سخان الغاز ..؟!

**Medo.Malek** · 10-11-2014 08:45 PM

المشاركة الأصلية كتبت بواسطة أبو آسر

لو فتحت المية الساقعة السخان مش بيشتغل طبعا
أنا بفتح السخنة على أقل درجة واحدة واحدة لحد ما يلقط ويشتغل بس درجة الحرارة غالبا مش بتقل عن 38 وممكن تقل شوية لو فتحت المية على الآخر بس بستحرم طبعا أتوضى أو أغسل إيدي وأنا فاتح نافورة مية كده هستهلك مية كتير وده تبذير وبرده مش بتوصل معايا لدرجة 33 اللي بتبقى مناسبة ليا يعني ممكن توصل ل35 ولا حاجة

فعلا هاتستهلك مية كتير بس لاسف انا معرفش حل تانى
انا عن نفسى بحب اتوضى بمية ساقعة !

**lonedoctor** · 11-11-2014 01:04 AM

التكنوجاز باقدر اخد منه ماية فاترة بدا من حرارة 33 بالتحكم في البكر وبعد كلامكم انا اقتنعت بيه اكتر لانه كنت عاوز اغيره لكن بعد ماعملت له صيانه وغيرت الجلدة والابرة رجع افضل من الاول

**أبو آسر** · 11-11-2014 06:29 AM

أنا بصراحة ندمت إني اشتريت غاز وبتحسر على الكهربا
الغاز متعب جدا في تظبيط درجة الحرارة ولازم كل شوية أعدل في البكر بدل ما كنت بتحكم في الحرارة بسهولة من الحنفية نفسها زائد إن الغاز بيقعد وقت على ما بيسخن المية على عكس الكهربا وبالتالي استهلاك مية أكتر
شكلي هتهور وأبيعه وأستعوض ربنا في 400 جنيه على الأقل خسارة 200 تركيبه و200 خسارة من تمنه نفسه

**fetoh.yousry** · 16-11-2014 12:37 AM

المشاركة الأصلية كتبت بواسطة medo.malek

الحمد لله جبت التورنادو ال 10 لتر الديجيتال و الحمد لله ركبته امبارح و ما شاء الله بيشتغل عل اقل ضغط ماية بدون مبالغة و فى 3 بكرات بتعدل منهم درجة الحرارة و بتعدل منهم ضغط المية اللى السخان يشتغل عليه و التالتة بتختار منها صيف او شتاء
و جربنا اقل ضغط مية فى السخان وقفلنا الموتور و كان فى خط مية بسيط نازل من الحنفية و بيروح و يجى و كان السخان ما شاء الله يشتغل لما المية تيجى و يطفى لما المية تضعف خالص و تروح !!

ملاحظات اثناء التركيب :
* الفونيات او الشعلات ( على حسب كلام الفنى ) فونيات بوتجاز مش غاز و على كلامه كل السخانات اللى بتنزل بتبقى مجهزة للبوتاجاز و معاها فونيات تانية للغاز !
* الفنى اللى بيركب كان تبع شركة اسمها صيانكو تبع شركة الغاز و اللى فهمتوا ان الشركة دى هيا اللى بتركب لكل الماركات و بتديلك فاتورتين فاتورة بتتبعت للشركة بتاعت السخان مع صورة شهادة الضمان عشان يفعل الضمان
و فاتورة تانية لشركة صيانكو دى حق الفك و التركيب !
*انصح اى حد بالسخان التورنادو بس طبعا انا لسه ما جربتوش غير مرة واحدة و يوم واحد

الحمد لله و أسأل الله ان يبارك لى فيه و يعطينى خيره و يكفينى شره

شكرا ليكم يا جماعة واحد واحد و جزاكم الله خيرا كثيرا

مبروك على السخان الجديد وربما يحفظهولك
ممكن اعرف شركه صيانكو خدت منك كام مصاريف الفك والتركيب
لان انا عندى نفس المشكله عايز اشيل القديم الى هو 6 لتر واجيب واحد عشره لتر
لان موقع السخان عندى فى اخر خط المايه داخل المطبخ
وبياثر جامد على وصول المياه الى الحمام البعيد عنه
وهل هيركبوا مدخنه عندى ولا لأ

**fetoh.yousry** · 16-11-2014 12:38 AM

وسؤال اخر
اما هى اقل درجه حراره يصل لها السخان فى وضع الصيف

**fetoh.yousry** · 16-11-2014 01:16 AM

سؤال اخر
ايه هيا اقل درجه حراره بيوصلها السخان فى فصل الصيف

**Medo.Malek** · 16-11-2014 04:32 AM

المشاركة الأصلية كتبت بواسطة fetoh.yousry

مبروك على السخان الجديد وربما يحفظهولك
ممكن اعرف شركه صيانكو خدت منك كام مصاريف الفك والتركيب
لان انا عندى نفس المشكله عايز اشيل القديم الى هو 6 لتر واجيب واحد عشره لتر
لان موقع السخان عندى فى اخر خط المايه داخل المطبخ
وبياثر جامد على وصول المياه الى الحمام البعيد عنه
وهل هيركبوا مدخنه عندى ولا لأ

الله يبارك فيك :) شكرا يا فندم
مصاريف الفك و التركيب تبع شركة صيانكو 100 جنية + 50 جنية لتفعيل الضمان فى شركة العربى بتاعت السخان نفسه
عندى برده السخان فى اخر خط المية فى المطبخ :) و الحمد لله شغال عندى كويس
طبعا لازم السخان ال 10 لتر يركبله مدخنة.. ( هجيب لحضرتك الرقم بتاع الشركة بكرة و تعرف منهم اذا كانو بيركبوا المدخنة ولا لا )
انا عندى كان السخان القديم راكبله مدخنة فا كانت العملية كلها فك و تركيب
بالنسبة لاقل درجة الحرارة فى الصيف فا هيا على الشاشة 33

**fetoh.yousry** · 17-11-2014 04:39 PM

لك جزيل الشر يا استاذ medo.malek

**sas5** · 23-11-2014 05:21 PM

انا عندى تورنادو سامعه بيتكتك مع كل فتحه مياه من الحنفيه حتى لو حنفيه المياه البارده

الموضوع: سخان الغاز ..؟!

LinkBack

أدوات الموضوع

عرض

-

-

-

-

المواضيع المتشابهه

سخان الغاز

شكلي هكسر سخان الغاز ده

سخان الغاز و أهدار الماء

..إستفسار عن ...سخان الغاز والبوتوجاز..والبتاع اللى بيركب فوقه.....

سخان الغاز

الكلمات الدلالية لهذا الموضوع

المفضلات

المفضلات

ضوابط المشاركة