لاخواننا اللى ناويين يرخصوا اليومين دول(تجربه شخصيه)

السلام عليكم ورحمه الله وبركاته.
الساده مشرفى المنتدى العظيم انا كتبت الموضوع دا فى قسم المتسوبيشى لمطابقته لنوع السياره الخاصه بالموضوع فأن ارتأيتم ان ينقل الموضوع للمنتدى العام فتفضلوا مشكورين لتعميم الاستفاده.
انا كان لى موضوع لسه من يومين بأسال فيه عن مصاريف ترخيص سياره لانسر 1600اوتوماتيك كلاسيك خليجى وربنا اكرمنى ولقيت ناس محترمه زى الاستاذ (حسن خليل) رد على فى حدود معرفته وطبعا انا باشكره.ودورت فى المنتدى مالقيتش حاجه قريبه. ففكرت للاستفاده العامه للاعضاء انى اكتب عن مصاريف الترخيص وخصوصا ان انا رخصت النهارده والحمد لله.
الترخيص مدته 3 شهور فقط واخذت نمر مؤقته لعدم وجود نمر جديده.اليكم التكاليف:

1- 30 جنيه ثمن الاستمارات
2- 95 جنيه التامين الاجبارى(لمده سنه واحده )
3- 250 جنيه الضريبه (برضه سنه واحده)
4- 90 جنيه تمن اللوحات الجديده (اللى ما اخذتهاش !!!!!!)
5- 60 جنيه ضريبه ترفيه ( لامتلاكى سياره ملاكى اخرى !!!!!)
6- 20 جنيه تأمين لوحات (مش عارف اللوحات المؤقته ولا الجديده؟؟)
7- 80 جنيه شهاده بيانات (لان العربيه خليجى)
8- 100 اكراميات (50 داخل المرور لزوم حلاوه العربيه و50 لمندوب المعرض اللى عمل كل حاجه)

يعنى العمليه كلها اتكلفت 725 جنيه بالاكراميات وطبعا دا لان ربنا رحمنى والسياره الخليجى (الكويتى) بتيجى بتجهيزات مميزه منها طفايه الحريق والمثلث العاكس وشنطه الاسعاف اللى بينص عليهم قانون المرور الجديد واللى تكاليفهم ممكن تكون فى حدود 200 جنيه.
ارجو ان يستفيد من هذا الموضوع كل اعضاء المنتدى المقبلين على الترخيص الجديد او التجديد.

شكرا يا باشا .جزاك الله خيرا

اقتباس:

---

المشاركة الأصلية كتبت بواسطة civilpharaoh

شكرا يا باشا .جزاك الله خيرا

---

أى خدمه يا مان شكرا على ردك( عاجبنى قوى اسم الفرعون المدنى)

ليه 250جنية ضريبة
هوة مش كان 175جنية
الرحمة يا رب

الف مبروك علي الترخيص والعربيه ثانيا :) بس انا لما كنت برخص كنت جايب معايا الطفايه القديمه بتاعتي عشان كنت شاكك انهم مش هيقبلو الي جايه مع العربيه وفعلا زي ما توقعت قالي دي مش هتنفع يا باشا عندنا ;)

ألف ألف مبروك ، ربنا يبارك لك فيها و يبعد عنك شرها.
بس عندى سؤال ، هى شنطة الأسعاف اللى جاية مع العربية قبلوها عندك ، أصل انا عربيتى 1600 اتوماتيك هاف سبورت كويتى 2008 ، و طبعا فيها طفاية و شنطة اسعاف و مثلث زيك ، و لكن لما رخصت ما كانتش الحاجات دى مطلوبة (عدا الطفاية) و شنطة الأسعاف ماهياش من المعدن ولا حاجة ، فهل كده تغنى عن شراء الشنطة اللى بيقولوا هاتتحدد و لا لأ ، و بعدين هل اعتبروا المثلث مطابق للمواصفات:dunno: ؟
و شكرا

شكرا لاهتمامك
جزاكم الله خيرا

اقتباس:

---

المشاركة الأصلية كتبت بواسطة hosamsamsoon

ليه 250جنية ضريبة
هوة مش كان 175جنية
الرحمة يا رب

---

شكرا على ردك استاذ حسام
يعنى يا سيدى هى جت على الضريبه ؟؟؟!!!!ما احنا عمالين ندفع فى ضرائب كتير سواء باسم الغلا او باسم تبرعات او باسم اكراميات اجباريه
والله مافى أقوى من الشعب المصرى بلاضه هانفضل عايشين رغما عن الحكومه.

