السلام عليكم ورحمة الله وبركاته
عندى مشكله اديلها فتره ان طول ما انا فاتح شباك العربيه بشم ريحة عادم بتضايقنى جدا ومتعبه للنفس وكل ما الميكانيكى اروحلو يقولى بتاع الشكمان هو يظبط اروح لصنايعيى الشكمان يقولى الشكمان سليم وكان فيه حته مكسوره ولحمه وقالى كله تمام مافيهوش حاجه دا ظبط كربراتير
رحت لميكانيكى تانى فك الكربراتير ونضفه باسبراى وكله تمام وظبط بيك الهوا بتاع الكربراتير وبردو ريحة العادم بتظهر لما بكون سايق وخصوصا عالسرعات العاليه انا كل يوم بسافر بيها ودى مشكله مضايقانى جدا ريحة العادم ارجو المساعده والافاده علشان اوصل لحل يريحنى من المشكله دى