يا دى النيله كل ما نفتح اى صفحه فى المنتدى نلاقى واحد صباع رجله الشمال بيوجعه وعايز يهاجر


كل واحد مغفل فاكر ان مصر ملعونه وأى بلد تانيه جنه - انا بقى من المغفلين دول

نتكلم جد شويه
انا خريج تجاره - دفعة 2000 - جامعة القاهره - شغال مهندس (ده بجد) زى اغلب المصريين
عندى خبره كبيره جدا فى مجال البرمجيات
شغال ودخلى نسبيا كويس (يعنى كلام انى مش لاقى أكل و الجو الميت ده مش موجود)
عايز طريقه واضحه وصريحه وبدون لجوء لأى وسيط علشان اهاجر

امكانياتى الماديه انى ممكن قبل ما اسافرأقدر فى خلال 3 الى 6 شهور يكون معايا ما يوازى 30.000$ ويزيدوا كمان بعد سفرى ب 6 شهور أو سنه من 10.000 $ الى 20.000 $ وده يبقى اخر صله ليه بمصر

طيب اهاجر فين؟؟؟؟
استراليا - نيوزلاندا - امريكا - ألمانيا وان كنت أفضل اى بلد يكونوا بيتكلموا فيها انجليزى

ههاجر لوحدى ولا معايا أسرتى - اول سنه لوحدى وبعدها أسرتى بالكامل بعائلاتهم هايبقوا معايا

اى اخ من الاخوه بتوع ال 3 ورقات وهايقول ان ده عيل لقطه وبيقول على الفلوس اللى معاه عايز يشتغلنى اهلا وسهلا بيه - بس وحياة ابوك حرام تضيع عليه فرصة انى اهاجر بسبب انى أتحبس بسبب قتل كلب

انا عايز اسيب مصر - انا عاااااااااااااااااااايز اسيب مصر هاموووووووووووووت خلاص - انا مش قادر اتكيف مع البلد بجد

انا عندى 36 سنه - وفعلا وصلت للقرار ده أكتر من مره فى خلال العشر سنين اللى فاتوا

لكن كده خلاص بجد

أى حد يقدر يساعدنى أرجوك انقذ شخص محترم (أيوه انا شايف نفسى محترم) من مصر والمصريين