الأفيو ولا ال تيجو

**hamo81** · 28-10-2014 09:19 PM

أنا رأيي تضمى ال بي واي دي f3 للقائمة لأنها عربية عملية جدا وحمارة شغل وقطع غيارها متوفر وفيها وسائل أمان وصالونها واسع وكفاية أنها شغالة تاكسي من عدة سنوات

**smora** · 28-10-2014 10:44 PM

المشاركة الأصلية كتبت بواسطة j a g u a r

ايه رأيك فى اللوجان ..

شكلها سخيف مع ان فى ناس بتشكر فيها جداا بس السانديرو افضل بالنسبالى

**smora** · 28-10-2014 10:52 PM

المشاركة الأصلية كتبت بواسطة shiko85

انا متفق معاهم (بيجو - فوكاس - جراند بونتو - ابيزا- بريليانس - الميجان)
كل عربيه فيها مميزات و عيوب طبعا و الأعضاء الأفاضل قالوا رأيهم (سواء ملاك العربيات او رأى السوق فالعربيات المذكوره) و هم بيقولوا النصحيه بأمانه و جزاهم الله خير
الـ i10 مش صغيره خالص
انا عندى النترا و لما بسوق الـ i10 مش بحس انها صغيره بالعكس حجمها معقول جدا و سواقتها افضل من الألنترا (وضعيه قياده افضل) و موفره فالبنزين (عيبها ان قطع الغيار مش منتشره خارج التوكيل)
افيو و نيو اكسنت اللى مش متوفرين فالسعر ده غير عربيات محدوده
بس سؤال, مش عاجبك شكل بيكانتو ليه ؟؟؟؟!!!!
الجين 2 التابلوه فقط اللى مش عاجبك ؟؟
طيب لو هنقارن بين البيكانتو و الجين 2 و الـ i10 مع بهدله المواصلات مين احسن ؟؟!!

بالنسبه للبيكانتو وال i10 مش حباهم ليه عشان البدى بتاعهم الخارجى صغير زياده عن اللزوم وانا مبحبش العربيات اللى بتمشى تدحرج فالشارع :D

الجين تو اه التابلوه خانقنى اوى

بالنسبه للمقارنه i10 خارج حسباتى تماما والاتنين التانيين لو هبص داخليا تبقى البيكانتو ولو هبص خارجيا تبقى الجين تو والمشكله انى مش قادره اتغاضى عن حاجه منهم بره او جوه :(

**smora** · 28-10-2014 10:55 PM

المشاركة الأصلية كتبت بواسطة hamo81

أنا رأيي تضمى ال بي واي دي f3 للقائمة لأنها عربية عملية جدا وحمارة شغل وقطع غيارها متوفر وفيها وسائل أمان وصالونها واسع وكفاية أنها شغالة تاكسي من عدة سنوات

مع احترامى لحضرتك بس دى مش بس صينى دى كمان مبتتشافش غير تاكسى يعنى كده دمار
انا مبطيقش الفيرنا لنفس السبب

**shiko85** · 28-10-2014 11:34 PM

المشاركة الأصلية كتبت بواسطة smora

بالنسبه للبيكانتو وال i10 مش حباهم ليه عشان البدى بتاعهم الخارجى صغير زياده عن اللزوم وانا مبحبش العربيات اللى بتمشى تدحرج فالشارع :D
تدحرج ازاى ؟؟!!

هو فيه بيكانتو و i10 غير اللى اعرفهم ؟؟!!

