26 عربيه امجراند في ساعه ونص

**محمد محليس** · 27-10-2014 11:23 AM

السلام عليكم اهل القسم الجميل

طلعت من الشغل النهارده الصبح الساعه 7
من العاشر من رمضان وقولت لنفسي خليني صاحي النهارده وماتنمش في الاوتبيس بتاع الشغل زي كل يوم
وفعلا قررت اني مانمش
وقعدت مخلي عيني علي الطريق من اول ماطلعنا علي اسماعليه الصحراوي ببص علي العربيات الجيلي اللي راحه جاي علي الطريق وقولت اقعد اعد فيها لما اشوف هقابل كام عربيه لحد مانزل من الاوتبيس
وبصيت وعديت العربيات لاقتهم 26 عربيه في ساعه ونص ويمكن اقل كمان
من اول العاشر لحد القناطر الخيريه
وبصراحه العربيه منظرها تحفه علي الطريق وطبعا كل شويه الاقي لون مختلف وكل مدي والعربيه بتحلو
وكل لون احسن من اللي قبله
بس لاقيت العربيه منتشرة انتشار راااااائع علي الطريق
وشكلي كده ان شاء الله هاجيبها واصرف نظر عن البي واي دي لاني كنت محتار في الموضوع ده
ادعولي بقي ربنا يسهلها وربنا يبارك في عربيه كل واحد

**eslamaboelkeir** · 27-10-2014 06:47 PM

السلام عليكم بص يا برنس العربيه كويسه بس البى واى دى احسن منها كافيه انها اتو

**waelgam2005** · 28-10-2014 03:25 PM

ياريس متاخدش بالشكل لانى للاسف العربيه دى اول ما نزلت انبهرت بيها انبهار غير عادى بس لف كدا على اللى معاهم العربيه دى مشاكلها ايه وانت تعرف انك لازم تبعد عنها وانا رائى المتواضع خليك فى البى واى دى

**محمد محليس** · 28-10-2014 04:31 PM

المشاركة الأصلية كتبت بواسطة eslamaboelkeir

السلام عليكم بص يا برنس العربيه كويسه بس البى واى دى احسن منها كافيه انها اتو

انا مش ببص للاو تو لاني بحب المنوال
وبعدين انا بقارن المنوال بالمنوال

**محمد محليس** · 28-10-2014 04:37 PM

المشاركة الأصلية كتبت بواسطة waelgam2005

ياريس متاخدش بالشكل لانى للاسف العربيه دى اول ما نزلت انبهرت بيها انبهار غير عادى بس لف كدا على اللى معاهم العربيه دى مشاكلها ايه وانت تعرف انك لازم تبعد عنها وانا رائى المتواضع خليك فى البى واى دى

انا مالقتش فيها اي مشاكل غير الصدأ اللي في الباب ده
ومحدش اتكلم في اي مشاكل تاني غير حاجات بسيطه وفرديه زي اللي الكاوتش كان بيتاكل عندو من الحرف
وغير بعض اجزاء من العفشه بأجزاء بتاع تويوتا
وواحد كان بيسمع صوت في الغيارات الاولانيه وبعد الكشف قالو عاوزه قواعد موتور
لكن البي واي دي بجانب المشاكل الفرديه عندك مشكله اساسيه وهي تسقيف الموتور
ثانيا الخدمه والتوكيل بعد كده من وجهة نظري غبور احسن

يبقي اجيب عربيه مصديه
والا عربيه بتسقف

ههههههههههه
ده الشعب المصري ده كتر خيرو ان مستحمل توكيلات الصيني الموجوده دي

**midooo_119** · 29-10-2014 10:39 PM

المشاركة الأصلية كتبت بواسطة waelgam2005

ياريس متاخدش بالشكل لانى للاسف العربيه دى اول ما نزلت انبهرت بيها انبهار غير عادى بس لف كدا على اللى معاهم العربيه دى مشاكلها ايه وانت تعرف انك لازم تبعد عنها وانا رائى المتواضع خليك فى البى واى دى

يالا بينا نلف سوا حدد المكان و الزمان

**محمد محليس** · 30-10-2014 10:45 AM

المشاركة الأصلية كتبت بواسطة midooo_119

يالا بينا نلف سوا حدد المكان و الزمان

وانا معاكو

**محمد محليس** · 30-10-2014 10:46 AM

المشاركة الأصلية كتبت بواسطة amasis

26 عربيه امجراند في ساعه ونص >>> وطبعا ولا واحدة byd دا غير موضوع تصقيف ال byd ؛؛؛؛؛؛؛؛؛؛؛؛؛؛؛؛؛؛؛؛ههههه هههههههههه ............ شكرا جزيلا

الحقيقه انا مركزتش علي البي واي دي
بس اللي لاحظتهم كانو كلهم تاكسيات f3

**raedegypt** · 30-10-2014 04:18 PM

افضل سيارة صينى فى مصر .. مع اخى تحفه وعربيه فيها كل حاجه .. ويكفى انها تحالف جيلى - فولفو ودة ال مخليها افضل سيارة صينيه لانها منتجه بخبرة فولفو العريقه .. وسعرها ممتاز . هاتسمع كلام كثير كله حكى فاضى انزل وجربها حلوة بجد واحلى الوان الاسود والفيرانى والاحمر الطوبى

الموضوع: 26 عربيه امجراند في ساعه ونص

LinkBack

أدوات الموضوع

عرض

26 عربيه امجراند في ساعه ونص - انشر الموضوع فى :

-

-

-

-

-

المواضيع المتشابهه

ساعه يد على شكل عداد عربيه جميله جدا

امجراند اكس 7

ساجا ولا امجراند 7

مشكلة الدوارة لما اركن العربيه شويه نصف ساعه او ساعه

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

الكلمات الدلالية لهذا الموضوع

المفضلات

المفضلات

ضوابط المشاركة