الموضوع: مقارنة لحد الـ 60 ألف ( نوبيرا - لانوس - فيرنا ) أيهما أفضل !!

المشاركة الأصلية كتبت بواسطة john silver

ســـــــــــــلام عليــــــــــكم
ياشبــــــــــاب عــــــــاوزين نعمـــــــــــل مقارنــــــــه لحد الـ 60 ألف بين النوبيرا والفيرنا واللانوس أيهما أفضل من حيث الثبات والمتانه وقطع الغيار والراحه والمشي بالغاز الطبيعي معظم اراء الناس بتصب لصالح النوبيرا ثم الفيرنا ثم اللانوس نحتاج ارائـــــــكم يا افاضــــــــل وماتبخلـــــــوش علينا بالنصيـــحه لاننا عاوزينها لسفر وديمومة قطع الغيار والصبر على الطرقات

بص ده كلام من الآخر..
انا معايا النوبيرا الاوتوماتيك وبتستحمل جري و تنطيط غريب بجد استهلاكها للبنزين كويس يعني تقريبا لو الطريق كويس يبقى 12 لتر في 130 كيلو تقريبا ثابته ثبات مستفز على الطريق تاخد الغرزه وانت ف بطنك بطيخه صيفي!!
لو بتدور على عربيه تستحمل يبقى فعلا النوبيرا عربيه ممتازه و ثابته جدا جدا جدا على الطريق واسعه و مريحه وشنطه كبيره والعفشه حلوه جدا مبتحسش بحاجه من التكسير اللي ع الدايري والكلام ده بس عيبها الوحيد بالنسبه ليا التسارع بتاعها بطيء عشان اوتو.. يعني من 0 ل100 في حوالي 20 ثانيه انما لو مانيوال الناس كلها بتقولي تسارعها تحفه
بالنسبه لقطع الغيار منتشره و سعرها كويس وسهل تلاقي ناس فاهمين فيها كتير
ده بالنسبه للنوبيرا
بالنسبه للانوس بقى لو بتتكلم في دايو لانوس يبقى بردو عربيه محترمه مش نفس ثبات النوبيرا بس بردو تعتبر ثابته ع الطريق نفس الكلام بتاع قطع الغيار و استهلاك البنزين انا اسمع انه احسن كمان من النوبيرا وسعها كويس بس اصغر من النوبيرا معرفش عنها حاجه تاني بصراحه
انما لو بتتكلم عن شيفروليه لانوس يبقى احب اقولك اياك تفكر و تعمل العمله السوده دي!!
الشيفروليه خدت اللانوس بوظتها.. سابت عيوب الدايو فيها و زودت عليها عيوب الشيفروليه و رمتها ع الطريق حرام ادفع فيها فلوس بس لسه احسن من الفيرنا..
الفيرنا بقى... همممممم مش عارفه اقول ايه انا اخاف امشي بيها على 100 اصلا.. عارف يعني ايه عربيه على سرعة 100 وزنها 3 ونص كيلو؟؟ متخيل عربيه ع السرعات العاليه قد ايه خفيفه وعايمه و متعرفش حاجه عن الثبات؟؟
احب اقولك انها وحش تسارع فعلا بس اوحش ثبات في مصر كلها
سوقتها في مره ع الدايري و انا على 140 كان في تكسير في الطريق لما عدت من عليه فعلا قلبي بقى في رجلي مفيش تحكم وعايمه و خفييييييييفه جدا وده سبب تسارعها الرهيب
الترتيب بالنسبه ليا..
نوبيرا - لانوس - فيرنا