اقتباس:

---

المشاركة الأصلية كتبت بواسطة Qamar

شكرا لاهتمامك
جزاكم الله خيرا

---

أى خدمه ياباشا نورت المنتدى.

اقتباس:

---

المشاركة الأصلية كتبت بواسطة lancer92

ألف ألف مبروك ، ربنا يبارك لك فيها و يبعد عنك شرها.
بس عندى سؤال ، هى شنطة الأسعاف اللى جاية مع العربية قبلوها عندك ، أصل انا عربيتى 1600 اتوماتيك هاف سبورت كويتى 2008 ، و طبعا فيها طفاية و شنطة اسعاف و مثلث زيك ، و لكن لما رخصت ما كانتش الحاجات دى مطلوبة (عدا الطفاية) و شنطة الأسعاف ماهياش من المعدن ولا حاجة ، فهل كده تغنى عن شراء الشنطة اللى بيقولوا هاتتحدد و لا لأ ، و بعدين هل اعتبروا المثلث مطابق للمواصفات:dunno: ؟
و شكرا

---

الف شكر يا باشا, انا بصراحه ماحدش كلمنى ولا على شنطه اسعاف ولا مثلث ولا طفايه لان بصراحه يمكن انا كنت باتكلم معاهم بلغه مختلفه عن لغه حضرتك (لغه اللحلوح !!!!!!) اكيد حضرتك تعرفها وبعدين ياباشا فيه كلام كتير دلوقتى عن احتمال الغاء فكره شنطه الاسعاف لان الشكاوىو(الاصوات العاقله) تعالت الايام الماضيه مطالبه باعاده النظر فى موضوع شنطه الاسعاف وذلك ليس لثمنها ولكن لعدم جدواها وصعوبه تحقيق الهدف المرجو من ورائها وذلك لجهل معظم الشعب بمبادىء الاسعافات الاوليه(مش قلت لك اصوات عاقله) فالحكومه بتفكر جديا فى الغائها مع استبدالها برسوم لتحسين مرفق اللاسعاف(يعنى هى هاتتنازل عن عبقريتها ببلاش؟؟!!!!!
اما بالنسبه للمثلث فماحدش يقدر يتكلم عليه نص كلمه دا يابانى ياريس وبينور فى الضلمه احسن من كهرباء الحكومه نفسها .

اقتباس:

---

المشاركة الأصلية كتبت بواسطة Oushy

الف مبروك علي الترخيص والعربيه ثانيا :) بس انا لما كنت برخص كنت جايب معايا الطفايه القديمه بتاعتي عشان كنت شاكك انهم مش هيقبلو الي جايه مع العربيه وفعلا زي ما توقعت قالي دي مش هتنفع يا باشا عندنا ;)

---

الف شكر على شعورك الطيب . ياباشا ثقافه اللحلوح بتسلّك المسائل (ايه الالفاظ دى؟؟؟؟!!!!!) اسف يا اخى هذه الالفاظ هى الوصف الامثل للحال السائد.ياباشا الطفايه وشنطه الاسعاف والمثلث بتوع بلدهم يعنى جايين من اليابان والمفروض انهم على اعلى مستوى نظرا لاحترامهم الشديد لآدميه البشر .اما اذا روفضوا عندنا فهى لحاجه فى نفس يعقوب(طبعا احنا عارفين مين يعقوب المقصود هنا)!!!!!!!!!!!!

اقتباس:

---

المشاركة الأصلية كتبت بواسطة harmadan

الف شكر يا باشا, انا بصراحه ماحدش كلمنى ولا على شنطه اسعاف ولا مثلث ولا طفايه لان بصراحه يمكن انا كنت باتكلم معاهم بلغه مختلفه عن لغه حضرتك (لغه اللحلوح !!!!!!) اكيد حضرتك تعرفها وبعدين ياباشا فيه كلام كتير دلوقتى عن احتمال الغاء فكره شنطه الاسعاف لان الشكاوىو(الاصوات العاقله) تعالت الايام الماضيه مطالبه باعاده النظر فى موضوع شنطه الاسعاف وذلك ليس لثمنها ولكن لعدم جدواها وصعوبه تحقيق الهدف المرجو من ورائها وذلك لجهل معظم الشعب بمبادىء الاسعافات الاوليه(مش قلت لك اصوات عاقله) فالحكومه بتفكر جديا فى الغائها مع استبدالها برسوم لتحسين مرفق اللاسعاف(يعنى هى هاتتنازل عن عبقريتها ببلاش؟؟!!!!!
اما بالنسبه للمثلث فماحدش يقدر يتكلم عليه نص كلمه دا يابانى ياريس وبينور فى الضلمه احسن من كهرباء الحكومه نفسها .

