فكرة " تركيب شداد كهرباء على البرياج"

**shamsman** · 28-10-2008 11:59 PM

مجرد فكرة جت على بالى بعد ان تالمت قدمى من الضغط على الدبرياج فى الطرق الزحمة ارجوا المساعدة فيها وتتلخص فى : تركيب موتور كهربى قوى "مثل المارش" على سلك يعمل موازى لسلك الدبرياج وموصل بمفتاح كهرب يعمل بالضغط على دواسة الدبرياج "مثل دواسة الفرامل" وبكده تبقى الدوسة خفيف جدا , هل تنفع هذه الفكرة.

**MMamdouh** · 29-10-2008 10:38 AM

ازاى حتقدر تتحكم فى تدريج الدواسة بالموتور الكهربائى؟؟

الكهرباء بتبقى on او off و بالتالى مش حيبقى عندك فرصة للتدرج فى الضغط على دواسة الدبرياج و انت طالع على الاول

الا اذا اتعملت فكرة زى دواسة البنزين الالكترونية مع موتور قوى كفاية للضغط على الديسك يبقى ممكن

MMamdouh

**MMamdouh** · 29-10-2008 11:02 AM

المشاركة الأصلية كتبت بواسطة NaderNabil

عندنا مثلا شينيور بوش ...الزرار بتاعه كل ما تدوس عليه أكتر كل ما السرعة تزيد و العكس.

مهو دة كلة اسمة ON ...طالما الموتور بيلف يبقى ON

فى الدبرياج انت عايز تقف عند نقط معينة و عندها يبقى الموتور OFF

طبعا اعتبارات الوزن و التكلفة و الاعتمادية قصة كبيرة و ممكن تسبب فشل المشروع لكن كل شىء ممكن

الحل الاسهل هو الدبرياج الهيدروليكى... نظام سهل و بسيط و فعال

MMamdouh

**shamsman** · 29-10-2008 05:59 PM

المشكلة انى لا املك ثمن الاوتوماتك, وفكرت فى هذه الفكرة لانى اعتقد انها غير مكلفة وسهلة التركيب "مجرد اعتقاد" ويمكن مثلا بدل الموتور استخدام مغناطيس كهربى بساق حديد داخله وبذلك يمكن التحكم بالمسافة عن طريق التيار الكهرب

**maka** · 30-10-2008 02:49 AM

بصراحة فكرة حلوة بس مش هتنفع لعدة نقط اولا فكرة استخدم

مقاومة علشان هيبقى فيه استهلاك عالى للباور وبالتالى حمل على

الدينامو و البطارية

استخدام مغناطيس كهربى بساق حديد داخله وبذلك يمكن التحكم بالمسافة عن طريق التيار الكهرب

الفكرة دى بستخدم مع الrelays بس عيبها الdelay time

وطبعا كل ما تقلل ال delay كل ما التكلفة هتزيد يعنى بالبلدى لما

تدوس عند الزمن صفر هتبدء الساق تتحرك بعد 10 ثوانى (ده لو

حاجة حجمها صغير ) وطبعا الموتور ده حجمه عمره ما هيكون

صغير يبقى الزمن هيزيد عن نص دقيقة

ممكن تفكر فى ال servo motor زى بتاع الدش وعمليات

الليزك بس ده معروف ببط حركته والسريع منه تكلفته عالية جدا

يبقى مفيش غير حل واحد speed control system

بالحساسات وموتور بيلف فى اتجاهين بس هيبقى نظام معقد ومكلف