استشارة سريعة في تركيب سماعات

**explode** · 27-10-2014 12:20 AM

صباح الفل على الكل
انا لسة شاري عربية نوبيرا مستعملة وفيها كاسيت باناسونيك CQ-c1110u
بس السماعات بتاعتها الاربعه مودعين
محتاج اركب سماعات ورا وقدام يكون صوتها نقي وتكون حنينه على جيبي ربنا يخليكو لحسن انا استوييييييييييييت
تنصحونى بإية ؟؟؟؟؟؟
انا مش محتاج ولا جي ام ولا بازوكا ولا الكلام ده
كل اللى عاوزة صوت نقي ونضيف وبيز معقول وسعر حنين
ملحوظة " الكاسيت مكتوب عليه 45*4 ده معناه انى اجيب سماعات كام وات يعني ؟ او مكتوب عليها كام ؟

**rrgrrg** · 27-10-2014 12:35 AM

دا الوات الرسمي مش الفعلي ... الفعلي يسمي بل rms الكاسيت بتاع حضرتك يعتبر كويس بيطلع 22 وات لكل سماعة ... بص يا باشا بلنسبل الباب الامام جيب طقم سوني مدور و دي انضف حاجة بس شوف قطرها كام سنتي و جيب نفس المقاس الطقم مش ازيد من 200 لانو سماعات الباب مش ازيد من 16 سنتي اما بلنسبل اللي ورا امامك اختيارين يتجيب بوردة خشب و تتكسي فرش و يتركب عليها سماعات 6x9 البيضاوية يا اما تجيب بردو سوني مدور كبير بس نصيحة جيب بوردة و اكسيها و جيب سماعات كينوود او الباين 300 وات او 400 (الفعلي بتعها مش ازيد من 75 وات) و هتسمع صوت جميل جداً
ولو جيت المدور و ركبتو هتسمع صوت حلو بردو بس البيس مختلف شوية لاكن في المدور السوني هو الافضل