الجين تو اه التابلوه خانقنى اوى

بالنسبه للمقارنه i10 خارج حسباتى تماما والاتنين التانيين لو هبص داخليا تبقى البيكانتو ولو هبص خارجيا تبقى الجين تو والمشكله انى مش قادره اتغاضى عن حاجه منهم بره او جوه :(
الأختيار مش كده خالص
الشكل سواء داخلى او خارجى هو عنصر من عناصر الأختيار لكن مش العنصر الوحيد
طبعا لازم العربيه تكون مقبوله شكلا و فيه راحه نفسيه بس فيه عناصر تانيه مهمه

**smora** · 28-10-2014 11:51 PM

هههههههه اقصد يعنى مبحسش ان فى فرق بين وشها من ضهرها
عامة مش ازمه بس زى ما قولتلك سيباها ﻷخر ما اغلب مع انى زهقت

بالنسبه لعوامل الأختيار للأسف المبلغ المتاح مش قادر يوفرلى عوامل تانيه كنت محتاجاها ومالا يأخذ كله لا يترك كله

بس ملحوظه فى حد من شويه قالى على فولكس كروس فوكس ايه رأيك فيها ؟؟
انا شوفت صورتها وافتكرتها شكلا حلوه وعاليه عن الارض وحجمها مناسب بس معرفش حاجه عن قطع الغيار والثبات والاداء ولو فيها مشاكل ؟

**J A G U A R** · 28-10-2014 11:54 PM

المشاركة الأصلية كتبت بواسطة smora

شكلها سخيف مع ان فى ناس بتشكر فيها جداا بس السانديرو افضل بالنسبالى

انا عاوز اقول لحضرتك حاجه واختصر عليكي الطريق علشان متابع مواضيعك من زمان وشايفك محتاره
بالطريقه دى والله عمرك ما هتشترى عربيه
مفيش عربيه فى العالم مفيهاش عيوب
شوفى ايه العربيه اللى ممكن تضحى بالعيب بتاعها وتوكلى على الله فيها

انا اعرف واحد بقاله اكتر من 10 سنين عاوز يشترى عربيه ولسه مشتراش وماشى تقريبا بنفس طريقتك
وكل ما يشوفنى يقولى ايه رايك فى دى يا محمد طب دى يا محمد طب دى يا محمد وسعرها بقى بكام يا محمد وانا اقوله حلوه وخلاص علشان يشترى بس والله فى حياته مهو شارى

انا داخل انام دلوقتى علشان هاصحى الصبح بدرى وعاوز ارجع بكره بعد الظهر الاقيكى اختارتى عربيه .. انتى سامعه ..

**smora** · 29-10-2014 08:33 AM

المشاركة الأصلية كتبت بواسطة j a g u a r

انا عاوز اقول لحضرتك حاجه واختصر عليكي الطريق علشان متابع مواضيعك من زمان وشايفك محتاره
بالطريقه دى والله عمرك ما هتشترى عربيه
مفيش عربيه فى العالم مفيهاش عيوب
شوفى ايه العربيه اللى ممكن تضحى بالعيب بتاعها وتوكلى على الله فيها

انا اعرف واحد بقاله اكتر من 10 سنين عاوز يشترى عربيه ولسه مشتراش وماشى تقريبا بنفس طريقتك
وكل ما يشوفنى يقولى ايه رايك فى دى يا محمد طب دى يا محمد طب دى يا محمد وسعرها بقى بكام يا محمد وانا اقوله حلوه وخلاص علشان يشترى بس والله فى حياته مهو شارى

انا داخل انام دلوقتى علشان هاصحى الصبح بدرى وعاوز ارجع بكره بعد الظهر الاقيكى اختارتى عربيه .. انتى سامعه ..

انت عندك حق فى كل كلمه فعلا وهو دا اللى قررت اعمله هختار 3 من اللى شيفاهم مناسبين ليا واشوف اللى هلاقيها فى حدود المبلغ وحالتها حلوه هتوكل على الله واجيبها ومهياش اخر مره هشترى فيها يعنى ان شاء الله

**smora** · 29-10-2014 09:03 AM

مستر شيكو المفروض الاختيار يكون ازاى ؟

وبالنسبه انى مش عايزه اضحى
لو حضرتك كنت خدت بالك من كومنتى اللى قبل الاخير ان قلت المبلغ المتاح هيخلينى اضحى بحاجات كنت عايزاها