الموضوع: إلى كل عاشق للسرعة وسباقات الشوارع

انا بأه واحد كنت ساكن جنب اشرف فرغلى زمان قبل ما اتجوز وعانيت الامرين من الشباب اللى مش شايفة فى الدنيا غير نفسها ورغباتها وملعون ابو الناس اللى ساكنه فى المنطقة اللى لا بتعرف تنام ولا بتآمن على عربياتها المركونة تحت واللى كل اسبوعين او تلاتة واحدة منهم تتدشدش الى total loss بسبب الشباب الروش الكوول، مطبات تتعمل ومافيش فايدة، بوليس ييجى يلمهم يومين ويرجعوا تانى ، بقينا نسيب بيوتنا يوم الخميس وننزل نقف لهم فى الشارع بالعصيان والطوب لان اللى مش فاهم ان الشارع-وخاصة فى مكان حيوى زى ده-وظيفته انه مرفق للناس علشان توصل بيوتها واعمالها واماكن تسوقها وليس وظيفته اطلاقا انه يكون ساحة لجنون كل مجنون يبقى اقل حاجة تفوقه هى طوبة فى ازاز عربيته ان لم تكلفه مالا فستلكفه ان ابوه هيسحب منه العربية شوية علشان يتربى

كل اللى اقدر اقوله ان اى طفل ارعن مش شايف من الدنيا غير نفسه وبس وعنده كل هذا الكم من الاستهتار بارواح وممتلكات الآخرين لمجرد انها لا تخصه ، بتمناله من كل قلبى ان إلاهى ما يوعى يروح بيته وربنا يحرق قلب ابوه وامه عليه وعلى العربية اللى جابينهاله يقرف بيها مخاليق ربنا ويقل راحتهم ويدمر ممتلكاتهم