---

لغه اللحلوح هى اللغة التى يستعملها الجميع فى قضاء مصالحهم ، مش عارف ايه اللى خلاك تاخد فكرة انى مش باتكلم باللغة دى ؟؟ يا باشا دى أقوى من أى لغة عالمية او محلية:002:
أما بالنسبة للمثلث فالمواصفات الجميلة اللى ذكروها فى الجورنال فكانت عجيبة و تشرك اى مثلث لو حتى امريكانى مش يابانى بس ، يا عم ده بيقول لك فيه شريط برتقالى من الخلف !!! ممكن تفهمنى ايه اهميته فى المثلث ؟؟ من الخلف !!!!:smilielol5:
ده غير باقى المواصفات ، علشان كده سألتك عنه
و شكرا

اقتباس:

---

المشاركة الأصلية كتبت بواسطة lancer92

لغه اللحلوح هى اللغة التى يستعملها الجميع فى قضاء مصالحهم ، مش عارف ايه اللى خلاك تاخد فكرة انى مش باتكلم باللغة دى ؟؟ يا باشا دى أقوى من أى لغة عالمية او محلية:002:
أما بالنسبة للمثلث فالمواصفات الجميلة اللى ذكروها فى الجورنال فكانت عجيبة و تشرك اى مثلث لو حتى امريكانى مش يابانى بس ، يا عم ده بيقول لك فيه شريط برتقالى من الخلف !!! ممكن تفهمنى ايه اهميته فى المثلث ؟؟ من الخلف !!!!:smilielol5:
ده غير باقى المواصفات ، علشان كده سألتك عنه
و شكرا

---

ياعم لانسر 92 والله انا ما قصدى انك ماتعرفش تتكلم اللغه دى ( هو مين فى مصر مابيتكلمهاش؟؟؟؟) بس انا قصدى ان ممكن ربنا يكون سهلها علشان مندوب المعرض هو اللى كان بيخلص كل حاجه وانا كل اللى على انى اظبط مخارج الفاظ لغه اللحلوح !!!!!!:laugh:
وبالنسبه للمثلث ي اخى انت ظالم الناس الحبوبين بتوع الحكومه قصدهم الشريط البرتقالى علشان العالم الامريكان ولا اليابانين (اللى بيعملوا بضاعه مضروبه) ما يخاطروش بحياتنا لو وقفنا فى طريق ضلمه( وما اكثرهم) علشان نغير العجل او اتعطلنا يبقى اللى جاى من ناحيتنا شايف الاحمر والى جاى من الناحيه الثانيه شاف الحياه برتقالى علشان البمبى بينيم :smilielol5:

انت جاى فوقتك انا إن شاء الله هرخص بعد بكرة بس انا عربيتى 1300 مانيوال خليجى فهل هى نفس المصاريف ولا ايه ؟

اقتباس:

---

المشاركة الأصلية كتبت بواسطة harmadan

الف شكر على شعورك الطيب . ياباشا ثقافه اللحلوح بتسلّك المسائل (ايه الالفاظ دى؟؟؟؟!!!!!) اسف يا اخى هذه الالفاظ هى الوصف الامثل للحال السائد.ياباشا الطفايه وشنطه الاسعاف والمثلث بتوع بلدهم يعنى جايين من اليابان والمفروض انهم على اعلى مستوى نظرا لاحترامهم الشديد لآدميه البشر .اما اذا روفضوا عندنا فهى لحاجه فى نفس يعقوب(طبعا احنا عارفين مين يعقوب المقصود هنا)!!!!!!!!!!!!

