يا اوبلاوية ياكورساوية دلونى حقيقة الصور دة ايه

**ahmedsherif81** · 28-10-2008 06:52 PM

ياجماعة انا شوفت على النت شيفورلية كورسا نفس شكل الاوبل كورسا السيدان 1600 سي سي الي عندنا يا اوبلاوية يا كورساوية دلوني حقيقة الصور دية اية شيفورلية كورسا ولا اوبل كورسا

**wesam_salom** · 28-10-2008 07:18 PM

ايوه طبعا
ماهى فى مصر اسمها اوبل كورسا
بره مصر اسمها شيفروليه كورسا
زى اللانوس
فى مصر دايو لانوس
بره مصر شيفروليه لانوس

**KHALED AYMAN** · 28-10-2008 07:52 PM

و فى البرازيل شيفروليه استرا الى هى الاسترا ال 2006 السيدان عندنا فى مصر و كمان فى شيفروليه فيكترا نفس شكل الاسترا السيدان الجديده من ورا و شكل الكورسا شويه من ادام .

**ahmedsherif81** · 28-10-2008 08:55 PM

يعني اية بالظبط العربية دية تصميم مين بالظبط ومين الي بينتج لمين ولا شيفورلية اشترت اوبل كمان زي الدايو ولا اية الي بيحصل شكلها كدة كل العربيات هتطلع شيفورلية هل دية الأمركة الي بقوللنا عليها ولا الشفرللة الي بنكتشفها لوحدينا

**KHALED AYMAN** · 28-10-2008 09:19 PM

فى شركه اسمها جنرال موتورز دى تملك شركه اوبل و شيفروليه و هامر و دايو و جى ام سى و فوكسهول و هولدن و شركات تانيه.
كمان بتنتج العربيات تحت الاسم الى البلد بتحبه يعنى فى مصر نزلو الاسترا السيدان اوبل لان الناس بتحب الاوبل فى مصر اكتر من الشيفروليه و بتثق فيها اكتر و فى البرازيل نزلو الاسترا شيفروليه لان الناس هناك بتحب الشيفروليه و طبعا مش الحب هو السبب الرئيسى فى اسباب تانيه زى ان الشركه ممكن تكون عايزه تعمل اسم لشركه معينه بعربيات صغيره و بعد كده تنزل العربيات الاعلى منها بعد ما الاناس تكون و ثقت فى الشركه .

**dodo8499** · 07-11-2008 09:49 PM

صح كلامك ميه ميه لان في امريكا الكورسا ال94 ال1200 سيسي اسمها شوفوروليه كورسا وعليها علامه الشوفروليه

**asaber** · 08-11-2008 07:05 PM

العربيه دي اوبل و معدله من جنيرال موتور جنوب امريكا الي مركزه في البرازيل
متور العربيه هو موتور تصميمه قديم نسبيا ولكنه في فتره من الفترات كان بيستخدم في النسخه الرياضيه من الكورسا و اول ظهور ليه كان في اوبل استرا 1992
وهوه 101 حصان وعزمه 140 ن/م
وهوه 8 صمامات
يعني من الاخر هي اوبل كورسا بشنطه و موتور مش ايكوتيك... وقل ما تفكر طب ليه الموتور دا بالذات
اقولك عشان بيطلع اقصي عزم ليه عند 3000 لفه بس
ودا يخليه مناسب للسواقه في المدن
العربيه طبعا كانت بتتجمع في مصر وكل قطع الغيار كانت بتيجي من البرازيل(بتيجي بس موش لازم تكون بتتصنع هناك... يعني مثلا انا كنث شاري نور الضباب والسويتش بتاع النور اتغير العلبه مكتوب عليها جنيرال موتور البرازيل وجنبها انها مستورده من المانيا!!)

**dodo8499** · 10-11-2008 08:08 PM

هيا الكورسا ال1200 مو94 بتبقا كام حصان وهل ال كوبيه منها بيبقا اعلي ولا ايش؟؟؟؟

**farahat** · 10-11-2008 09:16 PM

المشاركة الأصلية كتبت بواسطة dodo8499

هيا الكورسا ال1200 مو94 بتبقا كام حصان وهل ال كوبيه منها بيبقا اعلي ولا ايش؟؟؟؟

الكورسا موديل ٩٤ ال-١٢٠٠ CC موتورها ٤٥ حصان ، و العادي إن السنة الوحدة بيكون فيها موتور واحد ، يعني الموتور ١٢٠٠ بتاع اوبل بتاع سنة ٩٤ بيركب على كل عربية اوبل اتعملت في السنة دي حتى لو كنت فيكترا ١٢٠٠ ، و لم يتعمل موتور جديد ١٢٠٠ سنة ٩٩ يركب على كل عربية ١٢٠٠ موديل السنة دي ، و هكذا
اتمنى تكون المعلومة وصلت و تكون مفيدة
تحياتي