الموضوع: مازدا 3 2015 ولا فلوانس 2015

المشاركة الأصلية كتبت بواسطة k.ossama

مش للدرجة دى.......
الفتيس مش عامل مشاكل الدنيا ولا حاجة، فى ناس حاسيين بالنقلة بين التانى والتالت مش أكتر.

الموتور بيكركر من البنزين الزفت ودى حاجة موجودة فى عربيات كتير على فكرة دلوقتى، أوروبى وياباني وحتى كورى، وحتزيد الفترة اللى جاية وموديلات اكتر حيبان فيها نفس المشكلة لو ماحصلش رقابة حقيقية على منظومة البنزين فى مصر.

موضوع العفشة غير صحيح تماماً ويعنى إن حضرتك ما ركبتش العربية خالص.....

د خالد انا مقصدش بأي حال من الأحوال اني اعيب في العربية ومهما وصفتلك حضرتك مش حتتخيل انا كان نفسي اركب العربية دي اد إيه. و دي فعلا كانت حتبقي العربية اللي على مزاجي اركبها وانا سعيد جدا بيها لكن اللي قريتة عنها سواء هنا في المنتدى من ملاكها أو حتى على الفيس من ملاكها ومش واحد ولا اتنين دول كتير و كلهم نفس الشكوى الفتيس والموتور يعني الموضوع حقيقي وكمان شائع جدا مش حالات فردية ده غير أن الوكيل معندوش حل و غير سمعة الوكيل وصعوبة قطع الغيار حتى عند الوكيل نفسه... المهم بعد كل ده من كتر ما نفسي في العربية قلت مش مشكلة انا استني تلت أربع سنين اركب فيهم الفلوانس واهي عربية حلوة بردة واكيد بعد الوقت ده حيكون اختفت مشاكل الاسترا واجيبها.... و آسف لو وصلك اني بنقد العربية لمجرد النقد

المشاركة الأصلية كتبت بواسطة hany saad

أستاذ محمود....أولاً ألف مبروك للفلوانس الهاى لاين...أختيار ممتاز و إن شاء الله هتنبسط منها جداً زى ما أنا مبسوط من عربيتى...أنا كمان بسافر بالتقريب مرة أسبوعياً من الأسكندرية للقاهرة و بالعكس، ثبات ممتاز و علو عن المطبات ممتاز و إستهلاك بنزين متدنى....و أهم من كده عزل العربية متسمعش حاجة بره و أنت قافل الأزاز

بالنسبة لموضوع ال 120 كم/ساعة، أنا مكنش قصدى أن العربية مش ثابتة بعد ال 120....أنا كنت بقصد أن طبيعة سواقتى العادية مش بعدى ال 120...إذاً تكون العفشة تورشن أو مالتى عند هذه السرعة مفيش أى فرق بالنسبة لى....ثبات العربية بالتورشن بيم مرضى جداً بالنسبة لى و لطبيعة سواقتى
بالرغم أن الفلوانس عفشتها تورشن بيم إلا أنها رائعة فى الثبات و تتفوق على كل الأسيوى الموجود و بشهادة اللى جرب الأتنين
و لكن لكى نعطى كل ذى حق حقه....مع السرعات العالية (فوق 120) و مع المناورات عند هذه السرعات بيكون أداء العفشة المالتى لينك أفضل من التورشن بيم، أذا للسواقته رياضية و سرعات فوق ال 120 مع مناورات بتكون دائماً النصيحة أن العربيات اللى عفشتها مالتى لينك هيكون أداؤها و ثباتها أفضل معاه

أرجو أن تكون فكرتى وضحت و مبروك مرة أخرى و مستنيين تقييم حضرتك للسيارة عندنا فى قسم رينو

تحياتى

بالظبط كده زي ما حضرتك قلت حتفرق في السرعات مع المناورات لكن لو سرعات عاليه بس من غير مناورات العربية ثباتها مرضي جدا

المشاركة الأصلية كتبت بواسطة محمود عمر

نصيحتى لصاحب الموضوع اقرا كتير كتير جدا اكتر ما تسال وبعد ما تقرا وتكون فهمت اللى عايز توصلة ممكن تسال الناس وتاخد رايهم لانك وقتها حتفهم رد كل واحد سببة ايه انه بيحب عربيته وخلاص ولا بتاع كورى واوبشن ومش هامة اى حاجة تانية ولا فعلا بيقول اللى شايفة من غير ما يدبسك فى حاجة اى كلام ويفرح بنفسه انه اقنع واحد يجيب اى بتنجانة وانت تقعد تعيط جنبها وكمان حتعرف اللى بيرد دة بيهرتل ولا قارى وفاهم او مجرب وحتستشعر كل دة بس تقرا وتعرف ان العربية عبارة عن خلطة على بعضها يعنى رقم واحد الاساسيات يعنى الموتور والفتيس والعفشة والفرق بين انواع العفشة عشان محدش يقولك دى مالتى لينك ودى تورشن بيم يبقى دى وحشة ودى حلوة لالالا مش كدة خالص لما تقرا عنهم حتفهم الفرق وعيوب ومميزات كل واحدة وبعد ما تخلص الاساسيات يبقى الاوبشن ودة سهل تحدد انت محتاج فيه ايه بس بردة لازم تفهم يعنى ايه esp مثلا ومميزاتة وعيوبة ولو عطل ممكن لا قدر الله يحصل ايه واحافظ عليه ازاى او اعملة صيانة دورية كل اد ايه مهو كل حاجة ليها تمن فى الفلوس وفى راحة البال وثالث حاجة التوكيل وطريقة تعاملة وتوفير قطع الغيار عندة شوف انت جمع الخلطة دى بالنسبالك حتعرف انت محتاج عربية ايه من غير ما تسال والمنتدى هنا ما شاء الله مش حتحتاج تطلع برة اكتب كل اللى عايز تعرفة فى خانة البحث وعيش واقرا بقى ...........انا بقى يا سيدى اقولك انا بعد ما جمعت الخلطة بتاعتى طلعتلى الرينو فلوانس الفئة e3sr وعلى فكرة الخلطة هى اللى حددت الفئة كمان وعلى فكرة توكيلها احسن توكيل فى مصر سواء معاملة او توافر قطع الغيار .....ربنا يوفقك للى فيه الخير واتمنى تكون استفدت بعد الرغى بتاعى دة كلة وابقى قولنا رسيت على ايه

ربنا يباركلك فيها وتسلم علي الكلام وانا فعلا لازم اعمل كدة

[QUOTE=Hany Saad;3875818788]أستاذ محمود....أولاً ألف مبروك للفلوانس الهاى لاين...أختيار ممتاز و إن شاء الله هتنبسط منها
الله يبارك فيك وأسف انا شوفت مباركتك متأخر عشان كدة مردتش وقتها وبعد اذنك كنت عايز أسألك ايه اخبار فتحة السقف معاك هل فعلا بتعمل صوت بسيط جدا مع السرعات العاليه بسبب الهوا بيخب في الحواف من برة وهل فعلا لسه فتحات السقف بتعمل بارومة على المدى البعيد لاني شكلي حنزل فئة بسبب قلقي من فتحة السقف... يا ريت تقولي بسرعة بعد اذنك انا رايح المعرض النهاردة وعايز رأي حد مجرب ويكون محترم زي حضرتك بيقول اللي شايفة صح بغض النظر عن أي شئ