المشاركة الأصلية كتبت بواسطة birdybirdy
على فكرة انا برده حصل معايا نفس الكلام.
رحت اعمل Interview في شركة اتصلت ليا عايزيني اشتغل معاهم.
رحت وعملت الأختبارات بتاعتهم وكله تمام وجينا بقي للمقابلة الشخصية قعد اتكلم معايا شوية وسألني الأسئلة المعتادة وكده وبعدين دار الحوار التالي:
هو: احب الفت نظرك ان شاء الله لو حصل نصيب واشتغلتي معانا لمعلومة بما اننا شركة زراعية فإحنا لينا شغل مع اسرائيل وتعاون مباشر بينا وبينهم فهل عندك مشكلة في ده؟
انا: ايوة طبعاً :pissedoff:
هو: ليه مالدولة بتتعامل معاهم عادي يعني :boat:
انا: قلتله التعامل معاهم في الظروف العادية جائز لكن اثناء الحروب يحرم التعامل معاهم
هو: بس احنا دلوقتي مش في حالة حرب معاهم الحرب انتهت خلاص من زمان :blink4:
انا: حضرتك بتتكلم عن حرب دولية ولا حرب مع المسلمين؟ لو على مصر اه فعلا مفيش حرب بينا وبينهم حاليا لكن في حروب ليهم مع المسلمين في فلسطين وغيرها
هو: اااااه لا انا كنت بتكلم على ان مفيش حورب بين الدولتين حالياً بس عموما احنا كلنا كنت مترددين في الأول وانا اول ماشتغلت هنا كنت رافض بس بعد كده اقتنعت والدنيا مشيت عادي يعني :boat:
انا: طيب عموما حضرتك لما يحصل قبول في الوظيفة الأول نبقي نتكلم في الموضوع ده واكون فكرت يمكن اقتنع زي حضرتك :confused4:
وانصرفت بهدوء ومشيت وطبعا كنت مصدومة ومتنكدة :no:بس الحمد لله متصلوش بيا ومشتغلتش معاهم وحتى لو كانوا اتصلوا وقبلوني مكنتش هاوافق اشتغل معاهم برده.
يالا ربنا يسترها معانا يارب