الموضوع: افيدوني في اسبرانزا a516 ..

المشاركة الأصلية كتبت بواسطة elkomyalto

هيا كعربيه فيها اوبشن ممتاذ
ولكن مشكلة الصينى الاولى فى مصر هى العفشه ولكن مقارنة بأسعار قطع الغيار فهى رخيصه عن عربيات اخرى كتير ... انا كانت معايا اختها ولكن بعتها من فتره
نصيحه منى متجبش منها اقل من موديل 2011 لان الموديلات التى قبل ذلك بها عيوب

شاكر لردك وانا فعلا ناوي ابتداءا من موديل 2010 فما فوق .. ولو تكرمت اكتر مشاكلها غير العفشه ايه؟ ..يعني مثلا بتسخن ... ايه أبرز مشاكلها معاك خلال الفترة امتلاكها

العفشة مالتي لينك هيا كده تصميمها كده مش عيب فيها ولا حاجة وفعلا لو هتجيب هات الموديلات الحديثة من 2010 او 2011 عربية كويسة قطع غيارها منتشرة وسعرها لو حالتها نضيفة 55 ألف والصيانات الدورية مهمة جدا لانها في الاول والاخير الة وكل حاجة فيها ليها عمر افتراضي . بالتوفيق تحياتي .

انا معايا موديل 2007 وماشية اكتر من 200 الف كيلو. والسيارة جيدة جدا حتى الآن والحمد لله.
فى العربية ي فى فى غيرها موضوع هى موديل سنة كام مش بيفرق.. حتى الكيلوهات مش هى الفيصل. المهم حالة الموتور والشاسية وان العربية تكون ماسكة نفسها ومفيهاش عيوب جوهرية. ولازم تكشف عليها فى التوكيل او عند مركز صيانه متخصص فيها.
كنت بشترى واحده موديل 2010 وماشية 24 الف كيلو وفبريكة وهيئتها ممتازة ولما كشفت عليها طلعت المكنه مفوته والفتيس بايظ!! فى حين عربيتي اشتريتها وهى مقربه من 200 الف وراشه باب وطلعت ممتازة جدا.

العفشه كانت ناشفة شوية لما كان فيها المساعدين الاصلي بس مقابل ثبات جيد جدا.. غيرتهم بمساعدين لانسر ياباني جداد لأن القدام مع الوقت جابوا أخرهم.. ومن وقتها العربية بقت اطرى كتير وفى نفس الوقت نفس الثبات الممتاز. (زي اللانسر بالظبط).
الباور حلو وطري جدا لو ماشي بالراحة.. وبيتقل شوية لما تمشي بسرعه وده للامان والتحكم.
عيب العربية دي حقيقة فى حاجتين.. حجمها الكبير بس بيديك وسع طبعا، وشكمانها الأصلى اللى بيخلي صوتها عالى خصوصا العلبة الخلفية. انا غيرت الشكمان العربية ماعدش لها صوت نهائي.
توكل على الله واشتريها.. مش هتندم.
انا ركبت عربيات كتير فى نفس الفئة السعرية وفئات اعلى شويتين هى اكتر واحده عجبتني هى و m11، اللى كانت أنعم بس ضيقة شويتين.

اشكركم جميعاً للإهتمام والرد ولكم جزيل الشكر
ولي سؤال عن الموتور هل هو معمر يعني بيعيش ويعد كيلووات ولا بيخرب ويفوت.
وسعر الموتور كام استيراد ؟
وممكن بتعمل له عمرة ؟
وكم سعر علبة الدريكسيون الايسكترا جديد واستيراد ؟ لأن علبة الدريكسيون دي جديده كانت بعربيتي التمبرا اغلي من تمن الموتور فعلا