---

فعلا علي رأي حضرتك كل حاجه لازم تمشي بللحلوح :k48:وحتي ساعتها جه في دماغي ان اكيد الي جايه من اليابان اكيد انضف من الي هنا
حتي أنا كان عاجبني ان ليها مكان تحت الكورسي بس طبعا دلوقتي شلتها بالافيز بتاعها وطلعتها البيت ودلوقتي حاطط التانيه كده تحت الكورسي :)

اقتباس:

---

المشاركة الأصلية كتبت بواسطة shaiboba

انت جاى فوقتك انا إن شاء الله هرخص بعد بكرة بس انا عربيتى 1300 مانيوال خليجى فهل هى نفس المصاريف ولا ايه ؟

---

الف مبروك ياباشا وربنا يبارك لك فيها ويديك خيرها ويكفيك شرها
حسب معلوماتى (والله اعلم) ان الضريبه هاتقل حوالى 75 جنيه بس مصروفات الاستمارات اللى هى 30 جنيه زى ما هى والتأمين زى ما هو وبمكن يقل 20 جنيه وطبعا لو حضرتك عندك عربيه ثانيه(مسجله باسمك فى نفس وحده المرور التابع لها)هاتدفع ال 60 جنيه ضريبه الرفاهيه وباقى المصروفات زى ما هى 90 اللوحات و20 جنيه تأمين اللوحات.
الف مبروك ياباشا مره ثانيه وربنا يكفيك شرها.

اقتباس:

---

المشاركة الأصلية كتبت بواسطة harmadan

ياعم لانسر 92 والله انا ما قصدى انك ماتعرفش تتكلم اللغه دى ( هو مين فى مصر مابيتكلمهاش؟؟؟؟) بس انا قصدى ان ممكن ربنا يكون سهلها علشان مندوب المعرض هو اللى كان بيخلص كل حاجه وانا كل اللى على انى اظبط مخارج الفاظ لغه اللحلوح !!!!!!:laugh:
وبالنسبه للمثلث ي اخى انت ظالم الناس الحبوبين بتوع الحكومه قصدهم الشريط البرتقالى علشان العالم الامريكان ولا اليابانين (اللى بيعملوا بضاعه مضروبه) ما يخاطروش بحياتنا لو وقفنا فى طريق ضلمه( وما اكثرهم) علشان نغير العجل او اتعطلنا يبقى اللى جاى من ناحيتنا شايف الاحمر والى جاى من الناحيه الثانيه شاف الحياه برتقالى علشان البمبى بينيم :smilielol5:

---

حلوة لكن فيه مشكلة صغننة:k48:
ان اللى جاى من ورايا مش هايشوف البرتقالى لأنه هايخيش فى العربية قبل ما يشوف المثلث أصلا و ده لو على طريق حارة واحدة (موجودة فى بعض طرق السفر):tt2::k37:
على فكرة : اسمى فى التوقيع: شريف

الف شكر يا باشا على الموضوع
انا فى موضوع عندى شاغلنى هو
انى فى شهر 3 /2008 استملت العربيه زيرو روحت رخصتها فى المرور
رخصت 3 سنوات ومعايا ايصال الدفع
لقيتهم فى الرخصه كاتبين نهايه الترخيص فى 3/2009 مش 3/ 2011
روحت داخل لرئيس الوحده قولتوا الى حصل كان رده كألتى :احنا بندى كل التراخيص سنه واحده علشان النمر الجديده تنزل فى شهر 8 فبتالى انت السنه الجايه هتيجى تسلم نمر قديمه وتاخد نمر جديده وهتاخد بقيت المده لغايه 2011 سألت طب ازاى هتعرفوا انى دافع 3 سنوات مش سنه قالى هنعرف من الملف
جميل لحد كده
جينا فى شهر 5 الى فات والتراخيص زادت وبعد كده قالوا فى اخر شهر 5 ان القانون ده هيطبق باثر رجعى ابتداء من 5 مايو
السؤال هنا انا هروح ان شاء الله فى شهر 3 /2009 اخد النمر الجديده وطبعا هدفع رسوم النمر هل بقى هيطلبوا فرق الضريبه الجديده عن السنتين دول علشان ينزلوهم فى الرخصه ولا ايه ؟؟!!!
يارت لو حد عند فكره يفدنى فى الموضوع ده

اقتباس:

