازة وانا لسه حاجز e3sr من دقايق ولو مكنتش ركبتها وعارف عفشتها وثباتها كنت قلقت بسبب كلام حضرتك بالذات لان الكلام التانى لا يلتفت له اصلا بس حتت 120 دى مديقانى اوى الصراحة مقدرتش معلقش عليها لانى بقالى شهرين بقرا وبسال عن العربية وعلى فكرة هى برقبة الاسترا سواء بسبب فتيسها اللى عامل مشاكل الدنيا او موتورها اللى بيكركر او عفشتها الناشفة جوة البلد وروحو قسم الاسترا وشوفو الملاك قالبين الدنيا ازاى على التوكيل وعيوب العربية والتوكيل نفسه معترف وكل شوية يقول نزلت سوفت وير جديد وبردة مفيش فايدة وبردة السوفت الاخير منتظرين نتيجتة لانى كنت متابعها جدا لانها كانت عجبانى جدا وكنت حجيبها بس بعد سمعة التوكيل ومشاكل العربية يبقى مستحيل اقرب منها ووصلت فى الاخر للكورولا والفلوانس واخترت الفلوانس رغم ان الكورولا ممتازة لكن شكل الطابلوة وخاماتة مش تمام بالنسبالى و على فكرة انا جايب الفلوانس على اساس انها عربية للسفر مرة فى الاسبوع على الاقل بسافر