الموضوع: مشكلة رائحة العادم

واضح فيه تهريب شكمان عندك
هات مساعد ودور العربيه واكتم الشكمان ومن تحت العربيه شوف التهريب منين وصلحه بباتش او سليكون حراري

جربت كل دا بعد اللحام وكبست الشكمان وفيه كبس جامد لما بسيب ايدى بس مش عارف ايه الموضوع هل فيه تسريب لدرجة انه ممكن يكون منفس من حته صغيره جدا الله للاسف الميكانيكى يقولك مشكلة شكمان وبتاع الشكمان يقولك مش بتحرق بنزين كويس الريحه دى ورحت لميكانيكى تانى ظبط الهوا للعربيه والعربيه تمام والريحه خفت عن الاول ومش عارف هل المشكله مشكلة زيت ولا مشكلة بنزين ولا مشكلة ايه بالظبط انا احترت جدا وعموما هجرب اللى قولتلى عليه واشوف الموضوع ايه انا رايح للميكانيكى كمان شويه واشوف الدنيا فيها ايه

المشاركة الأصلية كتبت بواسطة mohammad isdf

بص لو العربية عندك بتاكل زيت .. فالزيت لما بيتاكل جامد وخصوصا مع السرعات العالية بيخرج العادم من الفايظ اللى خارج من الموتور وبيبقى راكب فى الكاربراتير .. وبما انه داخل الكبوت فمع الجرى الريحه بترد عليك انت ..

زى ما الاستاذ بيقول
و هتلاقى الشاسيه عندك (عند الكبوت) مفتوح فى اماكن ضفيرة الكهربا اللى جاية من البطارية و الفتحات اللى داخلة على الهوايات
هات قطع قماش و سدها

كل حاجه سليمه وبالنسبه لفتحات الشاسيه كله مسدود بسيليكون اسود ومكتوم تمام الريحه مش بشمها غير لو شباك العربيه مفتوح بس لكن الشنطه تمام كلها وكاوتشها تمام مافيش اى حاجه فيها الريحه بتبان بس مع فتح الشباك وكمان فى السرعات العاليه واوقات تختفى تحس ان الريحه ريحة كربون متعب كمان مش عادم وطبعا فى سواد خفيف فى الدخانه وبالنسبه للسرعات العاليه انا بمشى على 120 او 130 دايما وكمان بحمل عالغيار شويه ممكن فى بعض الاوقات بحمل شويه على الغيارات وحاليا انا بستخدم زيت شل الاصفر 15 -w50 ولما الميكانيكى شاف النهارده بيقولى لو الموضوع دا مشكلة حرق بنزين العيب فى الكاربراتير ممكن يكون محتاج يتغير وانا فكرت فى انى اجيب بوجيهات ان جى كى اليابانى واركبها واشوف ايه اللى ممكن يحصل

غيرت البوجيهات وانا بغيرها لقيت البوجيه التانى من على اليمين راشح زيت لبره خفيف وكل ما افك بوجيه الاقى عليه زيت فى القلاووز بس بعيد عن الشمعه ومش عارف دلوقتى المشكله ايه بالظبط هروح لميكانيكى فى محافظة بنى سويف قالولى عليه شاطر فى الاسكودا الفليشيا وظبط عربية زميلى معاه سكودا فيفوريت قالو خليه يجيلى فى يوم بس طبعا محتاج افضى يوم لانى انا من محافظه بعيده وبينى وبينه ساعتين عموما هشوف وربنا يسهل الامور انا مقلق احسن يكون طقم الشنبر فيه حاجه لانى لقيت موضوع فى المنتدى عن حاجه زى كده لو فيه زيت عالبوجيه يبقا طقم شنبر .. ربنا يسترها بس اللى يقدر يفيدنى يقولى ياجماعه