---

المشاركة الأصلية كتبت بواسطة limo

الف شكر يا باشا على الموضوع
انا فى موضوع عندى شاغلنى هو
انى فى شهر 3 /2008 استملت العربيه زيرو روحت رخصتها فى المرور
رخصت 3 سنوات ومعايا ايصال الدفع
لقيتهم فى الرخصه كاتبين نهايه الترخيص فى 3/2009 مش 3/ 2011
روحت داخل لرئيس الوحده قولتوا الى حصل كان رده كألتى :احنا بندى كل التراخيص سنه واحده علشان النمر الجديده تنزل فى شهر 8 فبتالى انت السنه الجايه هتيجى تسلم نمر قديمه وتاخد نمر جديده وهتاخد بقيت المده لغايه 2011 سألت طب ازاى هتعرفوا انى دافع 3 سنوات مش سنه قالى هنعرف من الملف
جميل لحد كده
جينا فى شهر 5 الى فات والتراخيص زادت وبعد كده قالوا فى اخر شهر 5 ان القانون ده هيطبق باثر رجعى ابتداء من 5 مايو
السؤال هنا انا هروح ان شاء الله فى شهر 3 /2009 اخد النمر الجديده وطبعا هدفع رسوم النمر هل بقى هيطلبوا فرق الضريبه الجديده عن السنتين دول علشان ينزلوهم فى الرخصه ولا ايه ؟؟!!!
يارت لو حد عند فكره يفدنى فى الموضوع ده

---

غريبة يا Limo !!!
انا لما رخصت رخصت 3 سنين و مكتوب فى الرخصة نهاية الترخيص 3/2011 و الفحص 2011
ازاى انت كاتبين لك كده ؟؟:dunno:
هو انت تبع اى مرور ؟؟
ثانيا معلوماتى (من ناس فى المرور سألتهم لما اختى راحت تنقل عربيتى القديمة باسمها بعد ما اشترتها) ان اى ترخيص قبل 5/2008 لن يطبق عليه زيادة الضريبة بأثر رجعى لأن لما اعلنوا عن زيادة الضريبة ناس كتيرة عملوا ناصحين و اللى معاه توكيل راحل ينقل باسمه و يرخص و اللى متردد يشترى اشترى و خلص و راح يرخص ، فعلشان كده عملوا التطبيق من تاريخ الأعلان اللى هو 5/2008 :002:
اما اللى رخص قبل كده بفترة (زى حالاتنا) فمش متوافر عنده موضوع سوء النية و التهرب من الضريبة علشان كده مش هايطبق عليهم الزيادة
والله اعلم !!!

جزاك الله الخير علي هذا الموضوع اخي بجد فادني وربنا يباركلك وكل الأعضاء في عربياتكم ويديكم خيرها ويكفيكم شرها

اقتباس:

---

المشاركة الأصلية كتبت بواسطة lancer92

غريبة يا Limo !!!
انا لما رخصت رخصت 3 سنين و مكتوب فى الرخصة نهاية الترخيص 3/2011 و الفحص 2011
ازاى انت كاتبين لك كده ؟؟:dunno:
هو انت تبع اى مرور ؟؟
ثانيا معلوماتى (من ناس فى المرور سألتهم لما اختى راحت تنقل عربيتى القديمة باسمها بعد ما اشترتها) ان اى ترخيص قبل 5/2008 لن يطبق عليه زيادة الضريبة بأثر رجعى لأن لما اعلنوا عن زيادة الضريبة ناس كتيرة عملوا ناصحين و اللى معاه توكيل راحل ينقل باسمه و يرخص و اللى متردد يشترى اشترى و خلص و راح يرخص ، فعلشان كده عملوا التطبيق من تاريخ الأعلان اللى هو 5/2008 :002:
اما اللى رخص قبل كده بفترة (زى حالاتنا) فمش متوافر عنده موضوع سوء النية و التهرب من الضريبة علشان كده مش هايطبق عليهم الزيادة
والله اعلم !!!

---

انا تبع مرور مدينه نصر
وتقربيا المرور كان فى الفتره ديه كان بيدى كل التراخيص سنه واحده وابتداء من شهر 5 او 6 يبقى يكتبوا فى الرخصه ال3 سنين عادى
ممكن يكون الموضوع تبيع مرور مدينه نصر فقط خصوصا انه المرور الوحيد الى بيوزع النمر الجديده

هوه قانون كان صريح فى نفاذه وانا لا ينطبق عليا القانون الجديد 100% بس انا خايف من الاستهبال بتاع المرور علشان كده محتفظ بايصال الدفع من وقتها